1 Samuel 23
Davidna Keilah kouba saahardu kanbiba
1 Mi kharana Davidta haayrammi, "yeng-u, Philistishingna Keilah kouba saahardugi mathakta laandaduna mahei marong loina munduna loubire haayri."
2 Maramsina Davidna Eeshordagi laaibao taajarammi. Mahaakna hangjarammi, "Philistishingga laanthengnanaba eihaak chatpa yagadra?
Eeshorna paaoukhum pikhi, "yaai, makhoybu laakshinduna Keilahbu kanbiyu."
3 Adubu Davidki mishingna haayrammi, "Judahda eikhoyna leiribasida phaaoba kiningai yaamna leiribani. Aduga karigumba Keilah taanna chattuna Philistishinga laanthengnaba taarabadi phattaba thokpa yaai."
4 Maramsina Davidna Eeshorgi laaibao Amukka haanna taajarammi. maasida Eeshorna maangonda haayrammi, "laan changu, Keilah taanna chattuna Philistishingga laanthengnou. Eina makhoybu nahaakki nakhutta pigani."
5 David amadi mahaakka loynariba mishingduna Keilah taanna chattuna Philistishingga laanthengnarammi. Makhoybu maaythiba piduna shaa-san yaamna phangduna purakkhi. Philistishinggi mishing yaamna numittuda haatkhi. Asumna Davidna Keilahda leiba mishingdu kanbikhi.
6 Ahimelekki machaanupa Abiatharna Keilahda leiriba Davidki manaakta chatpa matamda ephod adu puduna chatlammi.
7 Matamsida Saulna David Keilahda leire haayba paao phangkhi. Maramsina Saulna haayrammi, "Eeshorna mahaakpu eigi ekhutta pinabiragani. David chekpanna koishinba aduga thong paanba saahar amagi manungda leirammi."
8 Saulna maramsina laanmishingda Keilah taanna chatlaga keilahgi mathakta laan houduna David amadi mahaakka loynariba mishingdu phaaduna puraknaba haayrammi.
9 Saulna Davidki mayokta phattaba langlou amaa tourakle haayba khangkhi. Maramsina purohit Abiatharna haaykhi, "ephodtu maphamsida purak-u."
10 Maasida Davidna haayrammi, "he Israelgi Eeshor, eigi eramgidamak Saulna Keilah phaaoba laaktuna saaharsibu manghan-tahan-gani haaybasi nanaaina taajare.
11 Keilahki mishingna nanaaibu Saulgi makhutta pithokkadra? nanaaina tajaribasigi matung ennaa Saul maphamsida laakkadra? he Israelgi Eeshor, nanaaina ebungngoda khurumjari nanaaida hiramsi haanna khanghanbiyu."
Masida Eeshorna Davidta asumna paaoukhum pirak-e, “mahaak maphamsida shoydana laakkani."
12 Maasi taabada Davidna haayrammi, " Keilahda leiriba miyaamsina eigaa loynanaa eigi mishingsi Saulgi makhutta pithokkadra?" Eeshorna paaoukhum pirak-e, "makhoyna shoydana nahaakpu mahaakki makhutta pithokkani."
13 Maramsina David amadi mahaakka loynariba mi 600 tuna chatkhi. Makhoyna ngamlibamakhei thaapna chatkhi. Saulna Keilahda laandagi khallambadu David leitre taabada tokkhi.
Davidna chingleibaakta chenba
14 Ziphki chingshaangda leiriba lamhaangda sariba laanbanduda lottuna leikhi. Saulna Davidpu atatpa leitana thikhi adubu Eeshorna mahaakpu Saulgi makhutta taahanbikhide.
15 Saulna hatkadoubadagi thidunata leire haaybasi Davidna khangkhi.
Matamsida David Ziphki lamhaangda leiba Horeski laanbanda leirammi.
16 Saulgi machaanupa Jonathanna Horesta leiriba Davidki manaakta chatlammi. Jonat-hanna Davidpu Eeshorgi ngaakpi senbiba khuttuna matam leibada mahaakpu ngaakpigani haayraduna mapukning thougatlammi.
17 Mahaakna Davidta asumna haayrammi, "kiganu maramdi epa Saulna nahaakpu phangba ngamloi. Israelgi tribeshinggi marakta nahaak ningthou oigadoubani. Nahaakki nakhada eina thabak tougadabani. Eigi epa Saulsu waaphamsi khanglibani.
18 Makhoy anina areppa waashak amaa thamnakhi aduga Davidna Horesta leihouwi amasung Jonathan mayumda hankhi.
19 Ziphta leiba mishingna Saulga Gibeahda leiringeida haayrammi, " JeSimon-gi khaa thangba maaykei, Hakilah chinggi Hores kouba maphamda leiriba laanbanduda David lottuna leire.
20 Eningthou, nanaai eikhoyna thaajei eningthouna Davidpu aphangba maphamda phaaba paammi maramsina nanaai eikhoygi leibaakta ebungngo lengbiraktuna mahaakpu phanaba hotnabiyu. Nanaai eikhoybu ngambamakhei ebungngogi mateng pangjage."
21 Maasi taabada Saulna haayrammi, eigi ephamda waaphamsi khanghanbagidamakta nakhoybu Eeshorna kubiba oisanu.
22 Maramsina chatlo. Chatlaga houjik phaaoba mahaak maphamduda leiri leite haaybasi khanglak-u. Mahaak yaamna louthiba nupaa amani haaybasi eihaak khang-e.
23 Maramsina mahaak lotpa yaaba mapham khuding ningthijana khanglaklaga soiraroi haayba paao amaa eingonda Amukka piraba taay. Nakhoyna laaklaba matamda eina nakhoyga chatkani aduga haayriba lamdamduda mahaak leiba thoklabadi eina eraai laaina mahaakpu phangba ngamgani. Judah thungna mahaakpu thiba taarabasu eihaakna mahaakpu eraai laaina phangba ngamgani."
24 Saul laaktringeida makhoyna Zibh taanna chatkhi. Matamsida David amadi mahaakki mishingduna Mawongi lamhaangda leirammi. Haayriba maphamsi Jehimongi khaa thangba maaykei Arabah chinggi manaakta leibani.
25 Saul amadi mahaakki laanmi shingna Davidpu thiba laaklammi. Waaphamsi Davidna taakhi maramsida mahaakna Mawongi lamhaangduda lottuna leikhi. Maasi taabada Saulna Davidpu Mawongi lamhaangdu taanna chattuna tannakhi.
26 Saul amadi mahaakki laanmina atoppa chingmai amada chatlammi. Aduga David amadi mahaakki mishingna atoppa chingmai amada chatlammi. Saul amadi mahaakki mishingna David amadi mahaakka loynariba mishingbu phannabagidamak koisillaklabada makhoyna khonglei thuna naanthoknaba hotnakhi.
27 Matamsida paao piba nupaa amaa laaklaga Saulda haayrammi, "yaamna thuna hanbiraktaba yaadrabani maramdi Philistishingna eikhoygi leibaakta laandaba laakhoure."
28 Maramsina Saulna Davidki matung enaba toktuna Philistishinga laanthengnaba chatkhi. Thoudok asidagi haayriba chingsi naanthok ching haayna mingthonkhi.
29 Davidna maphamdu thaadoktuna Engedki laanbanda leikhi.