Zechariah 5

Apaiba laairik uba

1 Amukka haanna eina yengkhatkhiba matamda nongmadonda apaiba laairik makon amaa urammi.

2 Duttuna eingonda kari ui hanglammi. Eina khumlammi: nongmadonda paairiba laairik makon amaa ui. Haayriba laairiksi metre mapaan sangi aduga metre tangkhay amaa paklammi."

3 Maasida duttuna eingonda haayrammi. " Lamdamsida laakkadouba awaa-anaadu Laairiksida eduna leirabani. Laairiksigi atoppa nakan amaromda lamsida leiriba huraanbashingsi mangkhigani haayna eduna yaaori. Aduga atoppa nakan amasida minamba ngaanglibashingsi manghankhigani haayri.

4 Paanggallaba Eeshorna taakpiri madudi Ebungngona awaa-anaasi tahangadouribani aduga asigumba awaa-anaasina huraanba amadi waashaklaba matungda minamba ngaanglibashinggi mayumda taagani. Awaa-anaasina makhoygi emungda taaba matamda tumna maangdriba phaaoba thaadokloi."

Thummuk manungda phamduna leibi nupi amaa uba

5 Duttuna amuk haanna laaklaga eingonda haayrammi, " yeng-u. Karino amasu laakle."

6 Eina hanglammi "masidi karino?" Duttuna khallammi, "Masi thummukni. Aduga masigi waahanthokti lamsi shinba thungna ayon araan-aran kayaa toure haaybasini."

7 Thummuksi misina makhum oirammi. Eina yenglingeiduda machindu hangdorakkhi aduga thummuktuda phamduna leiribi nupi amaa eina urammi.

8 Duttuna haayrammi, "nupisina phattabagi paandamni. "Masi haayraga duttuna nupiduda namthaakhirammi amasung thummukki machindu khumjinkhi.

9 Eina yengkhatkhiba matamda urokki masha adu-gumba mapaanggal kallaba masha paanba nupi anikhak urammi. Makhoyna thummuktu loukhatlaga paikhi.

10 Eina duttuda hanglammi, "thummuksi makhoyna kadaayda puribano?"

11 Mahaakna khumkhi, " Babylondani. Maphamduda makhoyna masigi maningda ningnashang amaa sagani. Ningnashangdu shaaba loiraba matungda maasibu khurumjanba ningnashangdugi manungda makhoyna thamgani."