Psalm 84

Mapu Ibungogi ningnashangdu ujaningba

84 Panggallaba Mapu Ibungo, nanaina Ibungogi ningnashangdubu kayagi matik nungsijaba.

2   Maphamduda matam leibada nanaina leijaningi. Leijaningi Ibungogi ningnashangduda matam leibada. Sinaidaba Mapu Ibungogi khuyakhada thawai hakchang katthokchage.

3   Sendrang phaoba makon sajari, sembangsingsu mahum leijei, makhoina machasingdu Ibungogi phankhong manakta leihanjei, panggallaba Mapu Ibungo, iningthou amadi ipuroi.

4   Matam leibada thagat ishei sakchaduna Ibungogi ningnashangda mapunsi lenjaribasingdu kayagi matik nungngaijaba.

5   Ibungogi nakadagi mapanggal amadi mathouna phangjaribasingsu kayagi matik nungngaiba. Zion chingda Ibungobu khurumjanaba chatcharibasingdusu nungngaibani.

6   Bacagi tampak phaoduna makhoina chatpa matamda, masidagi iphut thorak-i, masibu anganba nongna thalhalli.

7   Makhoina asum chatlakpada mapanggal thoina kanba hellammi, makhoina laiyamgi Ishor-du Zionda uba phanggani.

8   Panggallaba Mapu, Ishor, nanaina haijabasi tabiyu, Jacobki Mapu Ibungo, tabiyu.

9   He ipuroi, nanai eikhoigi ningthousibu kubiyu, mahakti Ibungona khandokpikhibani.

10 Ibungogi ningnashangda nongmatang ipunsi lenjabaduna karigumba mapham amada numit singbum lishing ama hingduna leirubadagi mamal yamba helli. Phattaba migi imungda leirugadoubagi sarukpudi ipuroigi ningnashanggi thonggalda leptuna matam lenjabana henna phei.

11 Thoujan amadi matikka loinana eikhoubu kubiriba Ishor-na eikhoigi ngaksenbiba Mapu oibiri. Achumba touba mishinggi maphamda Ibungona kubiba leppa leite.

12 Ibungoda thajabasing kayagi matik nungngaijaba, he panggallaba Mapu.