John 20
Ahangba mongpham
( Matthew 28.1-10; Mark 16.1-8; Luke 24.1-12 )
20 Amahiksung chayon-gi ahanba numitta ayuk nganna mamlingeida Magdalene Maryna mongpham tanna lakpada mongphamdagi nung adu louthokkhiramba ui. 2 Maram aduna mahakna chenkhiduna Simon Peterda amasung Jesusna nungsiba atoppa sebok ama aduda laktuna makhoida hai, makhoina Prabhubu mongphamdagi puthokkhre, aduga makhoina Ibungobu kadaida thamkhibano eikhoina khangde.
3 Maram aduna Peter amasung atoppa sebok ama aduna thokkhiduna mongphamlomda chatlammi. 4 Makhoi anina chenminnarammi, aduga atoppa sebok ama aduna Peterbu hengatkhiduna, mongphamda hanna thungle. 5 Amasung nonthaduna yengsinbada mahakna ananba limon phi adu thanamba ui, adubu mahakna manung changde,
6 Maduda Simon Peternasu mahakki tung induna laklaga mongpham manungda changle, amasung ananba limon phi adu thanamba urammi, 7 Aduga Ibungogi kokthakta leiramba khudei adu ananba limon phi aduga loinana thanamduna madu ngakta thuptuna mapham amana thanamba mahakna ui. 8 Maram aduna mongphamda hanna thunglaba atoppa sebok ama adunasu matam aduda manungda changlaktuna, usu ure, thasu thajare. 9 Maramdi Ibungona asibasinggi maraktagi hinggatpa tai haiba sastra adu makhoina matam aduda khangdri. 10 Aduda seboksing aduna amuk hanna mayum mayumda chatkhre.
Jesusna masabu Maryda uhanba
( Mark 16.9-11 )
11 Touigumsung Maryna kaptuna mongphamgi mapanda leptuna leirammi. Asum touna mahakna kapna kapna nontharaga mongpham manungda yengsille, 12 Aduga Jesusgi hakchang thamlamba mapham aduda angouba phi setpa sargadut ani, amana lukhumda, amana khuyada phamliba mahakna ui. 13 Amasung makhoina mangonda hai, he nupi, karigi kapliba ge?,
Mahakna makhoida hai, maramdi makhoina eigi Prabhubu puthokkhre, aduga makhoina Ibungobu kadaida thamkhiba ei khangde.
14 Mahakna asi hairaga, tung onthokkhibada Jesus leplamba ui, aduga madu Jesusni haiba mahakna khangde. 15 Jesusna mangonda hai, he nupi karigi kaplibage? kanabu thiribano?, Mahakna Ibungobu ingkhol ngakpa mini ningladuna, mangonda hai, Ibungo, nahakna Ibungobu puthoklabadi, kadaida thamkhibano, eingonda takpiyu, aduga eina Ibungobu louthokchage.
16 Jesusna mangonda hai, Mary. Mahakna ollaktuna, Ibungoda Hebrew londa hai, Rabboni (Madudi guru haibani).
17 Jesusna mangonda hai, eingonda sokkanu, maramdi eina Ipagi maphamda kakhattri, adubu ichin inaosingda chattuna makhoida hairu, eina eigi Ipasu nakhoigi napasu, eigi Ishorsu nakhoigi Ishorsu oiba, adugi maphamda kakhatkadouri. 18 Magdalene Maryna laktuna seboksingda takle, eina Prabhubu ujare, aduga Ibungona eingonda wa asi haibire,
Jesusna masabu pakhonchatpasingda uhanba
19 Maram aduna chayon-gi ahanba numit adugi numidang oirabada, aduga Jewssingbu kibagi maramna seboksingna leiba mapham adugi thong pumnamak lonkhrabada Jesusna lengsillaktuna makhoigi mayaida leple, amasung makhoida hai, Nakhoida ingthaba oisanu. 20 Maduda Ibungona asi hairaga, Ibungogi khut anisu puknopsu makhoida uhalle. Maram aduna seboksingna Prabhubu ujarabada haraojare. 21 Maram aduna Jesusna makhoida amuk hai, nakhoida ingthaba oisanu. Ipana eibu tharakpa adugumna, einasu nakhoibu thari. 22 Amasung Ibungona asi hairabada, makhoida Ibungona swar kamsinduna hai, thawai asengba nakhoina phangjou. 23 Kana kanagumbagi pap nakhoina kokpirabadi, makhoida pap adu kokpirabani, kana kanagumbagi pap nakhoina thamlabadi, pap adu thamlabani.
Jesusna masabu Thomassda uhanba
24 Touigumsung Didymus kouba Thomass, taranithoigi maraktagi ama adu, Jesusna lengsillakpada makhoiga leirminaramde. 25 Maram aduna atei seboksingna mangonda hairammi, eikhoina Prabhubu ure. Adubu mahakna makhoida hai, eina Ibungogi khut anida yotpigi makhul udrabadi, eigi khudonbina yotpigi makhul aduda thingjindrabadi, amasung eina eigi khut Ibungogi puknopta hapchindrabadi, ei khak thajaroi.
26 Amahiksung numit nipalnigi matungda amuk Ibungogi seboksing imungda leirammi, adua Thomassu makhoiga loinarammi. Thong pumnamak lonkhrabada Jesusna lengsillaktuna mayaida leplaga hai, nakhoida ingthaba oisanu. 27 Maduda Ibungona Thomasda hai, nanggi khudonbi asi tanna lamthoklak-u, aduga khut ani yengu, amasung nakhut tinthoklaktuna eigi puknopta hapchillu, aduga thajadrabasu, thajou.
28 Thomasna Ibungoda khumjarak-i, he eigi Prabhu, he eigi lswar.
29 Jesusna mangonda hai, nahakna eibu uraba maramna thajare, udrabasu thajaraba makhoi adu yaiphabani.
Aphaba wapao, asi lengbagi maram
30 Maram aduna lairik asida isindaba attopa ayamba khudamsing kayasu Jesusna mahakki seboksinggi mamangda toukhi, 31 Touigumsung Jesusdi Ishorgi machanipa Christani haiba nakhoina thajananaba, amasung thajaduna nakhoina Ibungogi mingda hingba phangnanaba, khudamsing asi isinkhrabani.