Proverbs 1
Paaorougi kaannaba
1 Davidki machaanupa, Israelgi ningthou Solomongi paaoroushing.
2 Maasibu paraga pukning loushing hen-gatkani, aphaba paaoutaak phangba ngamgani, amadi masidagi punsigi oiba waa machang kayaa khangba ngamgani.
3 Haayribasina loushing leina, pukchel shengna, achumba touduna amadi araanba chatludana leihanbada matengsu oigani.
4 Loushing leitba kanaagumba midusu maasi paraga loushing hen-gatkani, aduga nahaa oiriba mishinggi damakti mapaan naaidana kannagani.
5 Haayriba paaorou shingsina ashingba mishingda loushinggi meiri henna haappigani aduga laairik heiba mida laaishu tambigani.
6 Masitagi mapaanna paaoroushinggi aronba kaannabadu taakpigani aduga ashingba mishingna haayramba pumbasu masidagi khangba ngamgani.
Nahashingda taakpiba paaoutaak
7 Loushing meira leige haayrabadi ehaan haanna Eeshorbu ekaai-khumnagadabani. Apangba mishingdi loushingbu thaoide aduga tamsu tamningde.
8 Echaasha, napaa namaana haayba waashingdu kina chatlu.
9 Makhoyna taakpi taakpibaduna nakhoygi naramchat shemba matamda kokyet phajaba amadi ngaksamda leitenggidamak siriba liklaang parengum oigani.
10 Echaasha, phattaba thabak toubashingna houba matamda yarunu.
11 Karigumba makhoyna chatsi, mi haatlusi haayrabadi nattraga maram leitana maraal leitba mibu laaknasi haayrabadi yarunu.
12 Makhoygi tung enduna chatlaga mishingdu thengnaba matamda masha mau yaamna phariba ahingba mi oirabasu, karigumba hattokpirabadi ashibaa haaybadu oiragani.
13 Huranduna eikhoygi yum chandabamakhei lan thum peisinba yaai.
14 Laak-u, eikhoygi erakta tinduna hurallaga phanglakpashingdu yennasi." haayrakpa yaai.
15 Echaasha, adugumba mishingduga chatminnaganu. Makhoydagi thaapna leithoktuna leiyu. 16 Makhoydi phattaba thabak toubada matam ngaidabani. Makhoyna matam leibada haatna-naba thouraang toudunata leibani.
17 Nahaakna phaage ningliba uchektuna nahaakpu yengduna leiraga nahaakna mahaakpu phanaba lang thaklabadi kari kannagani.
18 Adugumba mishingdunadi makhoyna masha thujaba yaaba lang amaa thaktuna thamli.
19 Huraanba haaybasidi huralliba nupaadugi mapunsidu mangjarage thouraangbani. Masimak tamthibana mangoinaba mi khudingda thokkadabani.
Loushingna kouba
20 Pukning changna taro, loushingna laambelda chatliba amadi pot yonpham keithelda leiriba mishingda kouri.
21 Kouri khongjel houna saahargi changphamda amadi miyaam tinphamda leiriba mishingbusu.
22 Apangbasa, matam kayaa kuina paangna leiningbage? Loushingbu usittana matam kayaa kuina cheiduna leikhigadage?
23 Eina nakhoybu waaraklibasi taro. Eina nakhoyda aphaba paaoutaak amadi eina khangba ubadu taakpige.
24 Eina nakhoybu eingonda changjaraknaba koudunata leiri, adubu nakhoyna eigi ewaadu tade. Eina haayba waashingdu nanada hapte.
25 Eina piba paaoutaakshing nakhoyna loude aduga eina nakhoybu chumthokpibadusu nakhoyna loude.
26 Maramsina nakhoyna awaabada taaraba matamda eina nokkani, akibana nakhoybu koishinduna leiraba matamda nakhoybu yengduna eina nokkani.
27 Akibaduna nonglei nungshit kumna khudong thiba taahallaba matamda aduga nakhoy awaa-anaa taaraba matamduda eina nokkani.
28 Matamduda nakhoyna loushing Eibu kourakkani adubu matamdudadi Eina nakhoyda paaoukhum piraroi. Mapham khudingda nakhoyna eibu thiba yaai adubu nakhoyna eibu thiba phangloi.
29 Nakhoydi loushinggi kaannaba khangdabashingni aduga Eeshorgi paaoutaak ennaa chatpa ngamdabashingni.
30 Eina piba paaoutaaktu nakhoyna loude aduga eina chumthokpibadusu nakhoyna yaade.
31 Maramsina nakhoyna touba thabakki maheidu nakhoyna phanggani. Nakhoyna touba thabakshingduna nakhoygi anaaba oihan-gani.
32 Apangba midi shibani maramdi mahaakna loushingbu thaoide. Apangba mishingdi makhoyna touba apangbaduna mangnaba mashak oihalli.
33 Adubu eigi paaoutaak ennaa chatpashingna amaangba nangloi. Akibaa yaaodana nungaaina lengani."