Titus 2
Christianshinggi lichat-shaajat amasung madugi makhong
1 Touegumsung nahaakna achumba paaoutaakki achaaba waa adu ngaang-u.
2 Hanubashingna yu thaktaba, chinglemba, pukning phajinba, amasung thaajabada, nungshibada, khangheibada achumba oisnu.
3 Adugumduna hanubishingna maramchatta Eeshor kina ningbi, hullan-gandabi. Aduga angur mahida minaai oidabi, aphaba tambiheibi oisnu.
4 Eeshorgi waabu thina haaydananaba, nahaa oibi nupishingbu makhoy makhoygi mapuroibashingbu nungshibi, machaashingbu nungshibi,
5 Pukning phajinbi, ashengbi, yumban heibi, aphabi, makhoy makhoymakki mapuroibashinggi makha ponbi oinaba makhoyda tambigadabani.
6 Adugumduna nahaa oiba nupaashingbu pukning phajinnaba ensnbiyu.
7 Maram pumnamakta nashaa nathantabu aphaba thabakki paandam oinaa utlu;
8 Migi michang oiriba mahaak aduna eikhoygi maramda phattaba haayningngai kari amata phangdaduna ekaainanaba, nahaakki tambibada atingba, chinglemba amasung lalhanba ngamdaba achumba waangaang utlu.
9 Minaaishingna maram pumnamakta eikhoygi kanbiba mapu, Eeshorgi paaoutaak adu phajahannanaba, makhoy makhoymakki mapushinggi makha ponjaduna maram pumnamakta makhoybu pelhannaba; waa khettaduna,
10 Lonna pot khaaidaduna, changkhonna mapu ningba utnaba, enshinbiyu.
11 Maramdi Eeshorgi thoujaal, mi pumnamakta araan khubam pubirakpa adu, uhanbire;
12 Eikhoyna Eeshor ningdaba amasung taaibang-paangi oiba apaamba adu yadaduna, pukning phajinna, dharma chenna amasung Eeshor ningna houjikki taaibang paanba asida pannanaba thoujaal asina eikhoybu tambi;
13 Maraak asida yaaiphakhraba khouraangna ningjaba, haaybadi, achouba Eeshor eikhoygi kanbiba mapu Christa Jesusgi matik mangaanbu uhanbiba adugi damak eikhoyna ngaijari.
14 Eikhoybu ayol-araan pumnamak tagi handokpinanaba, amasung aphaba thabakta thawaay yaaoba aduga ebungngogi marannaigi mibu ebungngo mashaagi damak shengdokpinanaba, Ebungngona eikhoygidamak mashaamakpu pibire.
15 Waashing asi haaybiyu, enshinbiyu, aduga matik pumnamakka loynanaa waarakpiyu. Mi kanaa amatana nahaakpu usittaba oidasanu.