Isaiah 61

Kanbibagi paojel

61 Mapu Ibungo Lainingthougi thawaidu eigi ithakta tahanbire, noibikhre Lainingthouna eibu thao, nollukpasinggi maphamda pinabire eibu puraknaba aphaba wapao,

2   Ibungona eibu thabire, phongdoknaba miyamda matamdu lakle Lainingthouna mishingbu kanbigani aduga yeknabasingbu maithiba pigani takpiri. Kap laoduna leiribasingdu haraonaba eibu thabire.

3   Thabire eibu yenbirunaba awabagi mahutta harao tayamba kaptuna leiriba mishinggi maphamda Zion-gi, awabagi saruk thadoktuna haraobagi ishei saklani. Lainingthou Ibungo makna thabikhiba upangumgani makhoise, makhoina achumbaduda pangthokkani, Ipuroina toubikhiba thabaksingdu yengduna Ibungobu thagatkani,

4   Matam kuina mangluraba saharsingdu makhoina amuk hanna sagatkani.

5   Eigi mi oiribasing, lamlanbasingna nakhoibu seba tougani. Nakhoigi yaosingdu makhoina senbigani, nakhoigi lamdu makhoina khoibigani, aduga nakhoigi drakha ingkholdu makhoina sengdokpigani,

6   Nakhoisi matamduda Lainingthougi purohitsingni haina khangnagani, hainagani nakhoibu Ipuroigi manaini. Matamduda nakhoina Jatsinggi Lan-thumdu chagani, pumnamaksi nakhoigi oirabada chaothokchagani.

7   Nakhoi ikai shanggoi hanglabadu leiraroi, nareipakta leitana leigani, nakhoigi naran nathum mapan naihalloi, lomba leitana haraona lengani.

8   Lainingthouna takpiri, eidi achumbadu pammi aduga ot-neiba amadi mihat mipunbu tukkachei. Eigi mishingsi matik okpa mana phanghange, lomba naidaba areppa wasak ama thamlage.

9   Jatsinggi marakta makhoi mingchat leigani, makhoibu uba mipumnamakna eina makhoibu kubibani haibasi khanggani.

10 Lainingthouna toubikhiba pumnamaktu yengduna Jerusalemna haraojari, luhonggadoubagi phijet leitenglabi nupi amagumle. Ipuroina mahakpu aran khubham amadi mai pakpana phijet oina thonbire.

11 Maton chongdana hougatlaklaba marugumna, panggallaba Lainingthouna Ibungogi mishingbu kanbigani, aduga jat khudingmakna Ibungo mahakpu thagatnagani.