Ezekiel 46
ningthou machaashing amadi haraaopung kaba
1 Eeshorna asumna taakpiri: Nongpoklomda olliba manung thangba kadugi thongdu numit tarukni thinggadabani. Adubu potthaaba numitta maasi haangdokkadabani.
2 Mapaandagi ninthou machaashingna changlakpa matamda sannathongga shamnariba phaonaba yaaba kadudagi changlakkadabani. Sannathonggi thongjinda mahaak leptuna leigadabani. Purohitna mahaakkidamak meida thaaba amadi Purohitna mahaakkidamak meida thaaba amadi lamdaai shumdaaigi thoudu katpigani. Mahaakna sannathonggi changphamduda khurumjagadabani. Masigi matungda mahaak mapaanda thokkhigadabani. Adubu sannathongdu Numidaang-waairam phaaoba hangduna thamgani.
3 Potthaaba numit amadi thanin numitta leibaaksida leiriba mishingna haayriba sannathongsida leplaga Eeshorbu khurumjagani.
4 Potthaaba numitta ningthou machaashingna katkadaba potshingdu ashoy angaam yaaodraba yaao taruk oigadabani. ashoy angaam yaaodaba yaao laaba amasu katkadabani.
5 Yaao machaduga loinagadaba mahei maronggi thougi potlamduna kilo 9 oigani. Yaaoshingdu katpagidi mahaakna ngamjaba makhei katpa yaai. Chaorakna thaao liter mari, mari mahei maronggi kilo 9 Khudinggi pigadabani.
6 Thanin numitta ashoy amaang am yaaodaba san-lamcha katkadabani. ashoy angaam yaaodaba yaao machaa tarukka laaba amaaga katkadabani.
7 Sanlaba amagi matunginba mahei marongdi kilo 9 oigadabani. Yaao laaba amagi matunginbasu kilo 9 oigani. Yaao machaashinggidi mahaakna ngamba makhei katpa yaai. Mahei marong kilo 9 Khudinggi chorphon-gi thaao chaorakna liter mari, mari pigadabani.
8 Ningthou machaaduna chinglakpa matamda sannathongga shamnariba phaonaba yaaba kadudagi chatlakkadabani. Mahaakna changlakpa laambelduda thokkhigadabani.
9 Leibaaksida leiriba mishingna Eeshorbu khurumjanaba akhannaba usobta karigumba awaang thangba sannathongda changlaklabadi makha thangba sannatho-ngda thokkhigadabani. Khaa thangba sannathongda changlakpa mishingduna awaang thangba sannathongda thokkadabani. kanaa amaa phaaoba haanna changlakpa thonggalduda haanba yaaroi. Pumnamak chumna thokkhigadabani.
10 Makhoyna changba matamda ningthou machaashingdusu makhoyga loynanaa changgadabani. Makhoyna thokpa matamda mahaaksu thokkadabani.
11 Usob amadi akhannaba thoudokshingda mahei maronggi thougi potchangdu san-lamcha amada kilo 9 oigadabani. Yaao laaba amagi matung enbadusu kilo 9 oigani. Yaao machaashinggidamakti manaa manaa ngamba katpa yaai. Adubu chorphon-gi thaaodi chaorakna liter mari, mari, kilo 9 Khudinggi pigani.
12 Latnaba leitana karigumba ningthou machaashingna katpa Eeshorgi khuyaada meida thaaduna katpabu oirabasu lamdaai shumdaaigi katpa oirabasu nongpok olliba sannathongsi magidamak haangdokpigadabani. Potthaaba numitta mahaakna toubagumna mahaakki meida thaaduna nattraga lamdaai shumdaaigidamak katkadouriba thoudu paangthokkadabani. Masigi matungda mahaak mapaan thokkhigani. Mahaakna mapaan thokkhibaga thongdu longadabani.
Thoushing
13 Numit khudinggi Eeshorgi khuyaada thou oinaa chahi amaa liraba ashoy angaam leitba yaao machaa amaa meida thaaduna tounanaba thougidamak katkadabani. Numit khudinggi ayuk ayukta mahaakna haayribasi pigani.
14 Ayuk khudingda mahei maronggi thou oinaa mahaakna aphaba ata kilo amaaga tangkhaay pigani. Ata noibada haapnaba chorphon-gi thaao liter 2.7 Pigani. Haayribasi Eeshorna mahei maronggi thou oinaa katkadouribani. Atatpa leitana thou oinaa tougadaba meida thaaba pujadugi niyamdu haayribasigumna tougadabani.
15 Ayuk khuding atatpa leitana thou tounanabagidamak yaao machaa amadi mahei marong aduga thaonachingba pigadabani.
Ningthou machaa amadi lam
16 Eeshorna asumna taakpiri: Kanaagumba ningthou machaa amanaa mahaakki areiba potshinggi maraktagi amaa louduna machaanupada piba matamda haayriba pottu maja ebungngodugi oigani. Dhaaraagi oinaa phangpham thokpa potnina madu makhoygi oigadabani. 17 Adubu karigumba mahaakna manaaishinggi marakta kanaagumba amada mahaakki potshinggi maraktagi karigumba amaa pirabadi madu minaai naaithaang kokpa chahiduda mahaakki oigani. Haayriba pottu ningthou machaduda amuk hallakkani. Mahaakna pokpaa machaanupakhaktana khudon oinaa pikhiba pottu matam kuinagi oinaa thamba yaai.
18 Ningthou machaashingna mishingdagi munduna mapot maran louba yaade. Mahaakki machaashingda mashaagi lam amadi maraan-mathumdudagi chaakthung pigadabani. Asumna tourabadi eigi mishinggi mapot maran lengdana leigani.
Ningnashanggi chakthuna
19 Purohit shingna leiba ashengba mapham awaang haaram paangbada leiribaduda phatliba sannathongduda mahaakna eibu purakrammi. Maphamduda eina nongchupki kham thengba chidaida khubham amaa urammi.
20 Mahaakna matangduda eingonda haayrammi, "maphamsida purohitshingna laikok tinkok amadi aran thou toubagi shaadu phutkadabani. Mapaan-gi loysangda puthoklaktanaba maphamsida makhoyna mahei maronggi talnachingba hougadabani. Mishingna shenglaba matik mayaaidu shaandokkhidanabani.
21 Masigi matungda mahaakna eibu mapaan-gi loysangda pubira klammi. Loisangdugi chithek mariduda mahaakna eibu chingbirammi. Chithek khudinggi loisan amam-mam leirammi.
22 Loisang marisigi chidaida apikpa ka amam-mam leirammi, lam niphu shaanglammi. Aduga lam kunthra paklammi. Haayriba maridu maraak mayung chaang chap mannarammi.
23 Haayriba marisigi akoybada nungna pareng oinaa takhatlammi. Nungshingsigi mathakta mei houpham leirammi.
24 Mataangsida mahaakna eingonda haayrammi. "ningnashangda seba changlibashingna mishingna purakpa thou touba matamda haayribashingsigi mathakta thongdadouribani.