Mark 12

Angur engkhon-gi paandam

( Matthew 21.33-46; Luke 20.9-19 )

1 Amasung Ebungngona makhoyda paandam oinaa ngaangba houre; nupaa amanaa angur engkhon amaa koiraga, madugi akoybada shambal khaaduna, angur chumnaba kom amaa halle, amasung sagaai amaa shaaraga, akoyba mishingda shaandoklamduna atoppa leibaakta chatkhre.

2 Amasung matam adu oirabada, angur engkhon-gi mahei akoyba mishingdagi lourunanaba, mahaakna minaai amaa akoyba mishing aduda thaakhi.

3 Aduga makhoyna maabu phaaduna , yeiraga khut haangna thaadokkhre.

4 Amukka mahaakna atoppa minaai amaa makhoyda thaakhrabada, makhoyna maabu makok thugaayduna laakchana toubire.

5 Amasung mahaakna atoppa amabu thaakhrabada maabu makhoyna haatle; aduga atei ayaamba, kharabu yeire, kharabu haatle.

6 Mahaakki amuk amaa leijari, haaybadi mahaakki achaanba machaanupani; makhoyna eigi echaa-nupaabu ekaai-khumnagani, haayduna mahaakna ekon konbada maabu makhoyda thaakhi.

7 Adubu akoybashingna makhoy masen haaynei, mahaak asi yumlep-chaaraani; laak-u eikhoyna maabu hatsi, aduga maagi phangpham thokpa adu eikhoygi oigani.

8 Adudagi makhoyna maabu phaaduna haatlaga angur engkhondagi langthokkhre.

9 Angur engkhon-gi mapu aduna kari tougadage? Mahaakna laaklaga, akoybashing adubu maanghan-duna, angur engkhon adu atoppashingda pibigani.

10 Nakhoyna shaastra asi phaaoba paakhidabra;  yum shaabashingna channadaba nung adu, madumakna chithekki mapi oihallammi;

11 Maasi Eeshordagini, amasung maasi eikhoygi mittadi angakpani. 

12 Aduga makhoyna ebungngobu nampha phaage haayna thirammi, adubu miyaambu kire; maramdi Ebungngona makhoygi mathakta paandam adu ngaangbani haayba makhoyna khangle; amasung makhoyna ebungngobu thaadoklamduna chatkhre.

Caesarda loipot haabagi waahang

( Matthew 22.15-22; Luke 20.20-26 )

13 Amasung makhoyna waangaangda ebungngobu phaananaba pharisi-shinggi amasung Herodki khutpugi mi kharabu ebungngogi maphamda thaay.

14 Amasung makhoyna laaklaga ebungngoda haay, oja, ebungngo nahaak achumbani, amasung kanaabusu kide haayba eikhoyna khang-e, maramdi ebungngo nahaakti migi mishak mimaay yengbiba natte, touegumsung Eeshorgi lambibu chumna taakpi. Caesarda loipot haaba waayel kaaybra kaidabra?

15 Eikhoyna pigadra, nattraga piroidra? touegumsung Ebungngona nakhoygi apha shaajaningba adu khangladuna makhoyda haangkhi, nakhoyna eibu karigi chaang yenglibage? Eingonda denari amaa puraktuna utlu.

16 Makhoyna coin ama purakkhi, maduda Ebungngona makhoyda haangkhi, Makok amasung maming asi kanaagino? aduga makhoyna ebungngoda khumkhi, “Caesargini”.

17 Maduda Jesusna makhoyda haaykhi, Caesargi oiba adu Caesarda pikho, aduga Eeshorgi oiba adu Eeshorda katlu, Amasung makhoyna ebungngobu engak ngaklammi.

Hinggatpagi marida waahang

( Matthew 22.23-33; Luke 20.27-40 )

18 Amasung hinggatpa haaybasi leite haayriba saddukishingna ebungngoda laaktuna hanglammi,

19 oja, Mosesna eikhoygidamak ebirammi, kanaagumbagi machin manaao amanaa shibada, maagi nupi thaamlamlaga machaa thaamlam-drabadi, mahaakki machin manaaona maagi nupi adubu louduna, maagi machin manaao adugi damak dhaara thaamlamgadabani.

20 Machin manaao taret leirammi; aduga ahal aduna nupi louraga, dhaara thaamlam-dana sikhre;

21 Anishuba aduna mahaakpu louraga dhaara thaamlam-dana sikhre; ahumshuba adunasu adu mangaay;

22 Amasung taret aduna dhaara amatasu thaamlamde. Khwaaigi matungda nupi adusu sikhre. 

23 Hinggatpa aduda mahaak adu makhoygi maraktagi kanaagi nupi oigadage? maramdi taret aduna mahaakpu lourammi.

24 Jesusna makhoyda haayrak-e, nakhoyna shaastra amasung Eeshorgi paanggal adu khangde asigi maramna nakhoyna laanba nattra?

25 Maramdi makhoyna ashibashinggi maraktagi hinggatpada makhoyna luhongde, amasung makhoybu luhongduna pide, adubu swargada dutshinggumna lei.

26 Touegumsung ashibashingna hinggatpagi maramda Mosesgi laairikta maanna pungba mongsonggi waari nakhoyna paadabra, haaybadi Eeshorna maangonda haayrak-e, eidi Abraham, Isaac amasung Jameski Eeshorni?

27 Eeshordi ashibashinggi Eeshor natte, touegumsung ahingba-shinggini; nakhoy yaamna lalle.

Khwaai-dagi henna chaaoba waayel yaathang amasung Davidki machaanupa Kharistagi marida tambiba

( Matthew 22.34-40; Luke 10.25-28 )

28 Amasung shaastragi ojaashing amanaa makhoyna waa hangdok hangjin touba adu taaraduna, Ebungngona makhoyda ningthijana khumle haayba adu khangladuna, manaakta laaklaga ebungngoda hangjare, yaathang pumnamaktagi karamba yaathangna ahaanbano? 

29 Jesusna khumlak-e, ahaanba adudi asini: he Israelsa, taao, eikhoygi Eeshor adudi Eeshor amatani;

30 Amasung nangna nanggi Eeshorbu nanggi thammoi apumba, thawaay apumba, pukning apumbaa amasung paanggal pumnamak yaaona nungshigadabani.

31 Anishuba aduna asini, nangna nanggi keiroy leikaaibu nashaamakkumna nungshigadabani. Ani asidagi henna chaaoba yaathang atei leite.

32 Shaastragi oja aduna ebungngoda hanggat-charak-e, phaare, oja, Ebungngona chumna haayre, ebungngo mahaakti amatani, aduga ebungngo naatana atei leite;

33 Amasung thammoi apumba, akhangba pumnamak amasung paanggal pumnamak yaaona ebungngo mahaakpu nungshiba, aduga keiroy leikaaibu mashaamakkumna nungshiba, asina mapum oinaa meida thaaduna katpa amasung eeratpot pumnamaktagi yaamna thoi helli.

34 Aduga mahaakna shingna khumba adu Jesusna uraduna, mahaakna maangonda haay, nahaak Eeshorgi leibaaktagi lapnadre, adugi matungdadi kanaa amatanasu ebungngoda echang thouna hangkhidre.

35 Amasung Jesusna Ningnashang manungda tambiri-ngeida khumlak-e, Christa adu Davidki machaanupani haayba shaastragi ojaashingna karamna haaybano?

36 Davidmakna thawaay ashengbagi mapaanna haayre, Eeshorna eigi Eeshorda haay, eina nanggi yeknabashingbu nanggi nakhong makhaada thambidriba phaaoba, eigi yetta phammu.

37 Davidmakna mahaakpu Eeshor kou-e; aduna mahaakna mahaakki machaanupa karamna oiribano? aduga michamshingna ebungngogi waa haraaona taarammi.

Saastragi ojaashinggi maramda mit-na shinghanba. Lukhraabigi katchaba

( Matthew 23.1-36; Luke 20.45-47; 21.1-4 )

38 Amasung ebungngogi tambibagi marakta asumna haay, Achonba phi settuna koiba, miyaam tinnabada khurumhanba,

39 Loysang loysangda amasung chaakkhaangbada makok phamba paamba,

40 Lukhraabi-shinggi yum-kei munthokpa amasung toushinnaduna kuina haayjaba shaastragi ojaashinggi maramda cheksillu. Makhoy asina henna chaaoba maraal phanggani.

41 Amasung Ebungngona lan-geiga maayoknana phamduna, miyaamna lan-geida karamna shel hunjinbage yenglammi, aduga enaak khunba ayaambana yaanma hunjilli.

42 Amasung laairabi lukhraabi amaa laaktuna apikpa cooper coin ani madudi peisa amarom, hunjille.

43 Maduda Ebungngona sebokshingbu manaakta koushinduna makhoyda haayrak-e, eina nakhoyda thaanggei shengna haayribani, lan-geida hunjinba-shing pumnamaktagi laairabi lukhraabi asina henna hunjille.

44 Maramdi makhoy pumnamakna makhoygi lemthok paathok-padagi hunjille; touegumsung nupi asina maagi leitaabadagi maagi leijaramba pumnamak, haaybadi maagi hingnaba pumnamak hunjille.