Jeremiah 51
Babylonda maakha taana waayelbiba
51 Eesor-na asumna taakpiri: yeng-u, eina manghan-tahangadouribadugi thawaayda ethin pigani, maaduna Babylon amadi Chaldeansinggi mayokta laakkani,
2 Thagani eina Babylonda mahei marong khombasing, makhoyna mahaakpu maru kokthokpigani, tengthokpigani makhoyna mahaakki leibaaktu, awaaba tagadaba numittuda makhoyna mahaakki akoybadagi changlakkani.
3 Ten kappasingduna lirungda tenga thongdasanu, mahaakna laangi phurit littuna leptasanu. mahaakki nahaa oiriba misingdu lemna khakkanu, mahaakki misingdu loynaba manghallu.
4 Chaldeansinggi leibaakta makhoy taagani. Siraduna, leigani masigi lambida sokladuna.
5 Israel amadi Judahbu kaaothokpidri. Makhoygi Eesor nongthak nongkha anigi Eesor-na. Israelgi amatta ngairaba sengthoiriba ebungngo-gi mathakta toukhiba paapna Chaldeansinggi leibaaksi ethan thalli.
6 Babylon-gi misinggi leibaaksi ethan thalli. mi khuding maagi maagi punsi kanjanaba chenjarasanu. Mahaakpu dandi pibaduda aroiba oinadi thok-hanganu. maramdi matamsi Eesor-na laman singbigadaba matamni, mahaakna masigi mthakta tahangadouriba.
7 Eesor-gi khutta oirammi Babylon sanaagi tenggot, mahaakki makhutta maalemsi aangaaobagi matougummi, Jaatsingna mahaakki yudu thaklammi, maramsina Jaatsingdu aangaaobagi matougumlammi.
8 Ekhang khnghoudana Babylon mangkhre, maramsina mahaakpu ningsingduna kappu, mahaakki achikpa maphamda teinanaba hidak puduna chatlu. adu oirabadi mahaak pharakpasu yaai.
9 Eikhoina Babylonbu layenglamba yabani, adubu mahaakki asokpadu phaaba kouba naikhide. Mahaakpu thaadoklamlo, adugaa eikhoy ngamnamak chatlasi. maagi maagi leibaakta khongsallasi, maramdi mahaakki mathakta waayelgadabasi nongmadon phaaoba youkhre. Koirou awaangbadu phaaoba youna kakhre.
10 Eesor-na eikhoygidamak laman singbire, maramsina laak-u, eikhoy waaphamsi zionda haayrusi, phongdoklusi eikhoygi mapu ebungngo Eesor-gi thabaksingdu.
11 Tenjeisingdu machin phengu, chunggoisingdu paaykhatlu, Eesor-na Mediagi ningthou-singgi thamoida ethin pibire, maramdi ebungngona Babylonbu maanghallage haayna ningli. Masini Eesor-na mahaakki ningna sanggi oinaa singgadouriba lamandu.
12 Babylon-gi chekpangemathakta saagatlu leiron amaa, ngaak-u cheksinna maaduda, thongakpa mi thammu, laanjangnaba thouraang touro, maramdi Eesor-na Babylon-gi misinggi matangda phongdokpikhibadu soydana thoklanaba hotnabiri.
13 Laaija epaakna koisilliba enaak khullaba jat, nakhoygi aroibadu laakle, nakhoygi napunsigi langladu loire.
14 Nongthak nongkha anigi Eesor-na matik mayaai panduna waasakkhrabani, asengbamak nahaakki lamdu chandabamakhei eina koujeng harougi matougumna mina thalhan-gani Nahorgi mathakta makhoyna laan-ngam khollaodu laogani.
Mapubu thaagatpa
15 Malemsibu matik mayaaitana sembikhibadu ebungngotani. Marousingtana lingbikhiba taaibang-paansibu. mahaakki marousingdutana nongmadonsi saandokkhi.
16 Mahaakna machin kathokpibatada tarak-e nonggi erik koirouthaktagi, kahallak-e mahaakna leichin maalemsigi aroiba maphamdudagi. Nongdagi nongthaang kuphanbi mahaakna, mahaakki pukkeidagi thok-hanbi nonglei nungsit.
17 Taaibang mi khudingmak marousing leitraba apangba ngakni, sanaa saaba-singdu makhoyna saaba murtiduna ekaaiba nanghalli. maramdi mahaakki laai murtisingdu namthaakni, makhoy sor honde.
18 Makhoy kannadaba manggi khutsemni, makhoygi mathakta laakkadaba dandagi numittuda ngamnamak loina maanggani.
19 Haayriba-singsigi matougumna oiroi Jacobki chaakthungdi, maramdi mahaakti taaibanggi pot khuding sembada yaaoriba ebungngoduni, maadugi dhaarani Israelsi koubani mahaakki maming nongthak nongkha anigi mapu, Eesor.
Eesor-gi nungthang
20 Oibiri nahaakna eigi laangi khutlai amadi nungthangdu. Nahaakka loynarabada eina thugaaygani Jaatsingdu loynaba, nahaakka loynanaa eina leibaak kayaa thugaayba ngamgani.
21 Nahaakka loynanaa sagol thouba amadi sagol kayaa maanghalli, nahaakka loynanaa dolai amadi dolai thouba kayasu maanghalli.
22 Nahaakka loinaduna eina ahan nupaa amadi nupi kayaa tumhnkhre. Nahaakka loynanaa ahan amadi nahaa kayasu loisinkhre nahaakka loynabada eina nahaa oiriba nupaa amadi nupi kayaa manghankhre,
23 Nahaakka loynanaa eina yaaosenba sing amadi yaao kayaa tumna manghankhre. Nahaakka loynanaa eina lou ubaa amadi loubuk kayaa manghankhre, nahaakka loynanaa leibaak ngaakpa amadi luchingba kayaa loisinkhre.
Babylonna phangba awaapham
24 Eesor-na taakpiri: makhoyna Zionda toukhiba phattaba thabaksingdu yengduna nakhoygi namit mamaangda babel amadi Chaldeansingbu matik thokpa dandi pigani.
25 He manghan taknabagi masak oiraba loibi ching, nahaakki mayokta eihaak leiri. Masimak Eesor-na taakpiri. Manghanbiba ngambani mahaakti maalemsi loynaba. Tingthokkani eigi ekhutsi maalemsigi mathakta. Chekkhaaiba maphamdudagi nakhoybu en-thabigani, oihan-gani nakhoybu khambi meina chaaklaba loibi chingdu.
26 Nahaakki lamsidagi yumgi kachinda haapnaba nung amaa phaaoba leiraroi, yumphamda haapnaba nungsu phangloi. Eesor-na taakpiri oigani nahaak tumna manglaba mapham.
27 Malemsida urong amaa yungkhatlu, Jaatsinggi marakta pere khongu, Jaatsingdu mahaakki mayokta laan houraknaba sem sabiyu, mahaakki mayokta leinnaba leibaaksingdu koukhatlu. Ararat, Minni, amadi Askenaznachingbasingdu koukhattuna mahaakki mayokta lepnaba luchingba amaa khandok-u, sanggu pairiba koujenggi matougumna thokhallu sagolgi makhol.
28 Mahaakki mayokta laandaraknaba Jaatsing sem saro, thouraanglo Mediagi ningthou-singa loynanaa leibaak ngaakpa amadi makhoygi makhaada leibasingdu makhoygi makhaada leiriba lam khudingdusu thouraang touhallu.
29 Leibaksi maasi taabada thak thak nikle adugaa awaaba meichaak khanglani, maramdi Eesor-na Babylon-gi mathakta touge haayna ningkhibadu lengdana leiri, oihangadouri Eesor-na Babylon-gi lamdubu leikangla, maphamduda kanaagumba taaibang mi amaa phaaoba leihalloi.
30 Babylon-gi laanmisingdu laan toudre, makhoyna laanbanda tuminna leiri, makhoygi mapaanggal leitre, makhoy nupi-singgi matougumle, mahaakki yumsingdu khambi mei chakle, masigi pouronsingdu ngamnamak tekhre.
31 Lamjen chelliba kanaana atoppa lamjel chelliba amabu phangna-naba lakli, paao puba nupaa amanaa atoppa paao puba amabu unnaba laknari, makhoyna Babylon-gi ningthouda mahaakki sahardu loi chenbikhre haayba takli.
32 Laanbansingdusu laksinkhre, laanbansingdu mei chakkhre, laanmisingdusu awaabada taare,
33 Israelgi Eesor nongthak nongkha anigi Eesor-na asumna taakpiri: Babylon-gi mamomloising, lou yeiphamgi matougumle, maasibu Netpiba matamda. adubu matam khara leiraga masigi lourok thadu laakkani.
34 Babylon-gi ningthu Nebuchadnezzarna eibu ot-neibire, mahaakna eibu khongnetnabire, mahaakna eibu mirang thuraba paatra amagi matougumhalle, mahaakna eibu hingchaba amagi matougumna yotsinbikhre. khoubum thanna umsilli eigi haoraba sadongdu chiktuna. Mahaakna eibu loisinbikhre
35 eigi ethakta amadi eigi mari matagi mathakta toukhiba phattaba-singdu Babylon-gi mathakta taaba oisanu, Zionda leiribasingduna asumna haisanu, “eigi eedu Chaldeansinggi mathakta taaba oisanu." Jerusalemna masimak haisanu.
Eesor-na Israelbu tengbangba
36 maramsina Eesor-na taakpiri: yeng-u eina nahaakki naramda pukhatkani waaphamdu, singbigani laman nahaakkidamak eina. Masigi mapaanda leiriba samudradu knghn-gani eina, leikang oihan-gani masigi eephutsingdu.
37 Matamduda Babylon leikangla oiraba mapei amaa oiragani, masigi manungda lamhuina makon sagani, mi kanaasu tadaba maphamduda ema laoba amadi sor phuina honbana than-gani.
38 Makhoyna nongsagi matougumna ngaanggani, nongsa amomna pokpaa machaasingumna ngaanggani,
39 Makhoy eethak erangda leiringeida eina makhoygi damak mela amaa tougani maaduda makhoybu yu pithaktuna aangaaobagi matougumhn-gani, tumhnkhigani makhoy hougatpa leitaana, yakaihalloi makhoy amuk hanna, taakpiri asumna Eesor-na.
40 Hatnapungda pusallaba yaogi matougumna makhoybu pusingani, makhoy matamduda yaao amadi haameng labagi matougum oigani,
Babylon-gi aroiba
41 Babylon turabada maalemsina mahaakpu thaagatlambadu mangkhre. Matou karamna Babylon Jaatsinggi marakta oirakliba akibagi masak phanglaba maongdu.
42 Samudrana Babylonda kupsillakle, kupsinkhre maasi mapaan naaidraba ethakna.
43 Masigi saharsingdu akibagi masak oire, oire leikangla amadi sikanglaba lamdu, taaibang kanaanasu chatloi.
44 Babylonda Belbu eina dandi pigani, mahaakna yotkhiba pottu louthokkani makhnaodagi, Jaatsingna maangonda changbiroi, Babylon-gi chekpandu ture.
45 Mahaakki manaaktagi thaapna chat-thoklo eigi misa, mi khudingmak maagi maagi punsi kaannaba chenjasanu, kanjasanu Eesor-gi asaaobadudagi.
46 Leibaksigi paaosi taaraga, taaraga paao amaa kumsi adugaa atoppa paao amaa atoppa chahi amada, leibaaksida tamthiba thokkadoure, adugaa ningthou amanaa ningthou amagi mayokta leire taabada. nakhoy thamoida ningba kaiba touganu adugaa thoina kibasu pokkanu,
47 maramsina eina Babylon-gi laai murtisingdugi mathakta dandi pigadaba numit singdu laakle, masigi lamsi thungna ekaai sanggoi nanghn-gani, masigi mapham khudingda taaduna leigani mathwaai manglaba misingna.
48 Matamduda nongmadon maalem, leiriba makhoygi manungda jibaasingna Babylonna tubasi uraga haraaona esei sakkani, maramdi makhoybu manghan-gadouribadu awaang haaram paangbadagi soydana laakkani haayna taakpiri Eesor-na.
49 Israelbu haatkhiba maramna Babylon tumgadabani, taaibangsida leiriba misingsu Babylon-gi maramdagi mathwaai thaagani.
Babylonda leiba Israelgi misingda mapuna piba paaojel
50 Thanggi mayadagi naanthok chaarabasa, tuminna leithokkanu, chenkhro. Lamdam tamlabasu Eesor-bu ningsing-u, Jerusalemgi matiktu napuk-ningda yek-u.
51 Eikhoi ekaaire mina thina ngaangnaba taare. emaay phiruk khumle, maramdi Eesor-gi asengba ningna sangda lamlaanba kayaa laaktuna leirare,
52 Yeng-u, maramsina Eesor-na taakpiri, eina mahaakki laai murtisingdugi mathakta dandi pigadaba matamdu laakle, masigi lam thungna soklabasingduna tengthaaduna leigani.
53 Babylonna nongmadon tamna kakhrabasu, maphamdu phaaoba makhoybu manghannabagidamak mi thaagani eina, masimak Eesor-na taakpiriba waapamni.
54 Babylon-gi thorakliba khonjensi taro, Chaldeansinggi leibaaktagi lakli ahouba makhon amaa mang takpagi maonggi,
55 Eesor-na Babylonbu tumna maanghalle, marai lukthahalle masina haigatlambadu mangak, laao khongduna hourakliba ethakki akanba echelduna.
56 Babylon-gi mathakta laakle manghan-tahangadouriba midu, masigi laanmisingdu phakhre adugaa makhoyna pairamba ten-singdu ngamnamak tekkhre, laman singganba mapu ebungngo Eesor-na makhoygi mathakta matik thokpa dandi pigani.
57 Mahaakki ningthou machaasing amadi asibaa misingdu aangaaobagi matougumhn-gani, mahaakki leibaak ngaakpasing, luchingba-sing amadi laanmisingdu aroiba yahip talhalgani. Hougatpa ngamlaroi. taakpiri asumna koloina nongthak nongkha anigi Eesor kouba ningthourenduna,
58 Nongthak nongkha anigi Eesor-na taakpiri: Babylon-gi paklaba chekpandu leimaayda taahallagani, mahaakki awaangba thonggalsingdu meida tharagani misingna nomjaba pumnamak arembada taaragani, Jaatsingna hourakliba meidu uraga toupham khangloi.
Jeremiahna Babylonda paao thaba
59 Judah-gi ningthou Zedekiahna paanba marisuba chahida ningthou Zedekiahga loynanaa Babylonda chatpa matamda Mahseiahgi machaa-nupaa Neriahna pokpaa Seraiahda waa taakthokpa Jeremiahna haayba waasing: matamduda Seraiahna mayaamgi luchingba oirammi. 50 Jeremiahna Baby-londa thokkadaba phattaba-singdu amaa phaaoba chitthadana laairik amada isillammi. Mathakta pikhribasingsi Babylon-gi matangda mahaakna ekhiba waasingni. 61 Jeremiahna Seraiahda haayrammi, "nahaakna Babylonda laakpa matamda waasingsi loina paaba phangna-naba tanja yeng-u. 62 adugaa matamduda haay-u,
"O Eesor, ebungngona maphamsibu manghanbigani haayna taakpikhre. haaybikhre ebungngona maphamsida karigumba pot mi natraga saa phaaoba leiroi. leibaaksi aroiba oihan-gani taakpikhi. 63 Mahaakna laairiksi paaba loirabada nung amaa yaansillaga Euphrateta thadakho. 64 Matamduda nahaakna haaygadabani, "Matou asigumna Babylon tumna maanggani. Hougatpa leiraroi. maramdi eina mahaakki mathakta khudong thiba kayaa tahangadouri. "Haayriba-singsi Jeremiahgi waasingduni.