2 Samuel 5
Israel amadi Judah animakki ningthou Davidna oirakpa
(1 miron 11:1-9:1-7)
5 Matamduda Israelgi jaat khudingmakna Davidki manaak taanna Hebronda laaklaga haayrammi, "eikhoi nahaakki eeni. 2 Houkhiba matamda Saulna ningthou oinaa pallingei matamdasu Israelgi misingbu nahaakna luchingduna laanpham kayaada laanthengnakhi. Matamduda Eesor-na ebungngo-gi misingsibu nahaakki nakhutta sinnakhi. 3 maramsina Israelgi luchingba pumnamakna Hebronda leiriba ningthou Davidki maphamda laaklammi. Mahaakna makhoyga yaanaba amaa puraktuna miyaamduna Davidpu ningthou oinaba thaao noikhi. Matou asumna Davidna Israelgi ningthou oikhi. 4 ningthou oiba matamda David chahi kunthra surammi, ningthou oinaa chahi niphu pankhi. 5 Hebronda Judah-gi ningthou chahi taret thaa taruk paallammi. Jerusalemda Israel amadi Judah-gi ningthou oinaa chahi niphuhumdoi pankhi.
6 Jerusalemda leiriba Jebusisinggi mayokta David amadi mahaakki misingna laandarammi. makhoyna Davidta haayrammi, “nahaak maphamsida laakpa natik leite. maphamsidabu laaklabadi mittaangba amadi khongtekpa mina phaaoba nahaakpu taanthokpa ngamgani." makhoyna maasi haayruribagi thoidokpa arthadi David maphamduda laakpa ngamloi haaybani. 7 adubu Davidna Ziongi laanbandu thugaayrammi. Masigi matungda Zionbu Davidki sahar oinaa semkhi. 8 Numittuda Davidna haaykhi: "kanaagumba mina Jebusisingbu haatninglabadi eesing khongsigi marin enduna chatlaga Davidki thamoida tukka chaaraba khongtekpa amadi mittaangbasingdubu haatlu." maramsina asumna haaynakhi: mittaangba amadi khongtekpasingna ningna sangda changba yaade. 9 Davidna laanbandubu thugaayduna maphamdubu Davidki sahar haayna koukhi. Davidna haayriba saharsibu Millodagi houraduna ekoy koyna saagatkhi. 10 David nongma nongmagi mapaanggal kankhatpa hen-gatlaklammi. Nongthak nongkha animakki Eesor-na mahaakpu thoujanbirammi.
11 Tyregi ningthou Hiramna paaochatpa nupaa amaa Davidki manaakta thaarakkhi. Haayriba ningthousina Deodar kouba u, nungsuba amadi usubanachingba thaaraktuna konung amaa saagatkhi. 12 Eesor-na Davidpu Israelgi mathakta ningthou amaa oinaa leitaana palhanbire haaybasi David masaamakna khngkhi. ebungngo-gi mi oiriba Israel-singgi mapaandagi mahaakki leibaaktu chaaohanbiribani haaybasisu khangkhi.
13 Hebrondagi Jerusalemda honglaba matungda Davidna konungda thamnaba nupi amadi lamlakta thamnaba nupi kayaamarum loukhi. maramsina machaa nupaa amadi nupi kayaamarum pokkhi. 14 Jerusalemda mahaakna pokkhiba machaasingdi: Sammua, Sobab, Nathan, Solomon, 15 Ibhar, Elisua, Nepheg, 16 Elisamaha, Eliada amadi Elipheletni.
Philisti-singgi mathakta laandabada maay paakpa
(1 miron 14:8-17)
17 Philisti-singna Davidpu Israelgi ningthou oinaa haaple haayba paaosi taabada laanmising khomjinduna mahaakpu phanaba thoklakkhi. paaosi hek phangbaga Davidna cheksinna khagatlaba laanban taanna chatkhi. 18 Philisti-singna laandanabagidamak Rephaimgi tampaaktu taanna laaklammi. 19 Matamsida Davidna Eesor-gi laaibao tajanaba haayjarammi. Mahaakna haayrammi, "Philisti-singgi mathakta laandasira?" ebungngona nanaaibu pang-biduna maay paakhanbigadra?
Eesor-na haayrammi, "hoi, laandau. Eina nahaakpu pang-bigani amasung maay paakhanbigani."
20 maramsina Davidna Baalperazim taanna laanmi puduna chatlaga Philisti-singbu maaythiba pikhi. Davidna haayrammi, "eesing eechaao laakpagi matougumna Eesor-na eigi yeknaba-singbu maaythiba pibire." maramsina haayriba maphamsibu Baalperazim koukhi. 21 Philisti-singna maaythiduna chenkhiba matamda makhoygi laai murtisingdu hundoklamlaga chenkhi. David amadi mahaakka loynariba misingduna murtisingdubu khomjinlaga puduna chatkhi.
22 Lansigi matungda Philisti-singna Rephaimgi tampaaklomda hankhiduna maphamduda Amukka haanna punsinduna leikhi. 23 Davidna Eesor-gi maphamda laaibao hangjaba matamda asumna taakpikhi: maphamsidagi nahaakna makhoygi mathakta laandaroidoubani adubu laandage haayrabadi manam nungsiraba hidak semlaba upaansing houriba adomda koyna laaklaga maaythiba piba ngamgani. 24 Haayriba upaansingdugi matonda laangi khonjen thorakkani matamduda nakhoy laan changba yaare, maramdi eina nakhoygi naming thaana chatlaga Philisti-singbu maaythiba pigani."Eesor-gi yaathang matung ennaa Davidna laan changkhi adugaa Philisti-singbu Gebadagi houduna Gezer phaaoba taanthokpa ngamkhi.