2 Chronicles 14
Ningthou Asana Sudannbu maithiba piba
14 Abijah siraba matungda miyamna mahakpu Davidki saharduda phumbikhi. Mahakki machanupa Asana mahut sinduna ningthou oikhi. Mahakki makhada Judah chahi tara ingna pankhi. 2 Ningthou Asana Mapu Ibungo Ishor-gi mangda aphaba amadi achumbadu tourammi. 3 Mahakna lai ateigi phankhongsingdu thugaikhi. Asengba maphamni haina miyamna khurumnaramba maphamsingdu mahakki matamda muthatkhi. Maphamsingduda yunglamba yumbisingdu mahakna louthokkhi. Masiga loinana Asherah ninglambadu muthatkhi. 4 Makhoigi mapa mapusingna ninglamba Mapu Ishor-bu thijanaba Judahgi mi khudingda mahakna yathang toukhi. Masidasu nattana puya amadi masida iriba yathangsingdu ngakna chatnanaba yathang tou-khi. 5 Judahda leiramba asengba maphamsing amadi phankhongsingdu loina manghankhi. Asumna Judah mahakki makhada ingna pankhi. 6 Leibak mara chetna ingna pallabada Judah chekpanna khajillaba sahar ama oihankhi. Ishor-na ingthana mara chetna palhan-biba maramna lan thokkhide. 7 Mahakna Judahda leiriba mishingda hairammi, "eikhoina saharsingsi semgatsi. Saharsingsigi akoibada thonggal amadi pouronjei semduna lanjabung wangna sasi. Eikhoigi Ipuroi Ishor-bu eikhoina kina chatchaba maramna leibaksi houjik phaoba eikhoigi oiri. Eikhoigi salai pumnamakta Ibungo mahakna yaiphahanbiri." Asumna chekpan amadi lanban sagatkhi aduga leibak irang leikhide. 8 Ningthou Ashagi matamda Judahgi chunggoi amadi tada heiraba lanmi lakh ahum aduga chunggoi amadi lirung tenda heisinglaba lakh aniga lishing mariphu leirammi.
9 Sudan-gi ningthou Zerahna Judahda landanaba haiduna lanmi lakh tara puduna thorakkhi. Masigi mathakta dolai chahum amasu yaorammi. Makhoina Mareshah phaoba taksillakhi. 10 Asana mahakka lanthengnanaba chatlammi. Mareshahgi Zephathah kouba tampaktuda lanpham oinanaba sem-sarammi. 11 Matamsida Asana mapuroi, Ishor-da asumna haijarammi, "asonba amadi akanba lanba toubada mateng pangbinaba ipuroi Ishor nahak nattana taibangsida nanaigi kanasu leijade. He Ipuroi Ishor, maramsina nanai eikhoibu tengbangbiyu, Ibungogi khuyakhada nanai eikhoi changjari. Ibungogi minglendugi matik mayaitana nanai eikhoina miyamsi lanba touge haina lakchabani.
12 Haijabasina maram oiduna Ishor-na Sudannsingbu Judah amadi Ashagi mamangda maithiba pikhi. Makhoigi mamangda Sudansingdubu Gerar youba phaoba tankhi. Lanphamsida Sudansingdu hingna amatta hankhide. Maramdi lanphamsida Ishor yaorammi. Judahgi mishingna lansidagi pot yamna phanglakkhi. 14 Ishor-gi saumdu kiba maramna makhoina Gerargi akoibada leiriba mishingdu tumna hatkhi. Makhoina sahardudagi pot yamna purakkhi. 15 Makhoina sha-shal leiriba maphamsingduda changduna yamna khomlakkhi. Makhoina ut amadi yaonachingba mashing thiba ngamdabamakhei purakkhi. Matungda makhoi Jerusalemda hallakkhi.