Isaiah 15

Mapuna Moabpu maanghan-gani

1 Moabki maramda phongdokkhiba wa: ahing amagi manungda Ar manghankhiba maramna, Moab mang takle, ahing amagi manungda Kir manghankhiba maramna Moab mang takle.

2 Ashengba maphamni haayna leiribashingduda Dibongi machaanupishingdu tengtha naoiba chatkhre, Nebo amadi Medeba kouduna Moabna tengthaakhi. Kokta sham houdre, khadaangda koi houdre,

3 Lambelda makhoyna engumba phi settuna leiri, yumthakta amadi lampakta mi khudingmak tengtha naoiri, tarakli mittagi piraang atatpa leitana.

4 Hesbon amadi Elealeh haayrakli, makhoygi makhondu Jahaj phaaoba taarammi, maramsina Moabki laanmishingduna laaorakpada,

mahaakki thawaay thak thak nik-e.

5 Eigi thamoisina Moabkidamak waadaba ngamde, mahaakki mayum leitbashingduna Zoar Eglath Selisiyah phaaoba chellammi. Luhithki angambaduda makhoyda kapna kapna kakhatli, Horonaimlomda chatkhriba laambelduda makhoyna maangle maangle haayna laaori,

6 Nimrimda leiriba eeshingdu phaaoba amaang atana thallaba mashak oire, naapi phaaoba patthare, anouba manaa chongdre, napishingbigi asangbadu leitre.

7 Makhoyna phangkhiba manaa mathumshing, makhoyna leijabi thaaduna peisinkhiba potshing, pukhi makhoyna tekkandaba u paambishing houriba maphamda leiriba eephuttu youba phaaoba,

8 Moabki lam shinba thungna khonjen laaona kaptuna chatli, tengthaabadu Eglaim youkhre, youkhre Birelim phaaobasu.

9 Dibonda leiriba laaija eeshingdu phaaoba ee olle, adubu Dibonda haayribasidagi henna eina oihangadouri, Moabtagi naanthoktuna chenkhiba kanaagi mathakta, amadi leibaaktugi oinaa leihouba eremkhak kharadugi mathakta neinnaba nongsha amasu eina thok-han-gani.