Acts 14
Paulga Barnabasgana Iconiumda chatpa
14 Amasung Iconiumda asum thoklare, makhoy ani changminnaduna Jews-singgi loysangda asumna ngaangthoklabada, Jews-singgisu Greeksinggisu miyaam yaamna thaajare. 2 touegumsung thaajadaba Jews-singna atoppa Jaatsinggi pukning thoudongduna, machin manaaosinggi mathakta phattaba oihalle.
3 maram aduna makhoyna Eesor-gi mapaanna thouna phana ngaangduna maaduda matam kuina leire; makhoygi khutna khudam sing amasung angak angakpa touhahbiduna ebungngo-gi thoujaalgi waapaaoda ebungngona saakhi pibire.
4 touegumsung sahar adugi miyaamna khaaynare; adugaa kharana Jews-singgi amasung kharana paakhon-chatpasinggi michang oire. 5 Amasung makhoygi waayel thoudaabasingga loynanaa atoppa Jaatsingna amasung Jews-singna makhoybu chophannanaba adugaa nungna thaana-naba maraang hourabada,
6 makhoyna maadu khanglaakladuna, Lycaoniagi sahar Lystraga Derbegada amasung akoyba lam lamda chellakle; 7 adugaa maaduda makhoyna aphaba waapaao saandoklammi.
Lystrada leiba amasung Antiochda Hallakpa
8 Amasung Lystrada makhong soiba, mamapuknungdagi makhong teklaba, chapta khak ngamdaba kanaagumba nupaa amaa phamlammi. 9 nupaa asina Paulna haayriba adu taaringeida, Paulna maangonda sangtrik yengduna phahan-binanaba mahaakki thaajaba leiba adu ubada, 10 Khonjen laaona haay, nakhong chumna lepkhatlu. maaduda mahaakna chongkhattuna koychat chatlak-e.
11 Amasung Paulna toukhiba adu miyaam-singna urabada, Lycaoniagi maronna, laaisingna mioibagi masak louduna eikhoyda lengthabirakle haayduna, khonjen waangna laaokhat-lak-e. 12 adugaa makhoyna Barnabasbu Jupiter, amasung Paul buna, mahaakna waa ngaangbagi makok oibagi maramna, Mercurius kouba houre.
13 Amasung Jupitergi laisang sahargi mamaangda leiba adugi Purohitna sanlaabasing amasung leipareng panthongda puraktuna, miyaam-singga loynanaa latkadoure. 14 touegumsung paakhon-chatpasing adu, haaybadi Barnabas amasung Paulna maadu taarabada makhoygi maphi segaayduna miyaamgi marakta chongsinkhiduna laaorak-e,
15 ebungngokhoi, nakhoyna thabaksing asi karigi touribage? eikhoysu nakhoyga hounasa mannaba mi oibani. nakhoyna aremba thabaksing asidagi hingliba Eesor-da ollaaknanaba, aphaba waapaao eikhoyna nakhoyda pubirakpani. ebungngo mahaakna swarga, prithibi, samudra amasung pumnamak asigi manungda leiriba makhei sembire. 16 Houkhi houkhiba mironda ebungngo mahaakna jaat pumnamakpu maning maakha tamna chatnanaba yaabire. 17 Adum oinamakpu ebungngo mahaakki saakhi leitaduna thaamlamde, haaybadi, ebungngo mahaakna aphaba toubiduna atiyaadagi nong amasung mahei marong pannaba makum matha pibire, aduna achaapotka haraaobagana nakhoygi pukning pelhanbire.
18 adugaa asi haayduna makhoyda latkadabadagi miyaam-singbu makhoyna waana khaamjil-le.
19 touegumsung Antioch amasung Iconiumdagi Jews-singna mapham aduda laakle, adugaa makhoyna miyaam-singbu thoujinduna, Paul bu nungna tharaga, mahaak sire haayna ningduna, sahargi mapaanda mahaakpu chingthoklammi. 20 adubu sebok-singna mahaakki akoybada leplingeida, mahaakna hougattuna, saharda changle; adugaa hayenggumba aduda Barnabasga loynanaa Derbe taanna chatkhre.
21 Amasung makhoyna sahar aduda aphaba waapaao saandoktuna ayaamba sebok semlaga, Lystra, Iconium, amasung Antiochda hal-lakle. 22 Mapham khuding asida sebok-singgi pukning chethanbiduna, thaajabada ettattattana leinanaba makhoybu thoujinbiraga, ayaamba awaa-anaangga loynanaa eikhoyna Eesor-gi leibaakta changba taare haayna taakpire. 23 Amasung makhoyna makhoygi damak seenglup khudingda ahal-laman sing khandokpibada, chara henbaga loynanaa haayjabiduna, makhoyna thajaraba Eesor-da makhoybu sinnabire.
24 adugaa makhoyna Pisidian phaaoraktuna Pamphyliada laakle. 25 Amasung Pergada makhoyna waapaao haairamlaga, Attaliyada kumthare. 26 adudagi makhoyna loirakpa thabak adugi damak Eesor-gi thoujanda makhoybu sinnakhiba mapham, Antioch taanna hi tonglakle.
27 Amasung makhoyna thunglabada seenglup khomjinduna, Eesor-na makhoyga loynanaa toubikhiba thabak pumnamak amasung atoppa Jaatsingda ebungngo mahaakna thaajabagi thong haangbire haayba makhoyna makhoyda libirammi. 28 adugaa makhoyna sebok singga loynanaa matam kuina leiminnarammi.