Numbers 4
Kohathki jatki Levisingna tougadaba mathou
4 Ishorna Mosesda hairammi. 2 "Kohath sageigi Levisingsu loina mashing thigadabani. 3 Chahi kunthra surabadagi yangkhei phaobada leiriba Ishor-gi ningnashangda seba changba ngambasingdu isin-gadabani. 4 Makhoigi mathoudi thoidokna asengba thabak pangthokpaduni.
5 Ishor-na Mosesda makhagi paotaksingsi pirammi. Mitin loisillakpa matamda Aaron amadi mahakki machanupasingna ningnashangda changduna areppa wasakki khangnanaba leiriba urongdugi mamangda khalliba Phishangdu louthagadabani. Aduga urongdumak masina kupsingadabani. 6 Makhoina masigi mathakta saun-gi makhum ama kupsingadabani. Madugi mathakta shangleinaba phi ama matonda kupsingadabani. Masi loiraba matungda punanaba cheidu lengsin-gadabani.
7 Ishor-da katlaba talsingdu thamgadouriba phandugi mathakta shangleinaba phi amasu makhoina thaduna thagadabani. Masigi mathakta thamgadouba potsingdi pukhamsing, dhup kambi, thougi kambi, drakha mahi hapnaba patranachingbasingsini. Matam leibada phansigi mathakta tal thamdaba yade. 8 Pumnamaksigi mathakta phi angangba ama sandoktuna thamgadabani. Masigi mathakta saun-gi makhum ama thagadabani aduga punnaba macheidu lengsingadoubani.
9 Thaomei makhong, thaomeising, khabei, pukhamsing amadi Chorphon-gi thao yaoriba patraduda phi shangleinaba ama louraga kupsingadabani. 10 Masibu makhoina saun-gi makhum amana masigi manungda leiriba potsingsiga loinana kupsingadabani. Masigi matungda lengduna punnaba macheidu lengsingadabani.
11 Mathangda makhoina sanana saba phankhongduda shangleinaba phi ama kupsillaga saunna saba makhum ama kupsingadabani. Matungda punnaba macheidu lengsingadoubani. 12 Asengba sonnapungda sijinnariba patrasingdu makhoina loisillaga shangleinaba phi amana kupsingadabani. Masigi mathakta saun-gi makhum amasu kupsingani. Aduga madu punnabagidamak machei ama lengsingadabani. 13 Phankhongda leiriba utsingdu ningthina teithoklaga ngangleinaba phi ama kupsingani. 14 Phankhongda pangkhokkhiba thousingda sijinnakhiba patrasingdu masigi mathakta thamgadoubani. Meiphu, kochi, khabei amadi khudengnachingbasingdu loisin-gadabani. Masi loiraba matungda saunna saba makhum ama kumpsinduna punnaba cheidu lengsingadoubani 15 Mitinshang loisillakpa matamda Aaron amadi mahakki machanupasingna makhumnachingba kuplaba matungda Kohatki machasingna pugadabani Kohatki Machanupasingna asengba potsingdu sokpa yade. Karigu-mba sokpa thoklabadi makhoi sigani.
Mitinshangdu puba matamda Kohatki machanupasingna tougadouba mathou-singdu mathakta piribasingsini.
16 Purohit Aaron-gi machanupa Eleazarna pugadouba mathoudi mitin shang, masida leiriba thaomeida hapnaba thao, manam nungsiba dhup, mahei maronggi potsing, noinanaba thao, aduga mitinshangda leiriba Lainingthou Ibungoda katkhraba pot khudingmak yengsinbaduni.
17 Ishor-na Moses amadi Aaronda hairammi, 18-19 "Thoidokna senglaba potsingdu manakta nakna changsillaktuna Kohatki sageigi mishingbu asiana thok-hanganu. Masigumbasi thoktanabagidamak Aaron amadi mahakki machanupasingna manungda changduna makhoina tougadouba mathoudu masak khangna takpigadabani. 20 Adubu Kohatki sageigi mishingna purohitsingna asengba potsingdu loisinlingei matamda karigumba ukhiba thoklabadi makhoi sigani."
Gerson-gi sageigi Levisingna tougadaba mathou
21 Ishor-na Mosesda hairammi, 22 Gerson-gi sageigi Levisingbu imung manunggi matung inna mikok thiyu. 23 Ishor-gi sonnapungda thabak touba yaraba chahi kunthradagina yangkhei phaobagi manungda leibasinggi mamingdu isillu. 24 Makhoina makhada piriba potsingsi pugadabani: 25 Mitinshang, masigi manungda yomnanaba sijinannaba phi, masigi mapan-gi makhum, masigi matonda upliba phajaraba saun-gi makhum changphamda yalliba phishang, 26 Mitinshanggi phankhonggi akoibada leiriba kasingda yalliba phishangsing, thourising kasinggi changphamda yalliba phishangsing amadi hairiba potsingsi sijinnaba matamda changdaba yadaba pot pumnamak makhoina pugadabani. Potsingsi changdaba yadaba matamda makhoina dai pugadabani. 27 Aaron amadi mahakki machanupasingna Gerson-gi Levisingna tougadouba thabaksindu phajana pangthok-i nattraga pangthokte haibadu Moses amadi Aaronna yengsingadabani. 28 Mitinshangda Gershon sageina tougadouba mathoudu Pikhribasingsini. Masi pumnamaksi purohit Aaron-gi machanupa Ithamargi makhada makhoina pangthokkadabani.
Merari sageigi Levisingna pangthokkadouba
29 Merari sageida leiba Levisinggi mikoksu imung manunggi matung inna thinanaba Ishor-na Mosesda hairammi. 30 Ishor-gi mitinshangda thabak touba ngamlaba nupa chahi kunthradagi yangkhei phaobagi manungda leibasingdu maming isin-gadabani. 31 Makhoina tougadouba mathoudi phambak, macheising, ukhong amadi sonnapunggi phambaknachingbasingdu pubani. 32 Masigi mathakta mitinshanggi akoibada leiriba kasingda leiriba ukhongsing, gamlasing, phiyankhoksing, amadi thourising aduga mitinshangdu khangatpada sijinnariba potsing loina makhoina pugadabani. Mi amana masi pugadabani haibadu mayek sengna takpigadabani. 33 Mathakta piribasingsi perari sageigi Levisingna pangthokkadouba mathouni. Makhoina tougadouriba mathousi purohit Aaron-gi machanupa Ithamargi makhada pangthokkadoubani.
Levisinggi mikok thiba
34-48 Ishor-na takpikhiba matung inna Moses, Aaron amadi Israelgi ahansingna Levigi sagei ahum Kohat, Gershon, amadi Merarigi mikok thikhi. Makhoigi imung manunggi matung inna thikhibani. Makhoina loukhiba mikok thibaduda manung chankhiba mishingdu Ishor-na yatabiriba Mitinshangda seba changba yaraba chahi kunthra subadagina yangkhei phaobagi manungda leibasingni. Makhoigi mashingdi:
Sagei Mashing
Kohatki sageida 2,750
Gerson-gi sageida 2,630
Merarigi sageida 3,200
apunba mashing 8.580 oirammi,
49 Ishor-gi yathang matung inna mi khuding maming chankhi aduga Ibungona takpikhiba matung inna makhoigi tongan tonganba mathoudang pikhi.