Isaiah 13
Eeshorna Babylonbu waarakkani
1 Amozgi machaanupa Isaiahna Babylongi maramda haayramba waashing,:
2 Ikok kokpa ching amada haigatli phiran amaa, makhoyda khonjen waangna laaokho, hallaknaba haaykho makhoyda, changnanaba phamnaaibashinggi kharai thonggalda pikho khudum nakhutmakna.
3Ei eshamakna toukhre yaathang mashak naairaba laanmishingda, eigi napan touraba tomthin naairaba laanmishingda eigi ashaaobadu utna-naba paao thaakhre.
4 Miyaam tinbagi makhongumna thorakliba khonjensi loibi chingdagi taro, jaatishingna pulap punshinbagi thorakliba konjensi taro. Nongthak nongkha anigi mapu, Eeshorna laan houraknabagidamak shem shari laanmi kaangbu ama.
5 Laak-e makhoyna athaappa mapham amadagi, khongshaallak-e nongmadon-gi aroiba maphamdudagi, Eeshor amadi mahaakki ashaaobagi khutlaaina maalem pumbaa manghan-gadouri.
6 Eeshorogi numittu naksallakle paanggallaba mapudugi laakkadouri mang takpagi mawongdu, tengthaaroi maramsina.
7 Matamduda taaibanggi khut pumnamak sithagani, mi khuding thamoidu mahi chen-gani, makhoy toupham khangloi.
8 Awaa ana kayaana makhoybu laakshin-gani, chabok sangda leiriba nupi amagumna makhoy awaaba nanggani, amanaa amada shor phuina honduna yengnagani, ugani makhoygi mamaay kahatna.
9 Yeng-u, Eeshorgi numittu laakle, tamthiba, amadi akibagi mashak phanglaba ashaaobaga loynana, oihangadouri masina maalemsi leikangla, maasida leiriba paap toubashingdubu chakthekkani.
10 Nongmadonda leiriba thawaan-michak parengnasu piraroi makhoygi mangaandu taaibangda, koirouhanbasu thorakpa matamda emam mamgani, thajanasu numidaangda mangaan piraroi.
11 Taaibang-paansibu paapkidamdk eina pigani dandi, phattabashingbu makhoyna touba paaptugidamak awaapham taahangani, napan toubashinggi ngakchao thekpadu eina maanghan-gani, tamthiba mishinggi karam chaaobadusu eina nemna putharakkani.
12 Phudonglaba sanaadagi taaibang mina henna tanghn-gani, Ophir kouba lamda thokpa sanaadudagi mina henna mamal yaamgani.
13 Maramsina nikhn-gani eina nongmadonsi, maalemsisu maagi maphamda thak thak niktuna leigani, nongthak nongkha anigi mapu, Eeshorna shaaobadugi maramna, mahaakna shaaoduna ee kaba numittuda.
14 Malhan-gani makhoybu sadanbana tannaraklaba sangaigumna, oigani makhoy mapu yaaodraba yaaoshinggumna, maagi maagi Jaatshingda onshinnagani, mi khudingmak maagi maramda chennagani.
15 Masida aphangbashingdu thangna kaktuna haatkani, aphangba midu thanggi mayada chatkani,
16 Makhoygi mamit mamaangda machaashingdu machet machet tana thangna kakpa ugani, makhoygi mayumda lut tougani, makhoygi nupishingdusu mina phagani.
17 Yeng-u, Midianshingbu eina enshinkhre, paamde makhoyna silver, mitarude makhoyna sanaada
18 Naha oiriba nupaashingdu lirungna loishingani, taaibang mioibagi mathakta makhoyna thoujaan erik amaa phaaoba utloi, makhoyna angaang phaaoba nungshiba utloi.
19 Babylon, leibaakshinggi matonni haayna ningliba, Chaldinshinggi lemjanaba amadi napan oiribashingsi, Sodom amadi Gomorrah oigani, Eeshorna makhoybu maaythiba piba matamda.
20 Masida mi amatta tararoi, miron khudingmakta kanaasu leiroi. Arabiagi mishingna maasida khaangpok sararoi, maphamduda sansenba kanaana makhoygi yaaoshingdu chahalloi.
21 Maphamduda lamlakta leiba shaashingna mayum oigani, maasida leiriba yumshingdu khek laaona khongliba shaashingna than-gani, maphamduda achouba uchekshingna makon sagani, leigani mioihamengoi touba jibaaduna maphamduda.
22 Maphamduda keishaal khongani, makhoygi nungaairaba maphamduda lamhuina khek laaogani, masigi matam loisillakle, matam kuina leiraroi,