Jeremiah 15
Judahgi mishinggi aroiba
15 Ishor-na eingonda haibirammi, " Moses amadi Samuel ani laktuna eigi imangda leplarabasu mishingsigi mathaktadi thouna thoujan utlaroi. Eigi imangdagi makhoibu thapna thadokkhro. 2 Eikhoi kadaida chatkadage haina makhoina hanglakpa matamda nahakna makhoida haigadabani:
Ishor-na asumna takpiri: khamnung sawa tamgadabasingdu mamang yaithong kumkhrasanu, thanggi mayada chatkadabasingdu thanggi mayada chatkhrasanu chara henduna sigadabasingdu chaba phangdaduna sikhrasanu, bandi oina chatkadabasingdu badi oina pukhrasanu.
3 Ishor-na takpiri: makhoigidamak eina mangna taknaba lambel mari khandoklabani: mathwai thannaba thangshang, makhoigi masadu sgainaba hui, makhoigi masadu chathoknaba amadi chikthattuna manghannaba nongmadonda pairiba uchek, amadi malemsida leiriba shasingsini. 4 Jerusalemda Judahgi ningthou Hezekiahgi machanupa Manassehna toukhiba pumnamaktu ningsinglaga hairibasingsibu eina malemsida leiriba leipaksingsi mang taknaba masak oihangani.
5 He Jerusalem nahakpu kanana thoujanbigadage? Kanana nahakpu themjinbigadage? Nahakpu kanana taram taramna okpigadage?
6 Ishor-na takpiri nahakna eibu langsekle, nakhoi tunghanna chatkhre, maramsina eigi ikhutsi nakhoigi nathakta thamlibani, nakhoi tumna manglagani. Eihak pukning hanthararoi.
7 Khandoktuna makhoibu leibak leibakki saharsing thungna thagani eina makhoibu choijainana, eina makhoigi mathakta awaba tahalle, thadok-u yadaba maramna makhoigi phattaba lambidu. Tumna manghalle eina eigi mishingdu.
8 Samudrada leiriba leingoidagi henna leihalle makhoigi marakta lukhrabi, thokhalli eina lut touba kanglup, namkhaihangadabagi yumdu numit yungba matamda, mikup amagi manungda makhoigi mathakta tahalli eina landarakpagi akiba irangdu.
9 Machanupa taret pokpidusu wanthare, tari mahak wanthaduna. nungthin oiringeida takhi numittu mahakki, nangle ikaiba mahak, makhoigi yeknabasinggi mamangda pithokkani makhoigi marakta lemhoubasingdu thanggi mayada chatnanaba, masimak Ishor-na takpiri.
Jeremiahna Lainingthouda wakatpa
10 Awabani, awabani, ima ibemma nahakna eibu pokpirambasi, taibangsina eigi mayokta leiduna manglo haina tamlaklaba nupa ama oire, kanadagisu purude aduga kanadasu puthokude, adubu mi pumnamakna cheiri eibu.
11 Ishor-na maduda paokhum pirak-i, " eina nahakpu napangal happigani, awaba amadi khudongthiba taraba matamda, pubirakkani eina yeknabasingdu nahakki khuyada.
12 Awang haram pangbadagi purakpa yottuna ispatpu henna kanbra?
13 Mamal yaodana nahakki leijariba lan thum pumnamak landa phanglakpa potkumna pigani eina, maramdi nahakki leibak thungna touri papki thabaksingdu.
14 Nakhoina khangkhidriba lamduda chathallaga nakhoina yeknabasinggi minai oigani, eina saoba maramna mei ama mutpa naidana houhangadouri.
15 He Ishor, Ibungodi ikhang khangbi, he Ishor, ningsingbiyu nanaibu aduga mityeng tabiyu nanaida, nanaibu ot neiribasingdubu khumbiyu laman Ibungona. Nanaibu ngakpiyu puthokpiganu nanaibu thapna, Ibungogi nasumlanggidamak nanaina khangjariba awabasingsi yengbiyu.
16 Ibungogi yawadu puduna thina nganglibasingdugi ithindu nanaina khangjari, Ibungogi yawadu nanaigidamak harao tayamba oijari, phangjari nungaiba nanaina Ibungogi yawaduda. Nongthak nongkha anigi Mapu Ishor, koubikhre Ibungona nanaibu Ibungogini haina.
17 Ningngaidana leithokpa mishingga nanaina marup sajarude, nungaijarude makhoisingduga tinnaduna, nanai tongan tajei maramdi Ibungogi khuttu nanaigi ithakta thambikhi, Ibungona nanaida asaobagi meiri kahanbikhi.
18 Nanaigi pukningda phaoriba anabasi phahanbidriba karigino? Nanaigi asokpasi phahanbidriba karigino? Laija ishing thoktraba ishing phangani haina thajaba yadraba iphutki matougumna ebungona eingonda oibiri.
19 Ishor-na asumna paokhum pibirak-i, nakhoina eingonda namai leiraklabadi eina nakhoibu naphamlangda halhanbigani, lepkani nakhoi eigi imangda, kannadaba wasingdu thadoktuna aphaba wasingdu lourabadi, oigani nakhoi eigi wa takthokpasing, mishingna nakhoigi nakada amuk changjarakkani adubu nakhoidi makhoigi makada changpharoi.
20 Pithraina semba chekpangumna oihangani mishinggi mamangda nakhoibu eina, makhoina nakhoigi nathakta landarakpa yai adubu makhoi nakhoigi mamangda khangba yaroi. Maramdi nakhoibu kanbinabagidamak loinana leigani eihak nakhoiga, masimak Ishor-na takpiriba wani. Kanbigani eina nakhoibu phattaba mishinggi makhuttagi, tamthirabasinggi makhuttagisu ngakpigani nakhoibu eina,"