Revelation 3
Sarddigi singlupta iba lairik
3 Amahiksung Sarddida leiba singlupki dut aduda iyu: Ishorgi thawai taret amasung thawanmichak taret leiba Ibungo aduna wasing asi hairibani. Nanggi thabak eina khangi, haibadi, nang hingli haiba naming lei, aduga nangdi asibani. 2 Nang yahouduna mitseng khangjaro, aduga sigadouraba lemhoubasing adubu panggal happiyu; maramdi eigi Ishorgi mangda nanggi thabak changkhollaba oina eina phangdre. 3 Maram aduna nangna karamna phangkhibano amasung takhibano ningsingu; aduga madu ngaktuna pukning hongu. Adubu nangna mitseng khangdrabadi, huranbagumna eina lakkani, amasung eina karamba pungda nathakta lakkadaba nangna supkhang khangloi.
4 Touigumsung makhoigi maphi marol mothandaba Sarddida ming khara nanggi lei; aduga makhoina eiga loinana phingou settuna koiminnagani, maramdi makhoi matik chaba mini. 5 Ngamliba mahak adubu asum touna angouba phiron thonbigani; amasung eina mahakki maming adu hingbagi lairiktagi khak muthatpiroi, aduga eina mahakki maming adu Ipagi amasung Ibungo mahakki dutsinggi mangda yabigani.
6 Thawai aduna singlupsingda haiba adu manakong panba mahak aduna tajasanu.
Philadelphiyagi singlupta iba lairik
7 Amahiksung Philadelphiyada leiba singlupki dut aduda iyu: Asengba, achumba, Davidki so leiba, hanglaga kana amatana thingloidaba, amasung thinglaga kana amatana hangdaba Ibungo aduna wasing asi hairibani.
8 Eina nanggi thabak khangi (Yengu, kana amatana thingba ngamdaba hangkhraba thong ama namangda eina pibire), haibadi panggal khara nanggi lei, aduga eigi wa ngaktuna eigi ming nangna yadaba toude. 9 Yengu, seitan-gi kanglup, masana, Jewssingni hairaga oibadi oidaba, chinthiba makhoi adudagi kharabu eina pibi; yengu, eina makhoibu lakhanduna nanggi khuyada khurumjahangani, amasung eina nangbu nungsire haiba makhoibu khanghan-gani.
10 Eigi khangheibagi wa adu nangna ngaklabagi maramna, prithibigi mathakta pallibasingbu chang yengnanaba, taibangpal apumbada lakkadouriba chang yengbagi pung adudagi einasu nangbu ngakpigani. 11 Ei thuna lakkadrouri; mi kana amatana nanggi luhup loukhidananaba, nanggi leijaba adu chetna paiyu.
12 Ngamliba mahak adubu eina eigi Ishorgi asengba shangda yumbi ama oihanbigani; aduga mahakna mapham adudagi amuk hanna chatthoklaroi; amasung eigi Ishorgi ming, eigi Ishorgi sahar, eigi Ishordagi, sargadagi kumtharakpa anouba Jerusalem adugi ming, amasung eimakki anouba ming adu eina mahakki mathakta ibigani.
13 Thawai aduna singlupsingda haiba adu manakong panba mahak aduna tajasanu.
Layodikeyagi singlupta iba lairik
14 Amahiksung Layodikeyada leiba singlupki dut aduda iyu: Amen kouba, thajaba yaba amasung achumba sakhi, Ishorna semkhrabagi ahouba Ibungo aduna wasing asi hairibani.
15 Nanggi thabak eina khangi, nangna ingsu ingde, sasu sade. Nangna ingba nattraga saba oiba eina pamjei. 16 Aduna nangna lumbu lumbu saba, amasung sasu sadaba, ingsu ingdaba maramna, eina nangbu eigi ichindagi sittokkani. 17 Ei inak khulli, lal yamna phangle, amasung karisu watte, nangna haibagi maramna, aduga nanggi tonthaba, anangba, lairaba, mittangba amasung phi settaba nangna khangdabagi maramna,
18 Nangna inakkhullaknanaba meina phudonglaba sana, nanggi nasada setnanaba amasung nanggi phi settabagi ikaiba phongdananaba angouba phirol, aduga nangna unanaba namit teinabagi thao, eingondagi leinanaba eina nangbu takpiri.
19 Eina nungsiba makheibu waraksu warakpi, laksu lakpi; maram aduna thawai yao, aduga pukning hongu. 20 Yengu, eina thongda leptuna yeiri; kanagumbana eigi khonjel taduna thong adu hangbirabadi eina mangonda changduna mahakka aduga mahakna eiga chaminnagani. 21 Eina ngamladuna eigi ipagi phambalda Ibungo mahakka phaminnaraba adugumna ngamliba mangondasu eiga eigi phambalda phamminnaba pibigani.
22 Thawai aduna singlupsingda haiba adu manakong panba mahak aduna tajasanu.