Lamentations 5
Thoujanbiyu haayjaba
5 He Eesor, nanaaisingda taariba awaabasi yengbiyu. nanaaisingda mityeng tabiduna ekaaiba nanglibasi khangbiyu.
2 Eikhoigi lamsing lamlaanbasingna loukhre, miramgi misingna isaruk phaaoba munkhre.
3 Eikhoigi epasing yeknabana hatkhre. maramsina emasing lukhra oihoure.
4 Eikhoina thakliba eesing phaaoba leiba taarammi, mei thaana-naba sing phaaoba leiba taarammi.
5 Lola nattraga utkumna makhoyna eikhoybu tankhi, eikhoy choktharammi adugaa potthahankhide.
6 Hingnanaba chinjaak thinanaba haayduna Egypt amadi Assyria taanna eikhoyna chatkhi.
7 Eikhoigi epa epu-singna aaronba toukhi adubu houjikti makhoy sikre. makhoyna touramba maramdugi maheidu eikhoyda tahoure.
8 Minaaidagi henna phatrabasingna eikhoygi ethakta waayelli, maramsina eikhoybu kanbinaba kanaasu leitre.
9 Leibaksigi mapham khudingda mihatpana koyna chatli. eikhoyna chaananaba chinjaak piba matamda ethawaai khubaakta happi.
10 Leirangda thaanggatliba konna sabagum, chara henmanbadagi eikhoygi hakchaangsi saagatlammi.
11 Zion chingda eikhoygi nupi-singbu namduna lamchat manghankhi, Judah-gi khunggangsingda echaa nupi-singdu lamchat manghanbikhi.
12 Eikhoigi luchingba-singdu phaaraga makhoyna thouri yaanduna haatkhi, eikhoygi ahansingdu ekaai-khumnakhide.
13 Eikhoigi nahasingdu minaaigumna mahei marong tak-hankhi. nupaamachaasingna u arumba puhankhi.
14 Ahansingna sahargi thonggalda phamkhidre, nahasingna eseinachingba sakkhidre.
15 Eikhoigi punsida nungaaiba leitre, haraao jagoigi mahutta awaabana saruk oire.
16 Chaothokchaningaini haayba pot amatta leikhidre, eikhoyna araanba toukhi adugaa houjikti maaduna tumna maanghalle.
17 Eikhoi thamoinungda naraba misingni, epi tamanbana emitsi udre.
18 Zion leikangla oinaa matomta taaduna leiba maramna, lamlakta leiba lamhuina masigi ningkhaairaba lemhoubasingda koyna chat-tuna leiri.
19 He Eesor, ebungngodi atat akham leitba ningthouni, matam koubasina leiribamakhei ebungngona waayelbigani.
20 Matam asuk kuina ebungngona karigi eikhoybu thaadokpiribano? ebungngona nanaaisingbu amuk nouhounana ningsingbigadra?
21 He Eesor, ebungngo-gi naphamda nanaaisingbu amuk haanna chingsinbiyu. Mamaangeida leiramba matik mayaaidu amuk pinabiyu.
22 Nattraga ebungngona nanaai eikhoybu matam leiba khibikki oinaa langthokpirabra? ebungngo-gi asaaobadu meimutlaroidra?