2 Kings 13
Israelgi ningthou Jehoahaz
1Judahgi ningthou Ahaziahgi machaanupa Joasna paanba kulhumdoi shubaa chahida Samariada konung oiduna Jehugi machaanupa Jehoahazna Israelgi ningthou oinaa paanba houkhi.
2 Eeshorgi mityengda phattaba thabak pumnamak mahaakna tourammi. Nebatki machaanupa Jeroboamgi lambiduda mahaak chatkhi.
3 Maramsina Eeshorna Israelgi mathakta yaamna shaaorammi. Maramsina Eeshorna Israellbu Syriagi ningthou Hazaelgi makhutta etat-tattana taahallammi.
4 Matamduda Jehoahazna Eeshorgi thoujaan nijarammi. Eeshorna mahaakna haayjaribadu tabikhi. Syriagi ningthouna Israelbu ot-neibadu Ebungngona ubikhi.
5 Syriagi ningthougi makhuttagi naanthokpa ngamnaba Eeshorna kanbiba mapu amaa pibirammi. Maramsina Israelgi mishingna hannagumna mayum mayumda engna leirammi.
6 Israelbu laanna chingkhiba Jeroboamna touramba thabakshingdudi thaadokpa leikhide. Israelda leiribashingna haayribasi toubata nattana Samariada leiribashingnasu Asherah ningkhi. 7 Matamduda Jehoahazgi makhutta shagol laanmi yaangkhei, dolai tara, khong laanmi 10,000 leirammi. Maramdi Syriagi ningthouna uphulgi matougumna manghankhi.
8 Jehoahazna touramba thabak pumnamak Israelgi ningthouron eba laairikta eduna leiri.
9 Mahaak shiraba matamda Samariada phumbikhi. Mahaakki matungda machaanupa Jehoasna ningthou oikhi.
Israelgi ningthou Jehoas
10 Judahgi ningthou Jehoasna paanba kunthra taret shubaa chahida Jehoahazgi machaanupa Jehoasna Samariada konung oiduna Israelgi ningthou oikhi.
11 Mahaaksu Eeshorgi mityengda phattaba thabakshing toukhi. Israelbu araanba lambida chingbikhiba Nabothki machaanupa Jeroboamgi matung enkhi.
12 Joasna touramba akan athougi shingthaanaba yaraba thabakshingdu aduga Judahgi ningthou Ahaziahgi mathakta laandakhibanachingba loina Israelgi ningthouron eba laairikta eduna leiri.
13 Joas shiraba matungda machaanupa Jeroboam anishuba haayna kounaba aduna ningthou oinaa phambaal kakhi.
Elisa nonggaba
14 Layengba yaadraba laaina amaa paktuna Elisa Naduna leirammi. Israelgi ningthou Jehoas Elisagi anaaba hangba chatlammi. Elisabu ubada ningthou thamoi shokna kapkhi amasung haayrak-e, "ipa ebungngo, epa ebungngo, epa Ebungngona Israelbu kanbirambani."
15 Maasi taabada Elisana haayrammi, "lirung amaaga ten amaaga paaykhatlu." Jehoasna lirung amadi tendu paaykhatlammi.
16 Elisana Israelgi ningthouda haayrammi, "lirungda tenga thongu. "ningthouna tenga thonglammi. Elisana ningthougi khu-ttu shokladuna haayrak-e,
17 "Nongpoklomda leiriba thongnaaodu haangdok-u." Ninghouna madu haangdokrammi. Matungda Elisana haayrammi, "tendu kaplo." ningthouna tendu kaplammi. Elisana Amukka haayrak-e, “nahaak Eeshorgi tenjeiduni. Nahaakpu shijinnaduna Ebungngona syriabu maaythiba pidriba phaaoba Aphek kouba maphamduda laanthengnagadabani."
18 Masigi matungda Elisana haayrammi, "tenjei amaa amuk paayduna leimaayda kappu." ningthouna ten-shingdu paaykhatlammi. Elisana Israelgi ningthouda haayrammi, "tenjeishingdu pairaga leimaayda kapsillu." Mahaakna ahumlak kaplaga leiplammi.
19 Maasida Elisana shaaoraduna ningthouda haayrak-e, "yaamdrabada mangataruklakti leimaayda kaplamgadabani. Adu oirabadi Syriagi mathakta nahaakna mapung phaana laan ngamlamgadabani. Adubu houjikti ahumlakkhakta ngamgani.
20 Elisana nonggaraba matamda mongphamda phumbikhi. Chahi khudinggi Moabki mishingna Israelda laandakhi.
21 Potloinaba thouraang touringei matamda mishingna ashibaa mashaadu Elisagi mongphamda langtharamlaga chenkhi. ashibaa mashaaduna Elisagi sharuduga shamnaruba matamda shibadu hinggatlakkhi adugi lepkhatlakkhi.
Israel amadi Syriagi marakta shoknakhiba laan
22 Jehoahazna paanba matamda Syriagi ningthou Hazaelna Israelbu atatpa leitana otlammi.
23 Adubu Eeshorna makhoygi mathakta thoujaan pinabirage ningladuna Syriagi mathakta Ebungngona khana yengba hourakkhi. Abraham, Isaac amadi Jacobna ninglamba Eeshorna makhoyga leinakhiba waashaktugi matung ennaa tumna manghankhibadi toukhide.
24 Syriagi ningthou Hazael nonggaraba matungda machaanupa Benhadadna ningthou oiduna paankhi.
25 Jehoahazgi machaanupa Jehoasna Hazaelgi machaanupa Benhadadtagi mapaa hatakta loukhiba lam khara hanjinkhi. Haayriba saaharshingsi Jehoahazna paanba matamda Benhadadna loushinkhibani. Jehoasna mahaakpu ahumlak haanna maaythiba piduna Israelgi maangkhiba leibaakshingdu amuk loushinkhi.