1 Corinthians 3
Tokkhai tanaba pukchel adu aranba tahanba
3 Amahiksung, ichin inaosa eina nakhoida thawaigi oiba mida ngangbagumna ngangba ngamdre, adubu hakchanggi oiba mida ngangba gumna, Christada leiba angang machasingda ngangbagumna nganglibani. 2 Eina nakhoibu sanggom pijare, akanba chinjak pijade; maramdi nakhoina khangba ngamde; hoi, nakhoina houjik phaoba ngamdri; 3 Maramdi nakhoi houjisku hakchanggi oiba mini. Maramdi nakhoidi narakta kallaknaba amasung khatnaba leiriba aduna nakhoi hakchanggi oiba mi oina leiba nattra, amasung mioibagi machat matung inna nakhoina chatpa nattra?
4 Maramdi kanagumbana, eidi Paulgini, aduga atei amana, eidi Apollogini, haibbada nakhoi chumnagi mioiba nattra? 5 Adunadi Apollo karino? aduga Paul karino? Thougan toubasingni, makhoigi mapanna nakhoina thajakhrabani, amasung Prabhuna makhoi amamamda pibikhrabagumbani. 6 Eina mapal thare, Apollona ishing chaire, adubu Ishorna chaokhathanbiribani: 7 Adunadi mapal thaba amasung ishing chaiba mi adu karisu natte, adubu chaokhathanbiriba Ishor aduni. 8 Adugi mapal thaba migi ishing chaiba miga amatani; adubu makhoi amamamna magi nombagi matung inna magi magi mama phangjagani. 9 Maramdi eikhoidi Ishorgi thabak suminnabasingni; nakhoidi Ishorgi a uba lou, Ishorgi asaba yumni.
Ojhasinggi mathoudang
10 Eingonda pibikhraba Ishorgi thoujal matung inna, asingba yum saba mapu amagumna eina yumpham thon-gatle, aduga atei amana madugi mathakta yum sabani. Adubu mi khudingna madugi mathakta karamna sagadage haina cheksinsanu. 11 Maramdi thon-gatkhraba yumpham, haibadi Jesus Christa; adu nattana mi kana amatana yumpham atei thonba ngamde. 12 Touigumsung kanagumba amana yumpham adugi mathakta sanana, lupana, mamal luba nungna, una, napi akangbana, charukhokna sarabadi, mi khudinggi thabak adu phongdokkani; 13 Maramdi numit aduna madu uhan-gani, maramdi madu meina phongdokkani, aduga meimakna mikhudinggi thabak adu karambano khanghan-gani. 14 Kanagumba migi thabak, madugi mathakta mahakna sakhiba adu leihourabadi, mahakna mana phangjagani. 15 Kanagumba migi thabak mei chakthokkhrabadi, mahakki mangba adubu mahak masabudi kanbigani, adum oinamakpu meinungdagigum kanbiba phangjagani.
16 Nakhoidi Ishorgi asengba shangni amasung thawaina nakhoigi manungda leiribani haiba nakhoina khangdra? 17 Kanagumba mina Ishorgi asengba shang adu manghallabadi, mahak adubu Ishorna manghan-gani. Maramdi Ishorgi shangdi asengbani, aduga nakhoidi maduni.
18 Mi kana amatana masa mathantabu namthak toudasanu. Nakhoigi narakta taibangpanba asida kanagumba mina asingbani haina ningjarabadi, mahakna asingba oiraknanaba mahak apangba oiraksanu. 19 Maramdi Taibangpanba asigi lousing Ishorgi mityengda apangbani. Maramdi masi ikhrabani, asingbasingbu makhoigi marei marada phaba mahak; 20 Amukka, asingbasinggi wakhal adu arembani haina Prabhuna khangi: 21 Adugi damakna kana amatana mioibagi maramda napal toudasanu. 22 Maramdi pumnamak nakhoigini, Paul oirabasu, Apollo oirabasu, Cephas oirabasu, taibangpal oirabasu, hingba oirabasu, siba oirabasu, oiriba oirabasu, oirakkadaba oirabasu pumnamak nakhoigini; 23 Aduga nakhoidi Christagini; amasung Christadi Ishorgini.