Ezekiel 7
Israelgi aroiba
1 Eeshorna eingonda haaybirakhiba waashing:
2 Nupaa, Israel kouba leibaaksida Eeshorna asumna taakpiri: Aroiba matamdu laakle. Maalemsigi chidai maridagi aroiba matamdu ngamnamak laakle.
3 Houjikti aroiba pungjadu nakhoygi nathakta taahallagani. Nakhoyna chatliba lamchattugi matung ennaa eina nakhoybu waayenbigani. Nakhoyna touba tukkachabagi mashak oiraba thabakshingduna maram oiraduna matik chaaba dandi pigani.
4 Eigi mityenggi waangmada nakhoy leiba ngamloi. Eina nakhoybu thoujaansu utlaroi. Nakhoyna touba tukkachanabagi mashak oiraba thabakshingdugi mayek muttringeida eina nakhoybu dandi pigani. Matamduda nakhoyna eisi Eeshorni haayba khanggani.
5 Eeshorna asumna taakpiri: khudongthibada khudongthiba taagani. Yeng-u, haayribasi laaklabani.
6 Aroiba matamdu laakle. Laakle. Aroiba matamdu, aroibadu nakhoygi nathakta taaragadabani. Yeng-u, aroibadu laakle.
7 Leibaaksida leiriba mishing, nakhoygi tumna manglo haayba numittu laakle. Matamdu yourakle. Numittu naksilakle. Thokkadouri mikap miraokhonna thallaba numit, oiraroi haraao tayaambana thallaba numittu loibi chingshingda,
8 Maramsina eina khonglei thuna eigi ashaaobagi meiridu nakhoygi nathakta taahallagani, eigi ashaaobadu asumna meimutnagani. Nakhoyna chatpa lamchat matung ennaa eina nakhoybu waayenbigani. Nakhoyna touba tukkachanabagi mashak oiraba thabakshingduna maram oiraduna nakhoybu dandi pigani.
9 Eigi mityeng waangmadagi nakhoy naanthokpa ngamloi. Eina nakhoyda thoujaansu utloi. Nakhoyna touba tukkachanabagi mashak oiraba thabakshingdugi mayek muttringeida nakhoybu eina dandi pigani. Matamduda nakhoyna pumnamak thokhallibasi Eeshornani haayba khanggani.
10 Adugumba numittu ningshingu. Yeng-u, adugumba numittu laakle. Nakhoy tumna manggadaba numittusu laakle. Amaangbadu shattokle leika phanna. Napan kabagi echeldu ehourakle.
11 Tamthibaduna phattabagi paambi oinaa hourakle. Maramsina makhoy kanaa amaa phaaoba leiraroi. Makhoygi mapaan naaidraba lan thum thanna leiriba maral mathum, mangkhrani loynaba ngamnamak. Maasi makhoyna touba thabakki maran, makhoygi khoiraang khoishaaoba amadi pukchel tapthaba leitraba lamchattagi thokpani.
12 laakle matamdu. Naksillakle numittu. Pot leiriba midusu nungaaiba phangloi. Yolliba midusu tengthaadasanu. Maramdi ashaaobadu makhoygi miyaamdugi mathakta taagani.
13 Areibashingduna hinglingei matamda ayonba nupaaduna chattuna mamal tiknararoi. Maramdi ashaaobagi meiridu miyaam pumnamakki mathakta taaragani. Maasi amuk haanna mutlaroi. masha mashaana touba paapki maheiduna kanaa amaa phaaoba mathawaay kanjaba ngamloi.
Israelgi araanba thabakki mahei.
14 Makhoyna pere khongle. Loina shem saare. Adubulaanda thoknaba midi leitri. Maramdi makhoygi miyaamdugi mathakta eigi ashaaoba meiridu yeikhrabani.
15 Thangdu mapaandagi laakkani. Aduga laaichat amadi chaak tangbaduna leibaaksigi manungdagi hourakkani. Kanaagumba loubukta leiribadusu thanggi mayada chatkani. saaharda leiribaduna laaichat amadi chaaba phangdaduna shigani
16 Makhoygi marakta kanaagumba hinghouba yaaorabadi loibi chingda chenduna lotkani. Makhoy khudingmak tampaaktagi lamkhununa tengthaabagum manaa manaa toukhiba paapshingdu ningshingduna tengthaagani.
17 Makhoygi makhut pumnamak sithare. Eeshinggi matougumna makhoygi makhongdusu mapaanggal leitre.
18 Leitengli engumlaba phi settuna makhoyna, maramdi akibana makhoybu laakhatle. Mamaay phiruk khumle, makokta masham houdre.
19 Makhoyna laambelda silver langthok-e. Makhoygi sanaadu amaangba potka paandamni. Eeshorna shaaoba numittuda makhoygi silver amadi sanaana makhoybu kanba ngamde. Haayribashingsina makhoygi araamba amadi khouraangbadu kokpa ngamde. Maramdi haayriba potshingsi makhoyna paapki khudi thibaduda phangba potshingni.
20 Aremba potkidamak makhoyna phajaraba leitengshingdu shijinnari. maduna makhoyna tukkachabagi mashak oiraba laai murtinachingba sanei. Maram sina maasi makhoygi maphamda shengdaba pot amani haayna laaothoklagadabani.
21 Lamlaanbashinggi makhutta maasibu pithokkhragani. Maalemsida leiriba phattaba mishingduda maasibu laanda phangba manaa oinaa pikhragani. Makhoyna maasibu maanghan-gani.
22 Makhoyna eigi mamal naaidraba ashengba maphamdu maanghanba yaana-nabagidamak eina emaaysi makhoydagi lotkani. Huraanbashingna maasida changduna maanghan-gani.
23 Makhoyna maasibu leikangla oihan-gani. Leibaaksida haayningngai leitana phattraba mihat mipun aduga saaharshingdana tamthiraba thoudok kayaa thokpa maramna
24 Eina tamthiraba Jaatshingdu puraktuna makhoyna yumshingdu munkhigani. Makhoyna napan toujariba mapaanggal amadi mathounadu thudekkani. Makhoygi ashengba maphamni haayna leiribashingdu mangthokkani.
25 Khoiraang khoishaaoraba matamda makhoyna engthana leinaba laambel thigani. Adubu makhoyna maasi phangbadi ngamloi.
26 Khudongthibagi mathakta khudongthiba thokkani. Oidaba waadu mari chatpani. Thijari makhoyna waa taakthokpa shingdagi Shangshangnana ubagi laaibao tagadabagi adubu purohitki makhuttagi puyadu ngamnamak mangkhre. Ahanshingna piningai leitre paaoutaak.
27 Ningthou oiba kanaana tengthaagani. Ningthou. Machaashingdusu awaaba erangda taogani. Leibaaksida leiba mishinggi makhuttu akibana laak-hatkani. Makhoyna touba thabakki matung ennaa eina makhoyda toubigani. Makhoyna toujaba waayendugi matung ennaa eina makhoybu waayenbigani. Matamduda makhoyna Eisi Eeshorni haayba khanggani."