Judges 2
Eeshorgi dut Bokimda laakpa
1 Matamduda Eeshorgi dutuna Gilgaldagi Bokim taanna laaklammi. Duttuna makhoyda haayrammi, "Eina nakhoybu Egypttagi pubirakpani. Nakhoygi napaa napushingda pibigani waashakkhiba lamsida eina nakhoybu pubiraklabani. Eina nakhoyda haaykhi, "Eina nakhoygi naphamda shaakkhiba areppa waashaktu keidoungeidasu thugaayroi.
2 Maramsina lamsida leiriba mishingga karigumba yaanaba amatta thamloidoubani. madugi mahutta lamsida leiriba phaankhongshingsi nakhoyna muthatnaba hotnagadabani." adubu nakhoyna eigi yaathangdu ende. Nakhoyna touribasi karino?
3 Maramsina houjikti lamlaanba mishingsi nakhoyna leiriba lamshingsidagi taanthokloi. Makhoysina nakhoygi yeknaba oirakkani. Makhoyna ningliba laaishingsi nakhoygi khudong thipham oigani."
4 Eeshorgi duttuna haayriba waashingsi Israelgi mishingda haayraba matungda makhoyna khongjen waangna kaplammi.
5 Makhoyna maphamdubu Bokim haaybadi mikap miraokhon thokpam haayna kounakhi. Haayriba maphamsimaktada Eeshorgi khuyaakhaada thounachingba katchakhi.
Joshua nonggaba
6 Joshuana Israelgi mishingbu maagi maagi chaakthung oinaa phangliba lamshingda hannaba yaathang pibirabada miyaamdusu maagi maagi lamda hankhi.
7 Joshuana hinglingei matamda Eeshorgi seba chatchakhi mahaakna shiraba matungdasu Israelgi manungda Eeshorna Makhoygi damak angakpa thabakshing toubikhiba matamda ukhiba ahanshingna leiringei matamda ebungngogi seba kaidana chatchakhi.
8 Eeshorgi manaai Nun-gi machaanupa Joshua mashaagi chahi 110 shubaa matamda nonggaakhi.
9 Miyaamna makhakpu mahaakki chaakthunggi lam Gaas chinggi awaang Ephraimgi lam Timnah Heres kouba maphamduda phumbikhi.
10 Mahaakki matamda leiramba mironda nonggaraba matungda laakpa mironshingduna Makhoygi damak Eeshorna toubikhiba angakpa thabakshingdu kaaothokkhirammi.
Israelgi mishingna Eeshorbu khurumdaba
11 Israelgi mishingna Eeshorgi mityengda araanba thabak touduna Baal kouba laaidu ningba houraklammi.
12 Egypt leibaaktagi makhoybu pubirakkhiba makhoygi mapaa mapushingna ninglamba Eeshorbu thaadokkhi. Makhoygi akoybada taariba mishinggi laaishingdu makhoyna ningba houkhi. Haayriba laaishingsi khurumduna makhoygi apenba oikhi. Maramsina Eeshorna yaamna shaaokhi.
13 Makhoyna Eeshorbu thaadoktuna Baal amadi Asherahpu ningkhi.
14 Maramsina Eeshorna Israelgi mishinggi mathakta yaamna shaaorammi. Amasung Ebungngona makhoybu phattaba mishinggi makhutta taahallammi. Ebungngona makhoybu akoybada leiriba yeknabashinggi makhutta yontho-kkhi. Maramsina makhoyna yeknabashinggi mayok yaaba ngamkhide.
15 Eeshorna makhoyda haanna taakpikhiba gumna makhoyna laandanaba chatpa matamda Eeshorna makhoygi mayokta leirammi. Maramsina makhoy maaythiba phangkhi. Eeshorna makhoyda taakpikhiba matung ennaa makhoy haayningngai leitana awaaba taakhi.
16 Masigi matungda Israelgi mishingbu tamthina ot neiriba mishinggi makhuttagi kanbinabagidamak waayenbashing thok-hankhi.
17 Adubu makhoyna waayenbashing haayba waadu ellamde. Masigi maramdi makhoyna atoppa laaishingbu ningduna khurumlammi. Mapaa mapushingna Eeshorgi yaathang amatta hiktoktana chatkhibadu makhoydi touramde. Makhoygi mapaa mapushinggumna makhoyde toukhide.
18 Eeshorna waayenbashing thok-hankhiba matamda Eeshorna haayriba waayenbashingsiga loynarammi. Israelgi mishingbu ot-neibiriba mishinggi cheinakhondu kap-laaoduna khanglibadu ubada Eeshorna makhoybu nungshibirammi.
19 Adubu waayenbashingna shiraba matungda makhoyna thoina henna phattaba thabak touba hen-gatlakkhi. Makhoyna thoina henna atoppa laaishinggi matung enkhi. Atoppa laaishingdu ningduna leikhi. Makhoyna toukhiba phattaba lamchatshingdu amaa phaaoba makhoyna thaadokpa leikhide.
20 Eeshorna Israelgi mishinggi mathakta maramsina yaamna shaaorammi. Maramsina Ebungngona haayrammi. "Eina napaa napushingda pikhiba yaathangshingdu machaashingsina endrabanina aduga eigi ewasi nakhoyna taaba leitrabanina
21 Joshuana shiraba matungda maaythiba pigadouba leiriba Jaatshingdubu Eina Makhoygi damak taanthoklaroi.
22 Makhoyshingsigi maramdagi Israelgi mishingna mapaa mapu-shingna Eeshorbu ennaa chatkhiba-dugumna chatpra nattraga chatpara haaybadu yenglage."
23 Maramsina Eeshorna atoppa Jaatshingdu eraai laaina taanthokkhide. Asumna Eeshorna atoppa Jaatshingdu Joshuagi makhutta taahanbikhide.