Leviticus 9
Aaronna thoushing paangthokpa
1 Nipaannishuba numitta Mosesna aron, mahaakki machaanupashing, amadi Israelgi ahanshingbu kourammi.
2 Mahaakna makhoyda haayrammi, ashoy angaam leitana sannaao laaba amaaga yaao amaaga ayon araan amadi meida thaaduna thou tounabagidamak purak-u. Haayribasi puraktuna Eeshorgi maangda katlarao.
3 Israelgi masisu haaygadabani: Ayon-araangi thou oinaa katnanaba haameng laaba amaa, meida thaaduna katnanaba thougi potlam oinaa chahi amaa suraba sannaao laaba amaa aduga ashoy angaam leitba yaao machaa chahi amaa suraba amasu purakkadabani.
4 Eeshorgi maangda thou oinaa katnanaba sanlaba amaaga yaao laaba amagasu purak-u. Masina lamdaai shumdaaigi thou oinaa katkadabani. Mahei maronggi thougi potlamsu langsillu. maasida thaonachingba haappa katkadabni. Maramdi ngaasi nakhoyda Eeshorna mashamak uhanbirakkani.
5 Mosesna haaykhiba matung ennaa makhoyna mitinshanggi mamaangda haayriba potshingdu purakrammi. Miyaam pumnamak amatta oinaa Eeshorgi maangda tillammi.
6 Matamduda Mosesna makhoyda haayrammi, "Eeshorna nakhoybu touhanningba thabaktu asini: Eeshorgi matik mayaaidu nakhoyna ngasidi ubaa phanggani.
7 Masigi matungda Mosesna aronda haayrammi, "phaankhong manaak nakna changsillaaktuna ayon-araangi thou meida thaaduna touba thou, nashaagi oinaa ayon-araangi oiba thou, amadi mishinggi damak ayon-araangi thou touthoklaga mishingna katlariba thougi potshingdu pusillaaktuna Eeshorna taakpikhiba matung ennaa thou toujou."
8 Asumna aronna phaankhong manaakta nakna changsillaaktuna mashaagi oinaa haanna ayon-araangi thoudu katlammi.
9 Aron-gi machaashingna mapaada eedu pushillaaklammi. aronna eedu makhutna luplaga phaankhonggi machiduda teirammi. Aremba eedu mahaakna phaankhonggi akoybada chaithoklammi.
10 Adubu Eeshorna Mosesda haaybikhiba matung ennaa ayon-araangi thouda katpa shaagi mahaao, peishing amadi phirakki marishingnachingbadu phaankhonggi meiduda thajillammi.
11 shaadugi shadong amadi maundu mitinshanggi mapaanda puthoklaga meida thaakhirammi.
12 Aronna meida thaaduna tougadouba thougi shaadu haatlammi. Mahaakki machaanupashingna maangonda eedu lansinlammi. aronna maasibu louraga phaankhonggi akoybada chaithoklammi.
13 Makhoyna meida thaaduna tougadouba thougi shaa machetshingduga makokka aronda lansinlammi. Mahaakna haayribashingsi phaankhongda thaariba meiduda thajillammi.
14 Mahaakna makhoy marin amadi makhongdu eeshingda chamthoklaga meida thaaduna katliba shaashingduga meida thajillammi.
15 Masigi matungda mishinggi ayon-araangi thou oinaa haameng amaa pusillaklaga madu hatladuna mishingna toukhiba ayon araanshingdu koknaba thou touthoklammi. Masisu haannagi ayon-araangi thou toukhibaduga mawong mannarammi.
16 Mahaakna meida thaaduna katnaba thougi shaadu pusillaaktuna chatnapathap kaidana meida thaajinba hourammi.
17 Mahaakna masigi matungda mahei maronggi thougi potshingdu pushillaaklammi. Makhut thanna louraduna ayukki meida thaariba thoudugi nakanda thamladuna phaankhongda chaakliba meiduda thajinkhi.
18 Mahaakna mishinggi lamdaai shumdaaigi oinaa thougidamak sanlaba amadi yaao labadu haatlammi. aron-gi machaanupashingna eedu mapaada lansillammi. madu louraga mahaakna phaankhonggi akoybada chaithoklammi.
19 Sanlaba amdi yaaogi mahaao, anoyba mamei, makhoy marin kupliba mahaao, peishing amadi phirakki marinshingduda pakliba mahaaoshingdu louraduna,
20 Thabakki shaarukta hapchillaga phaankhonggi meida thajillammi.
21 Mosesna haaykhibagi matung ennaa aronna thabakki shaa shaaruktuga yet thangba phaiganduga athoiba khudon oinaa Eeshorgi makada katchakhi.
22 Masigi matungda aronna makhut thaanggatladuna mishingda bor pibirammi. Ayon-araangi thou, meida thaaduna touba thou, amadi lamdaai shumdaaigi thounachingbadu aronna katpa loirabada, mahaak phaankhongdagi kumthara klammi.
23 Moses amadi aronna mitinshanggi shang manungda changlammi. Makhoyna mapaan thorakpa matamda mishingda bor pibirammi. Maramdi Eeshorgi matik mayaaidu mishingna numittuda ubaa phanglammi.
24 Phaankhong mathakta leiriba meida thaaduna katnanaba thougi potlam amadi mahaaodu Eeshorna mei thaaraktuna chaakthekhallammi, maphamduda tillamliba mishingduna matousi ubada khongjen waangna laaoraklammi aduga mamaay leida luktuna ebungngobu khurumjarammi.