1 Corinthians 4
Eeshorgi maphamda paakhon-chatpashinggi mathoudang
1 Asum touna mina eikhoybu Christagi thougan touba mishinggum, amasung Eeshorgi athuppa waagi, dewanshinggum shingthaanabisanu.
2 Asida amuk henna dewanshinggi marakta thaajaba yaaba kanaagumbabu thibani.
3 Touegumsung nakhoyna nattraga migi waayenna eibu waayenba adu eingondadi yaamna pikpa potni; hoy, eina esha ethantabu waayende.
4 Maramdi ei esaagi eeraal karisu khangde, adum oinamakpu asina eibu chumhanba natte; adubu eibu waayenba mahaak adudi Eeshorni.
5 Maram aduna Eeshorna laaktriba phaaoba,matam oidri-ngeida karisu waayel-ganu; Ebungngona amaambagi arotpa pot adu mangaanda pubirakkani, aduga pukninggi waakhal adu phongdokpigani; amasung matam aduda mi khudingna Eeshordagi maagi maagi thaagatpa phangjagdni.
6 Amasung, echin-enaaosha, nakhoy kanaa amatana amagi damak ateigi mathakta yeknaduna chaaothoktaananaba ekhiba adu hendokphade haaybasi eikhoygi mapaanna nakhoynana tamnanaba, nakhoygi maramgi damak eina esha ethantada amasung appolloda hiram shing asi paandam toubani.
7 Maramdi kanaana nangbu tongaan hanbage? amasung nangna phangdaba kari leibage? adubu nangna phangbamak oirabadi, nangna phangdabagum karigi chaaothoklibage?
8 Houjikti nakhoy puk thalleda! houjikti nakhoy enakkhullakleda! eikhoy yaaodana nakhoyna ningthou oinaa pallakleda!Hoi, eikhoysu nakhoyga loynanaa ningthou oinaa pannanaba, nakhoyna ningthou oinaa paanba eina pamjabani.
9 Maramdi sigadabe mishinggum, Eeshorna eikhoy paakhon-chatpashingbu ekon konbada puthokpire haayna eina ningjei; maramdi taaibang-paangi, swargadut shinggi amasung mishinggi maphamda eikhoy kummei oirakle.
10 Eikhoydi Christagi maramgi damak apangbani, adubu nakhoydi Christada ashingbani; eikhoydi sholli, adubu nakhoydi kalli; nakhoydi thaagatpa phang-e, adubu eikhoydi maaythiba phang-e.
11 Houjik pang asi phaaoba eikhoydi chaak lamli, khouraangli, phi thungdri, phuba phangli, amasung areppa leipham phangdri;
12 Aduga eikhoyna ekhutmakna sujaduna nomli; cheirabada eikhoyna bor pi; ot-neirabada eikhoyna khang-e;
13 Mingchat thihallabada eikhoyna themjilli eikhoydi houjik phaaoba taaibang-paangi amotpa potkum, pumnamakki thunamnangei oirakle.
Mapagi mtougumna paaomenba amasung mit-na shinghanba
14 Eina nakhoybu ekaaihannanaba hiram shing asi eba natte, adubu eigi achaanba echaashinggumna nakhoybu waaraknanabani.
15 Maramdi Christagi marida chingbiba nai 10,000 Nakhoygi leirabasu, nakhoygi napaa yaamba natte; maramdi Christa Jesusgi marida aphaba waapaaogi mapaanna eina nakhoybu pokpire.
16 Maram aduna eina nakhoybu nonjari, nakhoyna eigi etou loubashing oibiyu.
17 Maram asigi damak Eeshorgi marida eigi achaanba amasung thaajaba yaaba echaa Timothybu nakhoyda eina thaare. Mapham khudingda, shinglup khudingda, eina tambibagum, Christa Jesusda leiba eigi lichat makhei mahaakna nakhoybu nigshinghanbigani.
18 Adubu eina nakhoyda laakloi haayduna kanaa kanaagumbana chaaothokle.
19 Touegumsung Eeshorna ningbirabadi eina nakhoyda khara leiraga laakchagani; aduna chaao-thokpa shing adugi mawaa nattaduna eina makhoygi paanggal khanggani.
20 Maramdi Eeshorgi leibaakti waaheigi natte, paanggalgini.
21 Eina nakhoyda cheibun-ga loynanaa laakkadra, nattraga nungshina amasung nollukpagi thawaayna laakkadra? nakhoyda kari paambage?