Psalm 72
Ningthouna haayjaba
1 He Eeshor, tambiyu ningthouda ebungngogi achumba lichingduna mangoinaduna waayenbinaba, ebungngogi achumbadu ningthouda pinabiyu.
2 Adu oirabadi mahaakna ebungngogi mishinggi mathakta achumba waayenbigani, ot-neibirabashingbu mahaakna ngaakpi senbigani.
3 Leibaksi mapaan naaidana potthok leihanbiyu,
4 Ningthouna laairabashingbu chumna waayenbisanu, awaat-apa leirabashingbu panghanbiyu, makhoybu neibiribashingbu namthahanbiyu.
5 Numitna maalemsida ngaallibamakhei ebungngogi mishingna ebungngobu khurumjaba oisanu, chahi cha kayaa thajana koirouthakta ngaallibamakhei makhoyna ebungngobu punemjasanu.
6 Ningthoudu loubukta nonglik taabagi matougumsanu, maalemsida laaija erik taabagi matougumsanu.
7 Achumba chatpa midu Mapunsiduna leiringeida chaaokhatpa oihanbiyu, thajana nongmadonda ngaallibamakhei mapaan naaidana chaaokhatpa oihanbiyu.
8 Ningthoudugi leibaaktu epaak amadagi epaak amaa youhanbiyu, Euphrate turendagi maalemsigi aroibadu youhanbiyu.
9 Leikanglada leiriba mishingna eningthoubu khurumjaba oihanbiyu, mahaakki yeknabashingna maalemda makok nonduna tujaba oisanu.
10 Tarsisgi ningthou amadi ethatshinggi ningthoushingna mahaakki maphamda loipot kahanbiyu, Arba amadi Ethopiyagi ningthoushingnasu mahaakki makada athenpot katcharasanu.
11 Ningthou khudingmakna mahaakki mamaangda makok nongani, jaat khudingmakna mahaakpu seba tougani.
12 Laairabaduna mahaakki maphamda changjarabadi mahaakna ngaakpi, awaat-apana thallabashing amadi thaoibidrabashingdubu mahaakna kanbi.
14 Mahaakna makhoybu ot-neibadagi kanbi, makhoygi punsidu mahaakki maphamda mamal yaammi.
15 Ningthoudu kuina punsihanbiyu, Arbatagi sanaa maraang kaina phanghanbiyu, mahaakkidamak matam leibada punembisanu, Eeshorgi bordu mahaakpu phanghanbiba oisanu.
16 Leibaksida mahei marong mapaan naaidana thok-hanbiyu, Lebanangi chingda mahei marong yaamna thokpagumna maphamsida leiriba chingshingsisu maraang kaina thok-hanbiyu. Naapi yaamna houba loubukki matougumna, saaharshingdu mi yaamna taaba oihanbiyu.
17 Ningthougi mamingdu kanaanasu kaohanbiganu, koirouhanbagumna mahaakki mamingsu matam leibada kaohanbidaba oihanbiyu. Jaat khudingna mahaakpu thaagatnahanbiyu, Eeshorna makhoybu kubinaba haayjasanu. Makhoyna ningthougi nungaai yaaiphanaba nibisanu.
18 Israelgi Mapu, Eeshorbu thaagatlu, ebungngo mahaaktana asigumba angakpasi touba ngammi.
19 Ebungngo mahaakki matik leiraba magundu matam leibada sollasi, mahaakki matik mayaaiduna maalemsi leitengba oirasanu. Masimak thokpa oirasanu. Amen. Amen.
20 Jessegi machaanupa Davidna haayjabadu matang asida loire.