Matthew 21
Jesusna Jerusalemda lolaa tongduna laakpa
( Mark 11.1-11; Luke 19.28-38; John 12.12-19 )
1 Makhoyna Jerusalemda naksillaklaba amasung Mount of Olives chinda taaba Betphageda laaklaba matamda, Jesusna sebok anida asi haayduna thaakhirammi,
2 Nakhoygi namaangda leiriba khul aduda chatlu, Amasung khudak aduda nakhoyna lolaa mapi machaa punduna leiramba phanglugani. Makhoybu thoktuna, Eingonda purak-u.
3 Amasung kanaagumbana nakhoyda karigumba haayrabadi, Eeshorna makhoybu kaannaba lei, haayduna nakhoyna haaygadabani; amasung mahaakna makhoybu hek thaarakkani.
4 Eeshorgi waa taakthokpabu haayhankhiba,
5 Ziongi machaanupida nakhoyna haayyu, yeng-u, nanggi ningthou nangonda lengbirak-e; ebungngodi pukning tapi, amasung lolaa tongi; aduga lolaa adudi machaani, haayba asi thungna-naba houjik asum thoklare.
6 Amasung sebokshingna chatkhiduna Jesusgi yaathang matung ennaa tourure;
7 Amasung lolaa mapi machaa adu puraktuna mathakta makhoygi phi thaare haayraga, Ebungngona maduda tongle.
8 Aduga miyaam adugi ayaambana lambida makhoygi phi thaajei, amasung ateisigna ugi usa kakthattuna asum asum thaay.
9 Amasung ebungngogi maangda chatpa amasung tung enjaba miyaam-shing aduna laaona haayrak-e, Hosana Davidki machaanupada! Eeshorgi mingda lengbirakliba ebungngo adu yaaiphabani! Hosanna Khwaaidagi henna waangbada!
10 Amasung Ebungngona Jerusalemda changbada saahar pumnamak eraang houraduna haayrak-e, maasi kanaano?
11 Aduda miyaam-shing aduna haayrak-e, Galileegi Nazarethtagi Eeshorgi waa taakthokpa Jesus adu asini.
Ebungngona Ningnashang shengdokpa
( Mark 11.15-19; Luke 19.45-48; John 2.13-22 )
12 Amasung Jesusna Ningnashangda changlaga shang aduda leiri yolliba makhoy pumnamakpu taanthokle, amasung shel kaaybashinggi tablesu khunu yonbashinggi phamphamsu mathak makha onthokle.
13 Aduga Jesusna makhoyda haay, maasi ekhre, eigi sangbu haayjanaba shang kougani, adubu nakhoyna madu daakushinggi makol oihalli,
14 Matungda mittaangba amasung khong tekpaashingna Ningnashangda ebungngogi manaakta laakcharammi, amasung Ebungngona makhoybu phahanbirammi.
15 Touegumsung athoiba purohit shing amasung shaastragi ojaashingna Ebungngona toukhiba angakpa thabakshing amasung, Hosanna Davidki machaanupada, haayna laaoba angaangshing adu ubada, shaaoraduna ebungngoda haayrak-e, makhoy asina haayriba asi nahaak tabra?
16 Aduda Jesusna makhoyda haay, hoy, apikpa angaang amasung khom thaklibashinggi machindagi ebungngo nahaakna thaagatchaba mapung phaahanbire, haayba nakhoyna keidoungeidasu paadabra?
17 Amasung Ebungngona makhoybu thaadoklaga, saahardagi Bethanyda chatkhiduna mapham aduda leklure.
Mahei paandaba heiyit paambi
( Mark 11.12-14,20-24 )
18 Nongaallaga ebungngo saaharda hallaklingeida chaak laamlammi.
19 Amasung lambi mapaanda heiyit paambi amaa uraduna Ebungngona madu taanna laakpada, mana ngaakta nattana maduda karisu phangde, aduda Ebungngona maduda haay, matam asidagi houna nangonda matam pumnamakta mahei paandaba oirasanu. Khudak aduda heiyit paambi adu kangshillammi.
20 Amasung sebokshingna madu ubada ngakladuna haayrak-e, heiyit paambi asina khudak asida matou karamna kangsinkhribano?
21 Aduda Jesusna khumlak-e, eina nakhoyda thaanggei shengna haayribani, nakhoyna thaajaba leiduna chingnaba toudrabadi, heiyit paambida toukhiba adu tougadabata natte, adubu nakhoyna chingjaao asida phaaoba,nang phuktuna samudrada thadajou haayrabadi, madu tougani.
22 Aduga nakhoyna thaajaduna Eeshorda haayjabada karigumba nijaba pumnamak adu nakhoyna phangjagani.
Jesusgi matikki maramda waahang; machaanupa anigi paandam
( Mark 11.27-33; Luke 20.1-8 )
23 Adudagi Jesusna ningnashangda changshinduna, Ebungngona tambiringei matamduda athoiba purohit shing amasung ahallaman shingna laaktuna haayrei, nangna natik kari leiduna hiram shing asi touribano?
24 Amasung kanaana natik asi nangonda pibibage? aduda Jesusna makhoyda khumlak-e, eisu nakhoyda waahang amaa hangge, madu nakhoyna eingonda khumlabadi, eisu hiram shing asi kari etik leiduna toubage haayba adu eina nakhoyda taakke.
25 Johnna buptized touramba adu kadaaydagino? swargadagira, nattraga mishingdagira? amasung makhoy masen khannarammi, eikhoyna swargadagini haayragadi, manaa eikhoyda haaygani, adu oirabadi, nakhoyna maabu karigi thaajadabage?
26 Touegumsung eikhoyna mishingdagini haayragadi, eikhoyna miyaambu ki; maramdi pumnamakna Johnbu Eeshorgi waa taakthokpa amani haayna yaanei.
27 Amasung makhoyna Jesusda khumlak-e, eikhoy khangde, Ebungngona su makhoyda haay, kari matik leiduna eina hiram shing asi toubage haayba adu einasu nakhoyda haayroi.
28 Touegumsung nakhoyna kari khan-bage? mi amagi machaanupa ani leirammi, Mahaakna ahal aduda laaktuna haay, echa, ngasi angur engkhonda thabak shuru.
29 Aduda manaa khumlak-e, ei chatchage, paaji, adubu ma chatte.
30 Amasung mahaakna machaa atoppa aduda laaktuna adugumna haayrare; aduda manaa khumlak-e, ei ngamloi, adubu mameithangda ma mashaana ningamlaktraduna chatkhre.
31 Ani adugi karambana mapaagi ningba tourambage? makhoyna haay, atoppa aduni.Jesusna makhoyda haay, eina nakhoyda thaanggei shengna haayribani, khaajana thoubaa-shing amasung oktabi nupishingna nakhoygi maang thaana Eeshorgi leibaakta chatli.
32 Maramdi Johnna dharma chenbagi lambida laaklammi, amasung nakhoyna mahaakpu thaajade, touegumsung khaajana thoubaa-shingga oktabi nupishinggana mahaakpu thaajarammi, aduga nakhoydi madu ubaa matamda nakhoyna mahaakpu thaajaba yaanaba mameithangda nakhoy nashaana pukning phaaoba hongde.
Angur engkhon-gi paandam
( Mark 12.1-12; Luke 20.9-19 )
33 Atoppa paandam amaaga taao. Yumbu amaa leirammi, manaa angur hengkhon amaa koiraga, madugi akoybada shambal khaaduna, maduda angur sumpham amaa halle, amasung sagaai amaa shaaraga, akoyba mishingda shaandoklamduna atoppa leibaakta chatkhre.
34 Adudagi mahei lokpa matam adu yousillaklabada, mahaakna akoyba mishing adudagi mahaakki mahei sharuk lourunaba minaaishing thaakhi.
35 Aduga akoyba mishing aduna minaaishing adubu phaaduna amabu yeire, atei amabu haatle, amasung atoppa amabuna nungna thaare.
36 Amukka mahaakna ahaanbadagi henna atei minaaishing thaakhi, amasung makhoyna makhoyda haannagi adugumna toure
37 Touegumsung mameithangda, eigi echaa-nupaabudi makhoyna ekaai-khumnagani, haayduna mahaakna machaanupabu thaakhi.
38 Adubu akoybashing aduna machaanupa adubu ubaa matamda makhoy masen haaynei, maasi yumlep-chaaraani; laak-u eikhoyna maabu haattuna maagi phangpham thokpa adu phangsi.
39 Adudagi makhoyna mahaakpu phaaduna angur engkhondagi langthoklaga, maabu haatle.
40 Maram aduna angur engkhon-gi mapu aduna laakpa matamda akoyba mishing aduda mahaakna kari tougadage?
41 Makhoyna ebungngoda haayrak-e, mahaakna phattaba mishing adubu shaathina maanghallaga matam matamda mahei adumaangonda pigadaba atei akoyba mishingda angur engkhon adu shaandokkani.
42 Jesusna makhoyda haay:- yum shaabashingna channadaba nung adu, madumakna chithekki mapi oihallammi; maasi Eeshordagini, amasung maasi eikhoygi mittadi angakpani,
haayna shaastrada nakhoyna keidoungeidasu paakhidabra?
43 Maram aduna eina nakhoyda haayri, Eeshorgi leibaak adu nakhoydagi louthokhigani, aduga madugi mahei yaangadaba jaat amada pibigani.
44 Amasung nung asigi mathakta tuba mahaak adu machet machet kaaygani, touegumsung masina mathakta taaba kanaagumba adu uphulgumna toigani.
45 Amasung athoiba purohit shing amasung pharisi shingna ebungngogi paandamshing asi taabada makhoybu ngaangbani haayba makhoyna khanglammi.
46 Aduga makhoyna ebungngobu nampha phaage haayna thirabasu, miyaam-shingbu kire; maramdi makhoyna ebungngobu Eeshorgi waa taakthokpa amani haayna lourammi.