Isaiah 15
Mapuna Moabpu maanghan-gani
15 Moabki maramda phongdokkhiba wa: ahing amagi manungda Ar manghankhiba maramna, Moab mang takle, ahing amagi manungda Kir manghankhiba maramna Moab mang takle.
2 Aasengba maphamni haayna leiribasingduda Dibongi machaanupi-singdu tengtha naoiba chatkhre, Nebo amadi Medeba kouduna Moabna tengthaakhi. Kokta sam houdre, khadaangda koi houdre,
3 Lambelda makhoyna engumba phi settuna leiri, yumthakta amadi lampakta mi khudingmak tengtha naoiri, tarakli mittagi pirang atatpa leitaana.
4 Hesbon amadi Elealeh haayrakli, makhoygi makhondu Jahaj phaaoba taarammi, maramsina Moabki laanmisingduna laorakpada,
mahaakki thawaay thak thak nik-e.
5 Eigi thamoisina Moabkidamak waadaba ngamde, mahaakki mayum leitbasingduna Zoar Eglath Selisiyah phaaoba chellammi. Luhithki angambaduda makhoyda kapna kapna kakhatli, Horonaimlomda chatkhriba laambelduda makhoyna maangle maangle haayna laori,
6 Nimrimda leiriba eesingdu phaaoba amaang atana thallaba masak oire, naapi phaaoba patthare, anouba manaa chongdre, napisingbigi asangbadu leitre.
7 Makhoyna phangkhiba manaa mathumsing, makhoyna leijabi thaaduna peisinkhiba potsing, pukhi makhoyna tekkandaba u paambi-sing houriba maphamda leiriba eephuttu youba phaaoba,
8 Moabki lam sinbaa thungna khonjen laona kaptuna chatli, tengthaabadu Eglaim youkhre, youkhre Birelim phaaobasu.
9 Dibonda leiriba laaija eesingdu phaaoba ee olle, adubu Dibonda haayribasidagi henna eina oihangadouri, Moabtagi naanthoktuna chenkhiba kanaagi mathakta, amadi leibaaktugi oinaa leihouba eremkhak kharadugi mathakta neinnaba nongsa amasu eina thok-han-gani.
Isaiah 16
Moabki mapaanggal leitba
16 Jerusalemgi ningthougi maphamda loipot oinaa makhoyna katchari yaao kayaa amaa, purakli makhoyna Seladagi marubhumi phaoraga, Ziongi mamomloisinggi chingdu tanna.
2 Haayna humna pairiba ucheksinggum, echoi choina taaraba uchek mahumgum, Arnon-gi laanbanduga mannagani mamomloisingdu Moabki.
3 Paaoutaak pibiyu, achumbadu oihanbiyu, numit yungba matamda taahallu nahaakki namidu ahinggi matougumna, taanthoklabasingdubu kanbiyu, michen oinaa leiribasingdubu namthaak toubiganu.
4 Nattrabadi Moabki taanthokkhrabasingduna nakhoygi narakta soydana leigani, makhoybu manghan-ge haayna thiribasingdugi makhuttagi kanbiyu makhoybu. Ot neiribasingdu leitraba matamda, makhoybu manghan taahanbadu loikhrabada, makhoybu khongnetlambadu maanghankhrabada, maalemsida haayriba-singsi leitrabada,
5 Chetna channa nungsibadugi mapaantana singhasan amaa lingkhatkani, Davidki khaangpoksangda masigi mathakta phamgani thaajaba loynana. maaduda phamgani achumbakhakta touba amaa, tougani mahaakna asengba khakta taaibangda,
6 Tare eikhoyna Moabki napaldugi maramda, chaaothokchaba kayaada mahaakna, mahaakki tamthiba napan, amadi mahaakki louthiba, adubu nahaakna chaaothokcharibadu achumbadi natte.
7 maramsina Moabna tengtha naoigani, mi khudingna Moabkidamak tengthaagani, toupham khangdana Kir Herestagi kismisna saaba taldu yengduna tengthaajari,
8 Hesbongi lamda leiba loubuksingda he Riba amadi Sibmahgi lamda houriba angursingdu Jaatsinggi phamnaaiba-singna masa kakkhre, yourammi, makhoygi masaadu Jazer kouba mapham, thunglammi leikanglagi lamsingdu phaaoba makhoyna. Masigi matontana pak chaaona saandoktuna Samudra phaaoba yourammi.
9 maramsina Sibmahgi angur paambi-singdu ningsingduna, kapli Jazergi tengthaaron enduna, he Hesbon amadi Elealeh, taarakpa pirangtana chamthoklage nakhoybu. nakhoygi mahei marong amadi nakhoygi louphamda thokkani laangi ee tabado.
10 Leihao chellaba loubuksingdudagi, haraao tayaambagi erangdu loina mangkhre, angur engkhonda haraao esei amaa phaaoba saktre, khonjen amaa phaaoba thoraktre, lalon-itik touriba kanaanasu yu sungphamda yu sungdre, thoina henna echik hunkhre,
11 maramsina Moabkidamak khalluraga Saranggigi makhongumna eina tengthaadaba ngamde, thamoisina ningsingli Kirharesethpu.
12 Moabna mapugi maangda changjarakpa matamda, asengba maphamni haayna leiribasingda mahaakna lakchabada, mahaakki misingduda haayjanaba mahaakna laakpa matamda mahaakki mawaadu kanaanasu tabiroi.
13 Houkhiba matamda Eesor-na Moabki matangda phongdokpikhiba waasingdu haayriba-singsini.
14 Adubu houjikti Eesor-na mahaakki maramda taakpiri, "numit humnigi manungda chahi ahum chupana nomlakpagi matougumna, miyaam leirabasu Moabki mathakta mang takpadu thoklagani. Masigi manungda hingduna leihougadabasingdu masing yaamloi adugaa lousingsu leiroi."
Isaiah 17
Mapuna Syria amadi Israelbu awaapham tahan-gani
17 Damascuski maramda phongdokkhiba laaibao: yeng-u, Damascus, sahar oiba toklagani, oiragani maasi amaang atana thallaba peipham amaa,
2 Masigi manungda leiriba saharsingdu matam leiba khibikta manglaba mapham oiragani,
haayriba saharsingsida oihouragani yaaosinggi tumpham, adugaa kanaanasu makhoybu kihalloi.
3 Ephraimda leiriba laanbansingdu leiraroi, Damascuski leibaaksingdusu leiraroi, nongthak nongkha anigi mapu, Eesor-na taakpiri, aramsinggi leihouriba eremkhaksingdu Israelgi machaasinggumna matik mayaai leigani.
4 Adugumba numittuda Jacobki matik mayaaidu leikha tahan-gani, mahaakki noi pellaba masaadusu kangsallakkani,
5 Maru lokliba kanaana maru lepna lokpagi matougum oigani, Rephaimgi tampaakta phou chaarong khaaobagi matou maanggani,
6 Chorphon paambida kaaduna nikpa matamda amaa ani leihoubagumna magisu khakkani niknanaba mahei khara, awaangba masaada mahei amaa nattraga ani leihoubagi matougum leihoubagum mahei marong paanba upaal amada mari nattraga manga, asumna taakpiri nongthak nongkha anigi mapu, Eesor-na.
7 Adugumba numittuda taaibang misingna makhoybu sembiba mapudubu ningsingani. makhoyna Israelgi sengthoiraba mapududa yenggani.
8 Makhoygi makhutna sajaba phaankhongsingdu thaoina touroi. makhoyna makhoygi khutsana saakhiba potsingduda thoina mitaroi. Yengloi makhoyna Asherah nattraga dhup thaariba phaankhongsingdudasu.
9 Adugumba numittuda Israelgi misinggi maramdagi Hivi amadi Amorisingna thaadokkhiba saharsinggi matougumna makhoygi saharsingdu thaadokkani. amaang atana masak oiraduna leihougani makhoygi saharsingdu.
10 Nakhoygi aran khubham oiriba Eesor-dubu nakhoyna kaokhre, nakhoygi changjapham oiriba loibi chinggumba ebungngodubu kaokhre nakhoyna. maramsina nakhoyna aphaba maru thajarabasu, nakhoyna lamlaanbasinggi laaidu ningludrabasu,
11 Nakhoyna thaakhiba pottu thaakhiba numittumaktada houhallabasu, mahei pinbadi leiraroi, ahoinadum masigi marakta awaaba amadi anaaba yaamna nanggani.
Yeknaba-singbu maaythiba piba
12 Aha, misingna laorakliba khonjensi, laorakli samudradagi eraokhon thokpagi matougumna, Aha, Jaatsingna laorakliba khonjensi, makhoyna achouba eesing kaaybagi matougumna laaorak-e,
13 Jaatsingna eesing kairakpagi matougumna laorakli, mahaakna makhoybu cheigani, adugaa makhoy mahaakki makhon taabadata chenkhigani loibi chingda nonglei nungsit laakpa matamda phouham paibagi matougum oigani, nonglei nungsit laakpa matamda uphun paibagi matougum oigani.
14 numidaang-waai oirakpada yeng-u, akibana than-gani, ayuk youdringeida haayriba-singdu karisu ubaa phangde. Haayribasi eikhoybu neikhibasing adugaa eikhoybu manghankhibasingdugi maraibakta tamlambasingduni.