Romans 6
Christaga tinnabana paapka paknabada
6 adunadi eikhoyna kari haaygadage? Thoujaal yaamnanaba eikhoyna paapta eetat-tattana leigadra? 2 maadu khak oidasanu! paaplomda sikhraba eikhoyna maaduda henna kuina karamna paangadage? 3 Nattraga, Christa Jesus-gida buptized loukhraba eikhoy makheina ebungngo-gi sibagida buptized loure haayba nakhoyna khangdraa? 4 maram aduna mapaagi matik mangaangi mapaanna Christa-bu asiba-singgi maraktagi hinggatpibaga mannana, eikhoynasu hingbagi anouba machat chatpa yaana-naba, sibagida buptized loubagi mapaanna eikhoybu ebungngo-ga phumminnare.
5 maramdi eikhoyna ebungngo-gi sibagi matouda ebungngo-ga loynanaa tinnaraklabadi, ebungngo-gi hinggatpagi matoudasu eikhoy tinnagani; 6 Paapki hakchaang mangkhiduna, eikhoyna paapta henna kuina minaai oidananaba, eikhoygi ariba mi adu ebungngo-ga loynanaa crossta siminnare haayba asi eikhoyna khang-e. 7 maramdi sikhraba mahaak adubu paaptagi chumhanbire. 8 touegumsung eikhoyna Christaga siminnarabadi, eikhoyna ebungngo-ga loynanaa hingsu hinggani haayba eikhoy thaajei; 9 maramdi asiba-singgi maraktagi hinggatpiraba Christa amuk siraroi; sibana ebungngo-gi mathakta amuk khudum challaroi haayba eikhoy khang-e. 10 maramdi ebungngona sikhiba maasi adu ebungngona paaplomda amukta sikhibani adubu ebungngona hingliba mahing adu Eesorlomda hinglibani. 11 Matou adugumna nakhoysu nasa nathanta paaplomda sirabani, adubu Eesorlomda Christa Jesus-da hinglibani haayna singthaanajou.
12 maram aduna nakhoyna paapki apaamba adu endananaba, nakhoygi sigadaba hakchaangda paapna ningthougum pandasanu; 13 adugaa nakhoy nakhoygi hakchaang kaayat adu dharmachendabagi khulaigum paapta katpa tok-u; adubu nakhoy nakhoygi nasaamak Eesor-da asiba-singgi maraktagi hingba hingba misinggum, amasung nakhoy nakhoygi hakchaang kaayat adu Eesor-da dharma chenbagi khutlaigum katthok-u. 14 Marmdi paapna nakhoygi nathakta khudum challaroidabani, maramdi nakhoydi waayel yaathanggi maakha ponba natte, adubu thoujaalgi maakha ponbani.
Minaaigi paandam
15 adunadi karino? eikhoyna waayel yaathanggi maakha pondaduna thoujaalgi maakha ponba maramna eikhoyna paap tousira? maadu khak oidasanu! 16 siba thok-hanba paapki oirabasu, dharma chenba thok-hanba haayba enbagi oirabasu, haayba ennanaba nakhoy nasaamak minaai oinaa katthoklabada, nakhoyna haayba elliba mahaak adugi minaaisingni haayba nakhoyna khangdraa? 17 touegumsung nakhoy paapki minaai oiramlabasu, nakhoybu sinnakhraba tambibagi maong adugi nakhoyna thawaay yaaonahaayba elle, 18 adugaa paaptagi naning tamhanbiraduna, nakhoybu dharma chenbagi minaai oihanbirakle haayduna, Eesor-da thaagatpa oisnu.
19 nakhoygi hakchaang oibagi sonba maramna eina mioibagi matougumna ngaanglibani. maramdi henna touheidaba tounabagidamak sengdabada amasung touheidabada minaai oinaa nakhoy nakhoygi hakchaang kaayat adu katthoklambagumna, houjikti asengba oinabagidamak dharma chenbada minaai oinaa nakhoy nakhoygi hakchaang kaayat adu katthoklo.
20 maramdi nakhoyna paapki minaai oiringeida, nakhoy dharma chenbaromda maningtambasing oirammi. 21 adunadi matam aduda nakhoyna kari mahei phangbage? Thabaksing adugi maramda houjik nakhoyna ekaaire. maramdi adusinggi arombadi sibani. 22 adubu houjikti paaptagi naning tamhanbiraduna, Eesor-gi minaai oihanbirabanina, asengba tanba nakhoygi mahei amasung aromba adu lomba naaidaba hingba nakhoyna phangle. 23 maramdi paapki atoumandi sibani, touegumsung Eesor-gi chanbiba khudondi eikhoygi Eesor Christa Jesus-da lomba naaidaba hingbani.