Romans 13

Angam athoushingi makha ponba

1 Mi khudingna angam athoushinggi makha ponsunu, maramdi Eeshorgi mapaanna nattana angamba leite; amasung leiriba angamba shing adu Eeshorna shinbibani.

2 Maram aduna angambabu thouoidaba mahaak aduna Eeshorgi shinbiba adubu yeknabani, amasung yeknaraba makhoy aduna makhoy mashaada waayenba phangjagani:

3 Maramdi mapushingna aphaba thabakta kihanba natte, adubu phattabadani. Amasung nangna angambabu kidaba oiningbra? aphaba tou, aduga nangna angamba adudagi thaagatpa phangjagani,

4 Maramdi mahaakti nanggi phanabagi damak Eeshorgi thougan toubani. Touegumsung nangna phattaba tourabadi, kiyu; maramdi mahaakna kabaak-thaang, arembada puba natte; maramdi mahaakti Eeshorgi thougan touba, phattaba touriba mi aduda ashaaobagi damak laman khumba oiribani.

5 Maram aduna ashaaoba adugi maramgita nattana, achumba khangnaba pukninggi maramgi damaksu nakhoy nashaana makha ponjaba taabani. 

6 Maramdi maram asigi damak nakhoyna loipotsu piribani; maramdi makhoyna thabak asimakki damak etat-tattana Eeshorgi thabak toubashing oiribani.

7 Pipham thokpa thokpa aduda piyu, loipot hagadaba aduda loipot hao, kaanggat pigadaba aduda kaanggat piyu, kigadaba adubu kiyu, ekaai-khumnagadaba adubu ekaai khumnou.

Machin manaaogum nungshinaba

8 Amanaa amabu nungshinabagi laman nattana, mi kanagisu kari amata laman tonduna leiganu; maramdi mi ateibu nungshiba mahaak aduna waayel yaathangbu thunghalle.

9 Maramdi nangna nupi laannapharoi, nangna mi haatpharoi, nangna huraanpharoi, nangna karampharoi, yaathangshing asi amasung karigumba yaathang atei leirabadi, nangna nanggi keiroy leikaaibu nashaamakkumna nungshigadabani haayba waahei asida supchinbani.

10 Nungshibana maagikeiroy leikaaida phattaba toude; maram aduna nungshibana waayel yaathangbu thunghanbani.

Christagi numit adu naksillakpa

11 Amasung asi toubiyu, maramdi nakhoyna matam asi khang-e, haaybadi, hoijik tumbadagi hougatpa pungphamni; maramdi eikhoyna haanna thajaramba matam adudagi houjikna henna eikhoygi araan khubam naksillakle.

12 Ahing houkhre, aduga nungthil nakle; maram aduna amaambagi thabak eikhoyna langthoktuna mangaangi khulai phijet setsi,

13 Eikhoyna nungthinda chatpagumna chumna chatsi; lamchat haptaba amasung yungaaoba, machit phattaba amasung apaiba, khatna-cheinaba amasung kallakpa touganusi.

14 Adubu nakhoyna phi shetpagum ebungngo Jesus Christabu setlu, aduga hakchaanggi apaamba thungna-nabagi damak thouraang laangganu.