Isaiah 5
Angur engkhonbu thaaduna sakpa esei.
5 Eigi nungsi thoibadugi maramda esei amaa sakchage, sakchage nungsi esei amaa mahaakki angur engkhondu thaaduna, leirammi leihao leiraba loibi chingda angur engkhon amaa eigi nungsi thoibagi, 2 leibaak tourammi mahaakna masida, phuttokchakhi thoudu nungjaaosing, thaajakhi machang oiraba angur paambi khanduna sajakhi mahaakna
awaangba sang amaa masigi mayaaida, maaduda semjakhi haktuna semlaba angur mahi sungpham amaa, masidagi mahaakna angur lokkani haayna asa toujakhi, adubu lamlakta houba angur oinaa mahaakna lokkani.
3 Phare, houjikti he Jerusalem amadi Judahda leiribasa, eina nakhoyda haayjari waayel phambeida pukhatlasi eihaak amadi eigi angur engkhondubu.
4 Toukhidabra eina angur engkhondugidamak? eina yengjaduna leikhi masidagi lokkani aphaba angur, lokkhiba karigi chanheidaba maheidu angurgi.
5 Hairage houjikti tougadaba eigi angur engkhondugi maramda nangonda, louthoklagani eina samballeigi sambal, tumna maanghal-lagani maadudata mahaakpu, khariba chekpandu eina thugaayragani, oirage khongnetpham masida.
6 Maanghal-lagani tumna maasibu eina, senglaroi masigi makhongdu, somlaroi mahaakpu eina, naapi amadi tingkhangna yomsinsanu maasibu, tougani yaathang leichinsingda, tadanaba nonggi marik amaa phaaoba masigi mathakta.
7 Nongthak nongkha anigi mapu, Eesor-gi angur engkhondu oiri Israelgi emung manungna, Judah-gi misingna oiri mahaakki thawaayna taajaraba paambi-singdu, ebungngo mahaakna achumbadubu yengduna leiri, adubu yeng-u, ee nai taaba ngaktana, thijarui nahaakna asengbadubu, adubu yeng-u, mikap miraokhon ngakta.
Mina touba phattaba thabak
8 Yum amagi mathangda yum amaa lousinba, loupham amagi mathangda loupham amaa khopchinba misingdu awaabanida, khakte makhoyna ateigi saruk, maramsina nahaakkidamak semlabani natomta leinanaba maalemsida.
9 Nongthak nongkha anigi mapu, Eesor-na namungkhre, sari sonkhibadu paangthokpa taare. ebungngona haayri,: "yum kayaa tumna maanggani, leibinaba yaaodana taaduna leigani phajaraba amadi chaaoraba dalan kayasu.
10 Acar taraa chaaoba angurgi engkhondagi phanggani mahi khujok amatang, hullaga maru sangbai amaa lokkani meruk amatang."
11 Hougatliba nganna ayukta, thakchanaba yu aroibi thaaduna, ngaijariba thengna numidaangda, tudriba phaaoba yuna, awaabanida asigumba misingdugi mathakta.
12 Bina amadi saranggi, pung amadi baangsi adugaa usob mela kayaada yu thakliba, yengde makhoyna Eesor-na toukhiba thabaksing, mitade mahaakki makhutna touba angakpa thabaksing.
13 Chatkani eigi misingna loida lousing leitba maramna, makhoygi ekaai-khumnaraba misingdu chara henduna sigani, makhoygi misingdu ekhou langduna sigani.
14 maramsina phaode khamnung leibaakki khourangba makhoyda, haangdokli masigi machin laona, Jerusalemgi matik mayaai leiba mi amadi mahaakki misingna chatli maphamduda, mahaakki garbanungda leiriba mising amadi mahaakpu yengduna nungaaijariba misingna chatli masigi manungda.
15 Taaibang mi haaybasi marai luklaba jibaa amani, mioibana yaaiphaba kari toubage? Karam chaaobasinggi mamittu koyna yenghandre.
16 Adubu nongthak nongkha anigi mapu, Eesordi thoina henna yaaiphari, asengbaduda sengthoiraba Eesor-na ngaanthoibiri,
17 Yaosingna chajagani sanjabungda, sahargi mang taklaba maphamda sajik pijagani.
18 Aranbagi langjin puthoktuna paap touriba-singdu awaabanida, garigi thouri chingthokpagumna paapki langjin chingthoklibasingdu awaabanida.
19 “mahaak khonglei thugadabani, mahaak thuna thabak tougadabani, eikhoyna maadu yenggadabani, haayriba misingdu awaabanida. Israelgi sengthoiraba Eesor-gi yaaipha thouramdu thungna laklasanu, eikhoyna maadubu khang-janaba thuna laklasanu."
20 Phattababu aphaba kouriba adugaa aphaababu phattaba kouriba, aangaanbagi mahutta amaamba oihalliba, athumbagi mahutta akhaba oihalliba, adugaa akhabagi maphamda athumba oihallibasingdu awaabanida.
21 Masa masaagi mamitta single haayna ningliba, phattalousingga loynanaa koyna leiduna yenglibasingdu awaabanida. 22 Yu yaamna thakliba, phattaba misingna yuda mayaai henna kahanduna thaklibasingdu awaabanida.
23 Maraal leibasingdagi senja thumja touriba, achumba misinggi phangpham thokpadu phanghandriba misingdusu awaabanida.
24 Khambi meina charukhok chakpagumna makhoygi marudu pumlagani. adugaa makhoygi sattorakliba leikadu uphul-lakta tinkhragani. makhoyna nongthak nongkha anigi mapu, Eesor-gi puyadu Khonggaonakhre, Israelgi sengthoiba Eesor-gi yawaadu tungoinakhre.
25 maramsina Eesor-gi asaaobadu mahaakki misinggi mathakta taare, tingthokli mahaakki makhut makhoygi mayokta adugaa mahaakna makhoybu hatli, maramsina loibi ching phaaoba thak thak nik-e. taari maramsina makhoygi asibaa masaadu lambida manglaba pot oina, haayriba maramsingsidagi mahaakki makhut tingthokli houjik phaaoba makhoygi mayokta.
26 Athappadagi mahaakna Jaati amaa thok-hannabagi khudam pirakkani, maalemsigi aaronba maphamdagi maasi laakle haayba khangna-naba khonjen amaa thok-han-gani, yeng-u,tapna amadi engna haayribasi thokkani.
27 Lakkadouribasingdu kana amaa phaaoba chokthaba leite, kanaasu khudi thiba leite, kanaasu uide adugaa tumde, makhuwangda laakliba phijetsingdu komthokpa leite, khongup mari amaa phaaoba tatpa leiroi. 28 Tenjeidu makhoygi thouwi, lirungdu makhoygi mari pansinduna lak-e, malli makhoygi sagolgi makhongdu atumba nunggi machin, makhoygi dolaigi chakadu malli humliba nonglei nungsit.
29 Makhoyna khek laobadu nongsagi matougummi, nahaa oiriba nongsagumna makhoyna khek laori, khek laaoduna makhoyna machinjaak thiri, pukhi makhoyna madubu. Kanba ngamde. kanaana makhoygi machindagi.
30 Khek laogani makhoyna masida haayriba numitsida, maanggani matoudu makhoygi samudra eraokhon, kanaagumbana maalemsida yenglabadi, yeng-u, maanggani amaamba amadi awaabana thallaba mapham thorakpa leichinduna khankhigani mangaandu masigi.