Esther 1
Maharani Vasthina ningthou Xerxespu thaoidaba
1-2 Persiagi konung Susadagi ningthou Xerxesna endia dagi houraga Sudan phaaobada leibaak 127ki mapu oiduna paallammi.
3 Ningthousina paanba ahumshuba chahida leibaak ngaakpashing yaaoba achouba usob amaa pangthoklammi. maasida Persia amadi Mediagi laanmishingsu yaaorammi. Aduga maasida nattana lam lamgi leibaak ngaakpashingsu yaaorammi.
4 Thaa taruk chupnaa ningthouna konungda leiriba lan thum amadi masiga mari leinaba yengbada shingthaanaba yaraba potshing utlammi.
5 Masigi matungda ningthouna konung Susada leiriba mipum tingna laairaba enaakkhunba khaaidana chaakkhaangba amaa paangthokkhi. Haayriba chaakkhaangbasi chayon amaa paangthokkhi aduga maasi konunggi heikon leikonda paangthokkhi.
6 Konunggi sumangdu sangbannaba amadi angouba phina leiteng oirammi. Haayriba phijangsi nungou ukhongda amonba thourina silvergi kochi shemlaga yaantharammi. Sanaa amadi silverna shaaba phamungshing nungou angaangba nung amadi sangbanaba nungna leiteng oiriba sumangduda thaaduna thamlammi.
7 Sanaana shaaba patrada yu heirammi aduga patrashingdu amatta mannaramde. Ningthouna konungda leiriba manaaishingda awaatpa leitana manaa manaa ngamba pithaaknaba yaathang tourammo.
9 Matamsimaktada konung manungda maharani Vasthisu nupi mayaamgi oiba usob amaa pangthora klammi.
10 Usob paangthokpa taretnishuba numittuda ningthoudu yu thaktuna leirammi. Aduga mahaak nungaairaduna manaai oinaa leiriba nupisabi taret, mamingna Mehuman, Biztha, Harbona, Bigtha, Abagtha, Zethar, amadi Carkas nachingbashingsi kouraduna haayrammi.
11 Sija Vasthidu sija oibagi phiron amadi leiteng touhallaga eigi ephamda purak-u. Sijadu thoidokna mashak matou phajabi nupi amaa oirammi aduga ningthouna mahaakki ranidubu phamnaaibashing amadi numittuda tillibashinggi maphamda uhanninglammi.
12 Adubu manaaishingna sija Vasthida ningthougi yaathangdu tamluba matamda sijana laak-u haayba yaakhide. Masina maram oiduna ningthoudu shaaorammi.
13 Matamdugi chatnabi matung ennaa ningthouna waayenlon amadi yaathang amaa taramdaida akhang aheishinggi paaoutaak lourammi. Maramsina mahaak paaoutaak piba ngambashing kourammi.
14 Ningthouna asigumba matangda koukhibashingdudi Persia amadi Mediagi pham yaamna chaaona paayba Karsena, Sethar, Admatha, Tarsis, Meres, Marsena amadi Memukannachingba taretsi oirammi.
15 Ningthouna makhoysida haayrammi, "ningthou Xerxes eina maharani Vasthida yaathang amaaga loynanaa enaishing thaarammi adubu mahaakna yaathangdu enkhide. Waayenlonda mahaakki mathakta kari cheirak piba yaaba lei?"
16 Khudaktuda Memukanna ningthou amadi mahaakki phamnaaibashinggi maangda asumna haayrammi, "Sija Vasthina ningthoutabu ekaaiba piba nattana phamnaaibashing amadi leibaaksida leiriba mipum khudingbu usittabani.
17 Leibaaksida leiriba nupi khudingna maharani Vasthina toukhribasi taaba matamda mapuroibashingbu hanthana yenglagani. Makhoyna haaygani ningthou Xerxesna maharani Vasthibu ningthougida laaknaba yaathang pikhi adubu maharanina yaakhide."
18 Persia amadi Mediagi phamnaaibashinggi tolloishingduna haayriba maharanigi waaphamsi tabamaktada numit tadringeigi manungda mapuroibashingda shoydana haaygani. Nupishingna mapuroibashingbu usitpagi waa leiraroi. Maramsina mapuroibashingna taaloishingduga khatnaba haaybasi shoidrabani.
19 Karigumba eningthouna yabiba oirabadi, sana-yaathang amaa toubiduna maharani Vasthibu amuk haanna eningthougi manaakta hanjillaktanaba toubiyu. Masimak Persia amadi Mediagi waayenlonda eduna thambinaba yaathang phaaoba piba yaai. Adu oirabadi eningthougi yaathangsi hongba yararoi. Maharani oinaa atoppa henna phajarabi amaa khanbiba yaai.
20 Eningthougi asigumba yaathangsi chaaoraba ebungngogi leibaaksi shinba thungna shaandokkhiba matamda leibaaksida leiriba nupi khudingna laairaba nattraga enaak khunba mapuroi oisanu, shoydana lamchat naaina chatkani."
21 Ningthou amadi phamnaaibashingduna haayriba waaphamsi yaanarammi. Ningthouna Memukanna haaykhiba matung ennaa paangthokkhi.
22 Ningthougi makha ponduna leiriba leibaakshingda makhoy makhoyna lolliba londuda chithi aoina eduna asumna haaykhi, madudi mapuroiba khudingna yum yumdugi makok oigadoubani aduga mahaakna haaykhibaduna aroiba oigani.