Mark 2
Naakal naamma shithaba mi amabu phahanbiba
( Matthew 9.1-8; Luke 5.17-26 )
1 Amasung numit kharagi matungda Ebungngona Capernaumda amuk changbada, ebungngo yumda lei haayduna enil nille.
2 Amasung mi asup yaamna tillammi, madudi thongjin mapaan phaaobada mapham leiramde; aduga Ebungngona makhoyda waa ngaangthoklammi.
3 Amasung mi marina puba naakal naamma sithaduna naaba mi amaa ebungngoda puraktuna laak-e.
4 Aduga makhoyna miyaamgi maramna ebungngogi manaakta purakpa ngamdrabada, Ebungngona leiba yumthak adu makhoyna sidoktuna hohallaga, naakal naamma shithaba anaabana hipliba phamung adu thaadare.
5 Amasung Jesusna makhoygi thaajaba adu uraduna, naakal naamma shithaba aduda haay, echa, nanggi paapshing adubu kokpire.
6 Touegumsung shaastragi ojaashing kharana aduda phamduna, makhoygi pukningda maon maon khanduna leirammi;
7 Mi asina karigi asumna haaybage? Mahaakna Eeshorbu thina ngaangle! amata ngaayba Eeshor nattana kanaana paap kokpiba ngambage?
8 Amasung Jesusna mathawaayda makhoyna makhoygi nungda asumna maon maon khanba adu hek khaangduna makhoyda haay, nakhoyna nakhoygi pukningda waaram asi karigi maon maon khanbage?
9 Nanggi paapshing adubu kokpire haaybaga, hougattuna nanggi hipnapham adu loukhattuna koychat chatlu haaybaga, karambana henna laaybage?
10 Touegumsung migi machaanupa aduna paapshing kokpinaba taaibang-paanda matik lei haayba nakhoyna khangnanaba (Ebungngona naakal naamma shithaba aduda haayrak-e),
11 Eina nangonda haayri, hougatlo, nanggi hipnapham adu loukhattuna nayumda chatlu.
12 Maduda mahaakna hougatle, amasung hipnapham, adu hek loukhattuna makhoy pumnamakki maangda chatthokkhre; maram aduna makhoy pumnamakna engak ngakladuna, Eeshorbu thaagat-chaaduna haay, eikhoyna asigumba asi keidoungeidasu udri.
Levibu koubiba
( Matthew 9.9-13; Luke 5.27-32 )
13 Amasung Jesusna louktaakki mapaanda amuk chatkhre; aduga miyaam pumnamakna Jesusgi manakta laakpa houre, amasung Jesusna makhoybu tambire houre.
14 Asum laakpada Ebungngona khaajana thiphamda phamliba Alphaeusgi machaanupa Levibu uraduna, maangonda haay, eigi etung ellu, maduda mahaakna hougattuna ebungngogi tung enjare.
15 Amasung asum thokle, Jesusna mahaakki yumda chaanaba phamlingeida, ebungngo amasung sebokshingga loynanaa ayaamba khaajana thoubaa-shing amasung paap chenbashing phammin-narammi; maramdi ebungngogi tung ellamba makhoy adu yaamlammi.
16 Amasung pharisi shinggi shaastragi ojaashingna Ebungngona paap chenbashingga khaajana thoubaa-shingga chaaminnaba ubada, mahaakna khaajana thoubaa-shingga paap chenbashingga chaamin-thakminnariboire, haayduna ebungngogi sebokshingda haayrak-e.
17 Amasung Jesusna madu taabada makhoyda haay masha phaba-shingdi maaiba kaannade, adubu anaabashingdadi kaannei; eina dharma chenbashingbu kouba laakpa natte, adubu paap chenbashingbuni.
Chara henbagi amasung potthaaba numit ngaakpagi waahang
( Matthew 9.14-17; Luke 5.33-39 )
18 Amasung John-gi sebokshing amasung pharisi shingna chara henduna leirammi; aduga makhoyna laaktuna ebungngoda haay, John-gi sebokshing amasung pharisi shinggi sebokshingna chara helliba, aduga ebungngogi sebokshingnadi chara hendaba karigino?
19 Amasung Jesusna makhoyda haay, borna marup mapaangga leiminnaringeida makhoyna chara henba ngambra? Borna makhoyga loynaringei makhei makhoyna chara henba ngamde.
20 Touegumsung asigumba numit laakkani, maduda bor adubu makhoydagi pukhigani, amasung numit aduda makhoyna chara hen-gani.
21 Kanaanasu aman-ba phida ahan-ba phi machet photchin-de; photchillabadi, photchilliba aduna madudagi, haaybadi aman-badagi, ahaanba aduna chingshinduna hennadum thina shegaaihalle.
22 Amasung kanaanasu aman-ba saun khaao shingda anouba angur mahi haapnade; haaplabadi angur mahi aduna saun khaao shing adubu pokkhayhan-gani, maduda angur mahisu saun khaao shing adusu maang-e; touegumsung anouba angur mahi ahan-ba saun khaao shingda hapnei.
23 Amasung asum thoklare, Ebungngona potthaaba numitta louyaaida laak-e, aduga ebungngogi sebokshingna asum chatna chatna gehu chaarong hekpa houre.
24 Maduda pharisi shingna ebungngoda haayrak-e, yeng-u, potthaaba numitta touba hounadaba thabak karigi makhoyna touribage?
25 Aduga Jesusna makhoyda haay, Davidna mahaak amasung mahaakka loynabashingna awaatpa amasung laamlaba matamda kari toukhiba,
26 Haaybadi, Abiatharna athoiba purohit oiba matamda, mahaakna Eeshorgi sangda matou karamna changkhibage, amasung purohit shing nattana chaaba yaadaba aut-tal adu mahaaksu chaakhibage, mahaakka loynabashingdasu pikhibage haayba adu nakhoyna paadabra?
27 Amasung Jesusna makhoyda haay, potthaaba numitsi migidamak shemkhi, mibu potthaaba numitkidamak natte;
28 Maram aduna migi machaanupa adu potthaaba numitkisu mapuni.