Leviticus 20
Haiba indabagi mahei
20 Ishor-na Mosesda hairammi, 2 "Israelgi mishingda haiyu: Israelgi mishinggi maraktagi nattraga Israelda Saidangduna leiriba mishinggi maraktagi kanagumbana machasingdu molechta saren channanaba katlabadi, adugumba nupadu sibagi dandi phanggani. Leibaksida leiba mishingna adugumba nupadubu nungna thaduna hatkadabani. 3 Eihakmaksu adugumba nupadugi mayokta lepkani. Leibaksida leiriba mishinggi maraktagi mahakpu tumna manghan-gani. Mahakna Molechta macha katpa matamda Eigi asengba imingsi mangthok-i. 4 Leibaksida leiriba mishingna molechta machasingdu katpa matamda tuminna leithoklabadi aduga adugumba nupadubu hatrabadi, 5 Nupaduga loinana mahakki imungda leiriba mishingdu makhoigi salaida tilhalloidoubani. Mahakka loinana molechki matung illiba mishingdusu Eina tumna manghan-gani.
6 Kanagumba mishingna jadu heiba mishinggi matunginduna thounachingba tourabadi adugumba nupadugi mayokta Eihak lepkani aduga mahakki Salaidagi tanthokkadabani. 7 Maramsina nakhoi nasamak sengdokchaduna asengba mi oinaba hotnou. Maramdi Eihak nakhoigi napuroi Ishor-duni. 8 Eina pikhiba niyamsingdu kaidana chatlu Eina nakhoibu sengdokpiribani. 9 Mapa nattraga mamabu cheiba midu hattokkadabani. Mahakna mapa amadi mamabu cheibaduna masamakki eedu masamakna tahanjare.
10 Kanagumba nupa amana yumlonnaba amagi nupiga phidinnarabadi, nupa amadi nupi animaktu hatkadabani. 11 Mapana louba mamaga phidinnaba nupadu mapagi mamai khuhanbani. Makhoi animak hatkadabani. Masidi masana masagi ee tahanjabani. 12 Mamou nupiga phidinnaba makuboktu hattokkadabani. Makhoi phidinnaba yadabasu tinnarabanina maran leire. Makhoigi aranba thabakki maheidu makhoigi mathakta tahangadabani. 13 Nupa amana atoppa nupa amada matao khetlabadi, makhoi ani mannaduna amangba thabak tourabani. Makhoi animak aranba thabaktugi mahei oina hattokkadabani. 14 Kanagumba nupa amana mamaga machanupiga punna lourabadi, phattaba lamchatki manung changgani. Makhoi ahummak meida thagadabani. Nakhoigi narakta asigumba phattaba thabaksi touhalloidoubani. 15 Sada nattaba lamchat chatpa midusu hattokkadabani. shadusu hattokkadabani. 16 Kanagumba nupina saga phidinnarabadi, animak hattokkadabani. Makhoina touba thabakki maheidu makhoida phanghangadabani.
17 Mapa mama tinnaba machannupidu phidinnarabadi, thoidokna ikainingai oiba thabakni maramsina makhoigi mishinggi mamangda makhoibu hattokkadabani. Nupaduna machannupiga phidinnaba maramna mahakna toukhiba aranba thabakki maheidu phanghangadabani. 18 Masa sengdaba nupiga phidinnarabadi tariba eedu nupaduna thok-hanbani haina lougani. Maramsina mahakki thagi khongchattu thingba ngamloi. Makhoi animak salaidagi tanthokkadabani. 19 Nakhoina napaga pokminnaba nane nattraga namaga pokminnaba nadomchaga phidinnaroidoubani. Maramdi nakhoi ee naknaba marini. Makhoina aranbasi toukhibagi maheidu phangadabani. 20 Kanagumba mina makhuragi nupiga phidinnarabadi makhuragi mathakta ikaiba purakpani. Makhoidu macha leitringeida hattokkadabani 21 Kanagumba nupa amana machin manaogi nupidu hanjinduna lourabadi ikaiba thabak amani. Nupaduna machin manaodubu mamai khuhalle maramsina makhoi macha pokhalloidoubani. 22 Eina nakhoibu leihange haina sembiraba leibaktuna nakhoibu kaothoktanaba Eina pikhiba niyamsing amadi yathangsingdu kaidana chatlu. 23 Nakhoigi namangda Eina tanthokkadouriba jatsingna chatpa lamchatsingdu nakhoina chatpharoi. Makhoina phattaba pumnamak toukhi maramsina Eina makhoibu tukatchakhi. Eina nakhoida haikhibadu ningsingu: Makhoina leiriba leibaksi nakhoina phanggani leihao leiraba leibaksi nakhoigi oigani. Taibangpansida leiriba mishinggi maraktagi nakhoibu topna khaidokpikhiba nakhoigi napuroi Ishor-du Eini. 25 Maramsina nakhoina asengba sha amadi amangba sha aduga aseng sengdaba ucheksinggi makhalsingdu khangadabani. Sa, uchek nattraga leibakta houba oirabasu sengde amadi sokpa yaroi haibikhibasingdu sokloidoubani. 26 Lainingthou Ibungo Eisi asengba Ibungoduni marasina nakhoisu senggadabani. Eigi oiba yanaba haiduna jatsinggi maraktagi khaidoklabani.
27 Jadu touba nattraga lai sanaba nupa nupidu hattokkadabani. Makhoibu nungna thaduna hatkadabani. Makhoina toujaba thabakki maheidu makhoibu phanghangadabani.