Isaiah 19
Egyptpu mapuna awaapham tahan-gani.
19 Egypt leibaakki maramda phongdokkhiba laaibao: yeng-u, Eesor-na yaangna chatlaba leichin tongduna lengli, lakli Egypt leibaakta, Egyptta leiriba laai murtisingdu mahaakki maangda nikkani, Egyptta leiribasinggi thamoidu manungda mahi chen-gani.
2 Egyptna Egyptki mayokta lanhounanaba en-singani, machin manaao onsinnaduna khatnagani, yumlonnabasingsu onsinduna laan soknagani, sahar amanaa sahar amada adugaa leibaak amanaa leibaak amagi mathakta laan thengnagani.
3 Egyptta leiba misinggi thawaaydu thamoinungda chakthekkani, eina makhoygi thouraang pumnamak aremba tahan-gani, matamduda makhoyna laai murtising adugaa jadu touba misingda waahang paaohangjagani, loujagani mateng makhoyna tungda thokkadaba waa haaybasing adugaa jadu toubasingdagi,
4 Egyptta leibasinggi makhutta makhoybu eina pithok-kani, pithok-kani eina makhoybu kanna thabak suhanbasinggi makhutta, makhoygi mathakta tamthiraba ningthou amanaa waayelduna paan-gani, asumna taakpiri nongthak nongkha anigi mapu, Eesor-na.
5 Nile turenda leiriba eesingsu kanghallagani tureldu oiragani ekang,
6 Masigi khonglamsingduda echel leiraroi, Egypt leibaakki turenda Nilegi masasingduda eesing amatta chellaroi, naapi amadi hapunachingba loynaba humduna pukhragani.
7 Nile Turelgi khongbalda houriba, houriba maheimarong Nile turelgi khongbalda, kangduna mangkhigani, humkhigani nungsitna adugaa amuk haanna uraroi.
8 Tengthagani nga phaabasingna chakthariba khoi Nile turenda, eesingda een hullibasinggi mathakta makhoyna amaang ata thok-han-gani.
9 Kabranggi phi saaba-sing, angouba langna phi saaribasingdusu lammuknagani, phi saaba-singdu mapham khanglaroi, thabak subasingsu lousing leiroi,
11 Zoangi lamda leiriba ningthou machaasingdu pangi, Pharaogi asingba paaoutaak pibasingduna apangba paaoutaak piri, Pharaoda nahaakna "eihak asingba nupaa amagi machaani, thaainadagi pallakpa ningthou amagi machaani haayba ngamgadra?
12 Nakhoygi asingba misingdu kadaayda leikhre? Nongthak nongkha anigi mapu, Eesor-na Egyptki mayokta toukhibasingdu makhoybu haayhanlu nakhoygi nakada.
13 Zoargi ningthou machaasingdu apangba mi oire, Memphiski ningthou machaasingdusu lousing leitre, mahaakki maru oiraba jaatki luchingba-singduna lammuknahalli.
14 Eesor-na mahaakpu chamamnahalli, makhoyna touba thabak khudingda mapham khanghandre, matoudu malle yu ngaaoba nupaa amanaa masaagi aobada tusinba.
15 Egyptki manungda kokna nattraga mameina, thangtup pambigi masaana nattraga singmutna touba yaaba thabak karisu leiraroi.
Eesor-bu Egyptna khurumgani
16 Adugumba numittuda Egyptta leiba misingse nupigi matougum oigani. Nongthak nongkha anigi mapu, Eesor-na makhoygi mamaangda khut amaa uhn-gani, maasibu ubada makhoyna kibana nikkani. 17 Judah-gi lamsi ubada Egypta leiriba misingdu yaamna kigani. Nongthak nongkha anigi mapu, Eesor-na haaybikhiba matung ennaa haayriba thoudoksigi oinaa maming yaokhrabasingdu yaamna kigani.
18 Adugumba numittuda Egypt leibaakta Cannan-gi lon ngaangba sahar mangaa leigani. makhoyna nongthak nongkha anigi mapu, Eesor-gi ming panduna waasakkani. Haayriba-singsigi marakta amadi numitki sahar haayna kounagani.
19 Adugumba numittuda Egypt leibaakta Eesor-bu ningjanaba phaankhong amaa sagani masigi ngamkhei loiramdaida Eesor-gidamak yumbi amasu saagatkani 20 Haayribasina Egypt leibaakta nongthak nongkha anigi mapu, Eesor-gi khudam amaa oinaa leigani. makhoyna Eesor-gi maphamda ot-neibasinggi makhuttagi kanbinaba haayjaba matamda mahaakka makhoybu kanbinaba amaa thaarakkani. Mahaakna makhoybu kanbigani. 21 Matamduda Eesor-na Egyptki misingda mahaakpu masak khnghn-gani. Haayriba numitsida Egyptta leibasingduna Eesor-bu masak khngduna khurumgani. ebungngo-da makhoyna thou amadi meida thaaduna katpa pujanachingba touduna punemjagani. makhoyna Eesor-gi ming panduna waasakkani adugaa makhoyna maadubu paangthokkani. 22 Eesor-na Egyptta leibasingbu haatkani adugaa layengbigani. maramsina makhoyna ebungngo-gi maphamda maay ollakkani. Matamduda mahaakna makhoyna haayjaba taabigani adugaa makhoybu yaaiphahan-gani.
23 Adugumba numittuda Egypttagina Assyria youba phaaoba laambel achouba amaa semgani. Assyriada leibasingduna Egyptta laakkani. Egyptta leibasingduna Assyriada chatkani. Egyptta leibasingduna Assyriagi misingduga loynanaa laai khurumminnagani.
24 Adugumba numittuda maalemsida Israel Egypt amadi Assyriagi mathangda leigani. Makhoysu bor phanggani. 25 Makhoybu nongthak nongkha anigi mapu, Eesor-na haaygani, “eigi mising oiriba Egyptki mathakta mapaan naaidana bor phangba oisanu. eigi ekhutmakna semkhiba Assyriagi misingsisu bor phangba oisanu. adubu Israeldi eigi saruk phanglaba jaat oigadabani."