Psalm 118
Langambada nungngaiba phongdokpa oina haijaba
118 Ibungodi matik magun leibani maramsina Ishor-bu thagatlasi.
Ibungona eikhoibu nungsibibadusu hongba naide.
2 Israelgi mishingna amatta oina haijasanu, "Ibungogi nungsibadu lomba naide."
3 Mapu Ibungogi purohitsingna haijasanu, "Ibungona eikhoibu nungsibibadu hongba naide. "
4 Ibungobu khurumjaribasingduna haijasanu, "Ibungona eikhoibu nungsibadu hongba naide."
5 Awaba taraba matamda Ishor-da eina changjakhi, Ibungona eina haijabadu tabikhi aduga kanbikhi.
6 Ishor-na eiga loinabiba maramna akiba leitre, maramsina eina kanabu kirugani?
7 Eibu iteng pangbiribasi Ishor-ni, maramsina eigi yeknabasingna maithiba matamda imitsina ugani.
8 Taibang mioibada thajarugadoubagi sarukpudi Ishor-da thajabana henna phei.
10 Yeknaba kayana eibu koisinkhirammi, adubu makhoibu Ishor-gi panggaltana manghanba ngamkhi.
11 Makhoina eibu langoi challammi, adubu Ishor-gi thoujantana makhoibu eina manghanba ngamkhi.
12 Khoisinggi matougumna makhoina eibu koisinkhi, adubu tingkhang chakliba khambigumna thuna mangkhi. Pumnamaksi Ishor-gi matiktana eina makhoibu manghanba ngambani.
13 Eibu matam amada yamna tamthina toubiduna maithiba pikhi, adubu Ishor-na eibu tengbangbikhi.
14 Ibungona eibu panggal leiba ama oihanbire, Ibungona eibu kanbikhi.
15 Mapu Ibungogi mishinggi tinphamd lan-ngamduna haraona laoriba khonjelsi taro: "Ishor-gi mapan naidraba mapanggaltana pumnamaksi oiribani."
16 Ngasi maipaklibasi Ibungogi panggaltani, Ibungogi matiktudana langamlibani.
17 Eihak siraroi, ahoinadum sinairaroi, maramsina Ishor-na toukhiba pumba phongdokkani.
18 Ibungona tamthina eibu awapham tahanbikhre, adubu siba phaobadi sihanbikhidre.
19 Ningnashanggi khongdu laona hangdokpiro, maphamduda changduna Ishor-bu thagatchagani.
20 Ishor-gi thongdudadi achumbasingtana changba ngambani?
21 Ishor-bu nanaina thagatchari maramdi nanaina haijabadu Ibungona tabi. Ibungona nanaibu lan-ngamhanbikhi.
22 Yumsabasingna matik chade khanduna hundokkhraba nungjaodu, ngasidi khwaidagi athoiba ama oirare.
23 Pumnamaksi Ishor-na toubiribani, yengbada kayagi matik angakpa oiriba.
24 Ngasi Ishor-na taibangbu ngambire, maramsina eikhoi nungngairasi amadi harao tayambaga loinana kummei tourasi.
25 He Ishor, nanai eikhoibu kanbiyu he Ishor, nanai eikhoibu maipakhanbiyu.
26 Ishor-gi minglen panduna changjaraklibasingdu ipuroina konbiba oisanu. Ishor-gi ningnashangdudagi eikhoinasu nahakpu kubigani.
27 Ishor-di ipuroini, Ibungona eikhoibu kubiri, usa paiduna nakhutta pangthoklasi achouba thoktu, aduga phankhonggi akoibada koina chatlu.
28 Ibungodi nanaigi ipuroini, maramsina Ibungobu nanaina thagatchari, nanaina Ibungogi matiktu thagatchari.
29 Ibungodi pukchel tappa maramna thagatlasi, Ibungogi nungsibadu mapan naide.