2 Chronicles 4
Ningnashangda changgadouba potlamsing
(1 Ning 7:23-51)
4 Ningthou Solomonna pithraigi phankhong ama sarammi. Masigi marak mayung metre mapan oirammi aduga metre tangkhai ama wanglammi. 2 Metre ani khara henba pithraigi pukhri amasu mahakna sarammi. Akoibana metre maridagi hellammi. Mapan akoibadu mitre maridagi hellammi. Mapan akoibadu mitre tarahumdoidagi hellammi. 3 Pukhri asigi mapan akoibaduda leiteng oina amana amagi mathakta mapan ani amaga chatlammi. Pukhrisiga samnariba pithraidagi shal-labagi maongda ikoi koina ye klammi. 4 Hairiba pukhrisi shallaba taranithoigi mathakta tonghallammi. Aduga shallaba ahum ahum naina sindoktuna maikei marisi thunghalli. 5 Mapan-gi athabadu millimetre humphutaramanga oirammi. Masigi mangongdi lei thanariba gamlagumna maton khara pha klammi. Hairiba pukhrisida ishing litre lishing humphu chalammi. 6 Makhoina khudeng tara amasu sarammi. Manga amana kha maikeida aduga atoppa manga amana awang maikeida thamlammi. Hairiba khudengsingsida meida thaduna tougadouriba thouda sijinnagadouba shasingdu chamlammi. Achouba pukhriduda leiriba ishingdu purohitkhaktana sijinnaba yarammi.
7-8 Mahousa chatnarakpa adugi maongda makhoina thaomei makhong tara amaga sanana sarammi. Masiga loinana phan awangba tara amaga sarammi. Ningnashanggi shang-shangduda hairibasingsi thamkhi. Phan awangba manga thaomei makhong manga amaga nakan amamamda tharammi. Makhoina sanana tenggot chammasu sarammi. 9 Makhoina manungda purohitsinggidamak sumang amasu sarammi. Mapan-gi oiba sumang amasu sarammi. Mapan amadi manunggi sumang anisigi thonggaldu pithraina sarammi. 10 Pukhridu ningnashanggi khanongpok thangba maikeida semlammi.
11-16 Huramna patrasing, leibak tounanaba yotpak, amadi pukham kayamarum sarammi. Ningthou Solomonda Huramna sagani haikhiba potlamsingdu ningnashanggi oinanaba maru oina sagani haikhibadu loisinkhi. Mahakna sakhiba potsingdi:
Ukhong achouba ani ukhongsingda matonda napkhiba tenggot manba ani.
Matonda mari panba leitenggi potsing matonda leiriba leitengda hapkhiba kaphoi chamari pithraina sakhiba gari tara khudeng tara pukhri pukhridubu puriba shallaba taranithoi patrasing, yotpak amadi pukhamsing
Ishor-gi ningnashangda sijinnanaba haiduna ningthou Solomonna toukhiba yathang matung inna Huramna hairiba potsingsi phudonglaba pithraina sakhi.
17 Hairibasingsi ningthouna Jordan-gi tampakta Sukkoth amadi Zeredahgi manakta leiriba thabak Shephupham aduda sahankhibani. 18 Pot yamna sakhibana kananasu pithraigi chang leppa ngamlamde.
19 Ningthou Solomonna sanadagi saduna pot kayamarumsu ningnashanggidamak sem sakhi. Madugi manungda: Sanana saba phankhong amadi Ibungo lengsillakpada tal thamnaba awangba phan, 20 Thaomei makhongga loinana sanana saba thaomei, hairibasi chatnabi matung inna ningnashanggi manung thangba kada thamnabani, 21 Leinachingba thamnanaba chaphu, thaomei, mei muthatnaba makhumnachingba asengba sanana sakhi. 22 Thang, pukham, dhup thananaba kambi, mei hapnaba khangnachingbasu asengba sanana sakhi. Ningnashanggi thong amadi manung thangba kada leiba asengba maphamgi thong aduga miyam phamphamda palliba thongnaodusu sanana sarammi.