Matthew 18
Swarga leibaakta Khwaaidagi henna chaaoba kanaano? mibu khudi thihan-danaba paaomenba
( Mark 9.33-37; Luke 9.46-48 )
1 Pungja aduda sebokshingna Jesusda laaktuna haayjarak-e, swarga leibaaktabu kanaana Khwaaidagi henna chaaobage?
2 Aduda Ebungngona apikpa angaang amaa kousillaga, maabu myaaida thamduna haayrak-e,
3 Eina nakhoyda thaanggei shengna haayribani,
nakhoyna onsillaaktuna apikpa angaangshinggumna oirakpa nattanadi, swarga leibaakta supchang changloi.
4 Maram aduna kanaagumbana apikpa angaang asigumna mashaana nollukcharakpa mahaak aduna swarga leibaakta Khwaaidagi henna chaaoi
5 Aduga kanaagumbana eigi mingda asigumba apikpa angaang amabu loushin-jarabadi, eibu loushin-jabani.
6 Touegumsung kanaagumbana eingonda thaajaba apikpashing asigi amabu khudi thihanbabudi, maagi mangaakta achouba chakkri nung thaangduna samudragi aruba maphamda luphanbana maagi tongjabani.
7 Khudi thipham yaamna leibagidamak taaibang-paan asida awaabanida! maramdi pumnamak asi thoktaba yaade, touegumsung khudi thiba thok-hanba mi aduda awaabanida!
8 Amasung nanggi nakhong nattraga nakhutna nangbu khudi thiba thokhallabadi, madu kakthattuna nangondagi langthokkho; nanggi nakhut ani nattraga nakhong ani paanna atat akham leitraba meinungda langsinbagi shaarukpudi, khut shoyna nattraga khong tekna hingba aduda changbana nanggi henna phei.
9 Amasung nanggi namitna nangbu khudi thiba thokhallabadi, madu kotthoktuna nangondagi langthokkho; nanggi namit ani paanna norokki meida langsinbagi shaarukpudi, naamma taangna hingba aduda changbana nanggi henna phei.
10 Cheksillu, apikpashing asigi amabu nakhoyna thouoidaba touganu; maramdi eina nakhoyda haayri, swargada makhoygi dutshingna swargada leiba eigi epaagi maaythong eetat-tattana ujei. 11 (maramdi migi machaanupa aduna maangkhraba adubu kanbinanaba laakle.)
Maangkhiba yaaogi paandam
( Luke 15.3-7 )
12 Nakhoy karamna khan-bage? Kanaagumba nupaa amagi yaao chaamma leiba adugi maraktagi amaa maangkhrabadi, mahaakna 99 Adubu chingda thaamlamlaga, maangkhiba amadu thiba chatloidra?
13 Amasung manaa madu phanglakpa thoklabadi, eina nakhoyda thaanggei shengna haayribani, manaa maangdaba 99 Adudagi henna maduda haraaojei.
14 Matou asumna apikpashing asigi amaa mangbadi, swargada leiba eigi epaagi maangda apaamba pot amaa natte.
Araanba touba mishingbu karamna laaknagadaba. Pukning tinnana haayjaba
( Luke 17.3 )
15 Amasung nanggi nachin nanaaona paap tourabadi, chattuna nangga maagata leibada, maagi maraal adu maangonda utllu; manaa nangna haayba adu taabirabadi, nangna nachin nanaao adubu amuk phangjare.
16 Touegumsung manaa nangna haayba adu taabidrabadi, saakhi ani ahumgi machinda waa khudingmak lepnanaba, mi amaa ani henna nangga loynanaa puro.
17 Amasung manaa makhoyna haayba adu taao yaadrabadi, madu shinglupta taaku; aduga manaa shinglupki waa adusu taao yaadrabadi, nangonda ma atoppa jaat amasung khaajana thouba amagumna oisanu.
18 Eina nakhoyda thaanggei shengna haayribani, prithibida nakhoyna karigumba punba adu swargada pun-gani, aduga prithibida nakhoyna karigumba thaadokpa adu swargada thaadokkani.
19 Amukka eina nakhoyda haayri, prithibida nakhoygi maraktagi anina karigumba amaa nijagadaba adugi maramda mapukning tinnajarabadi, eigi swargada leiba epaana makhoyda madu oihanbigani.
20 Maramdi eigi emingda ani ahum punna tinnaba mapham aduda eina makhoygi marakta lei.
Kokpinabagi tougadaba mathou amasung toubimal khangdaba minaaigi paandam
21 Matam aduda Peterna laaktuna ebungngoda haayjarei, Eeshor, eigi echin-enaaona eingonda paap touraga eina kayarak kokpigani? Taretlak phaobra?
22 Jesusna maangonda haayrak-e, eina nangonda taretlak phaaobata haayba natte, touegumsung tarettu 77 rak phaaoba haaybani.
23 Maram aduna swarga leibaak adu mahaakki minaaishingga chaagaa-chaading paaba paamba kanaagumba ningthou amaaga chaangdamnei.
24 Amasung mahaakna hisab paaba houraba matamda talents 10,000 Tonba amaa maangonda purakle.
25 Touegumsung mahaakki shingnaba leitbagi maramna mabungngona ma,matu, machaashing amasung maagi leijaba makhei shingnanaba yonthok-u haayna yaathang pirammi.
26 Maram aduna minaai aduna tuthajaraga khurumduna haayjarak-e, eibu khara khaangbiyu, amasung eina nangonda loina shingjagani.
27 Aduda minaai adugi mapuna maangonda nungshiba poklamduna maabu thaadokpire, amasung sendon adu kokpire.
28 Touegumsung minaai adumakna thoklakpada mahaakki denari chaamma tonba mamaannaba minaaishing amaa thengnare, amasung manaa phaaduna maabu makhouri mettuna haayrak-e, nangna tonba adu shingu.
29 Maram aduna maagi mamaannaba minaai aduna tuthaajaduna maangonda haayjarak-e, eibu khara khaangbiyu, amasung eina nangonda shingjagani.
30 Aduda manaa yaaninglamde, touegumsung chatkhiduna manaa tonba adu shingdriba phaaoba maabu keishumshangda thaajille.
31 Maduda maagi mamaannaba minaaishingna thokkhiba adu ubada thoidokna waaraduna, laaklaga, thokkhiba pumnamak adu makhoygi mapuda taakle.
32 Matam aduda mabungngona maabu kouraktuna maangonda haay, phattaba minaai, nangna eingonda haayjabagi maramna eina nanggi sendon pumnamak kokpire;
33 Eina nangonda nungshibikhiba adugumna nangsu nanggi namaannaba minaai aduda nungshibipham thoktra?
34 Amasung maagi mabungngona shaaoraduna manaa tonba pumnamak adu shingdriba phaaoba laaknabashingda maabu pithokle.
35 Nakhoy khudingmakna maagi maagi machin manaaobu nathawaay yaaona ngaakpidrabadi, eigi swargagi epaanasu adugumna nakhoyda tougani.