Isaiah 60
Tungda Jerusalemgi matik
60 Hougatlo Jerusalem, mangalduna leiteng oijaro, nahakki mangaldu lakle, Ishor-gi matik mayaiduna nahakki nathakta nganthoibire,
2 Malemsibu amambana kupsillabasu, jatsingbu ahingna khanjillabasu, Ishor-na nakhoibu ngalhanbigani, nakhoigi nathakta mahakki matik mayaidu phongdokpigani,
3 Jatsingna nahakki nangaldu yengduna lakkani, koirouhanbana thorakpa maphamduda makhoigi ningthousingdusu lakkani
4 Namit pangthoktuna koina yengu, makhoi loina punsinduna nakhoigi maikeidu tamna lakli, lakkani nakhoigi nachanupasingdu athappa maphamdagi, chingduna lambel nachanupisingna lakkani nakhoigi nakanda,
5 Matamduda nakhoina uba phanggani aduga harao mathoi kagani, matamduda nakhoina thamoida chaothokchagani, samudrada leiriba lan thum pumnamak nakhoigi loina oigani, dutsinggi lan thumdusu nakhoigi oigani.
6 Pareng pareng naina utsingna nakhoigi lamsi chatkani thungna, Midian amadi Ephahdagi purakpa nouriba utsingna thungna chatkani. Shebadagi lakpa utsingduna purakkani mamal yamlaba maru marang amadi manam nungsiraba potsingdu, oigani hairibasingsina Ishor-gi paotakpa.
7 Kedargi yao shanggudu nakhoigi oigani Nebaiothki yaosingduna nakhoigi awat apa mennagani, oigani hairibasingsi eigi phankhongda latnaba leitaba thou, eigi ningnashangda matik mayaida matik mayai happkani.
8 Leichinna paibagi matougumna hi hollibasingsi kanano? Makonda paisilliba lamkhunugumna pairaklibasingsi kanano?
9 Hairibasingsi samudra mapan amadi ithakta leiba maphamdagi hollakpa jahajsingni, jahajsingni lakliba Tarshishtagi, puduna nakhoigi nachanupasingdu athappa maphamsingdagi, purakkani makhoigi sana amadi lupa masina nakhoigi Mapu Ibungo Lainingthougi matik mayaidu hen-gatkani. Israelgi sengthoiraba Ibungodunaoihanbire nakhoigi natik nayaidu chaokhatpa.
10 Lamlanbasingna laklaga nakhoigi chekpandu sagatkani, makhoigi ningthousingdu nakhoigi minai oigani, saoraduna eina nakhoibu yeithukhrabasu utlabani houjikti nakhoigi naphamda thoujan amadi nungsibadu,
11 Nahakki thonggaldu matam leiba khibikta hangdoktuna leigani, ahing amadi nungthin animakta makhoibu thingba leiraroi, thongsingdu laona hangdoktuna Jatsinggi lan thumdu purakkani, thillakkani makhoigi ningthousingna hairibasingsibu.
12 Jat amadi leibak nakhoibu seba touraroi. Haibasingdu tumna manggani, aduga nakhoigi nakhagi nakhada leiyu yadaba jatsingdu leikanglagi matougumgani,
13 Lebanan-gi lan thumdu nakhoigi oigani oigani nakhoigi houriba uchan pambi, shangdunata leiba u, amadi anemba usingdu purakkani makhoisingsina eigi asengba ningnashangduda matik mayai, ikai khumnagani lepliba eigi ikhongna maphamdu.
14 Nakhoibu ot-neikhiba mishinggi machasingduna nakhoida ikai khumnaba utnaba lakkani, nakhoibu thina toukhibasingduna nakhongda turagani, makhoina nakhoibu asengba Ishor-gi sahar kougani, kougani Israelgi sengthoiraba Ibungogi sahar Zion.
15 Amuk hanna nakhoibu thadoklaroi thamlaroi nakhoibu tukcharaba nupi amadi yengbidraba nupi amagumna, eina nakhoibu lomba naidaba chaothokchapham ama oina thamgani, oihangani nakhoibu loinaiba leitaba nungngaiba maongdu.
16 Jatsinggi sanggomdu thakkani nakhoina, chupkani nakhoina ningthousinggi eedu, maramsina nakhoina khanggadabadi Ishor oiriba eina nakhoigi lanbiba mapuni haibasini,
Jacobki wangthoiraba Mapu eina nakhoigi lanbiba mapuni.
17 Pithraigi mahutta purakkani eina sana, yotki mahutta purakkani eina lupa, pithraigi mahutta ujaosing, yotki mahutta nungjao, nakhoigi leibaktu ingthahangani eina, asengbaduna nakhoigi nathakta wayelgani.
18 Nakhoigi leibaktuda tamthibagi khonthok amuk hanna tararoi, nakhoigi leibaktuda amang ata amadi ot neiba ama phaoba leiraroi, kougani nakhoina chekpanduda nakhoigi " aran khubham" thongani nakhoigi thonggaldu " Thagatpa" haina
19 Nungthinda koirou hanbana oiraroi mangal nakhoigi, numidang oirakpada thajana nakhoigi mangal pinaba potsak ama oiraroi, oigani Ishor-na nakhoigi lomba naidaba mangaldu, nakhoigi Mapu Ibungodunaoigani nakhoigi natik nayai.
20 Nakhoigi koirouhanbadu tararoi amuk hanna,
lotpa touroi nakhoigi nathakta thokliba thajaduna mangaldu, oigani laininhgthouna nakhoigi lengdaba mangaldu,
21 Nakhoigi mishingdu asengba loina oigani, matam leiba khibikta makhoina leibaksigi mapu oigani, oigani makhoina eina thakhiba pambigi maton, purakkani makhoina eigi ikhutna toukhiba thabaksingdugi mahei.
22 Kharana lishing tara oirakkani, apikpa jatsingdu achouba oirakkani, Eini Ishor-du thinthaba leitana matang charaba matamda thunghangani eina pumnamaksi.