James 4

Michang naaina yeinasunabagi phattaba

1 Kadaaydagi laal makhei amasung kadaaydagi yeinasunaba makhei nakhoygi narakta thokpano? asidagi nattra, haaybadi, nakhoygi hakchaanggi kaayat marakta laan shoknariba nakhoygi haraaokummeidagi nattra?

2 Nakhoyna yaamna paammi, aduga nakhoygi leite; nakhoyna mi hatli, amasung kallak-e, aduga phangba ngamde; nakhoyna yeinasunei amasung laan shoknei. Nakhoygi leite, maramdi nakhoyna niyaade.

3 Nakhoyna nijei, aduga phangde, maramdi nakhoyna nakhoygi haraao kummeida manghannanaba laanna nijabani. 

4 Nakhoy nupaa laannabisa, taaibang-paangi marup oiba aduna Eeshorga yeknabani haayba nakhoyna khangdraa? maram aduna kanaagumbana taaibang-paangi marup oininglabadi, mahaak mashaamakpu Eeshorgi yeknaba oihalli.

5 Nattraga, ebungngo mahaakna eikhoygi nungda palhanba thawaay aduna khambanba phaaoba khouraangna paammi, shaastrana haayba asi arembani nakhoyna ningbra?

6 Adubu ebungngo mahaakna thoujaan henna pibi. Maram adugi damak shaastrana haay, Eeshorna chaao-thokpa shingbu thing-e, adubu nollukpashingda thoujaal pibi. 

7 Maram aduna Eeshorgi makha pollu; adubu diyaabolga maioknou, aduga mahaakna nakhoydagi chen-gani.

8 Eeshorda naksillu aduga ebungngo mahaakna nakhoyda naksinbigani. Nakhoy paap chenbasa, nakhoygi nakhut shenghallu; aduga, pukning anirongbasa, nakhoygi pukning shenghallu,

9 Awaanungshiba oiyu, tengthaao amasung kap-u. Nakhoygi nokpa adu tengthaabada amasung nakhoygi haraaoba adu waabana shukthabada onsanu.

10 Nakhoy nashaana Eeshorgi mityengda nolluk-u, aduga Ebungngona nakhoybu chaaohanbigani. 

11 Echin-enaaosha, amanaa amagi mathakta ngnagganu. Machin mango amagi mathakta ngaangba nattraga machin manaaobu waayenba mahaak aduna waayel yaathanggi mathakta ngaangbani, amasung waayel yaathangbu waayenbani; touegumsung nahaakna waayel yaathangbu waayenlabadi, nahaakna waayel yaathang ngaakpa mi natte, adubu waayenba mini.

12 Kanbiba amasung maanghanba ngamba, waayel yaathang pibiba amasung waayenbiba ebungngo amatani. Adubu nahaakkikeiroy leikaaibu waayenba nahaakti kanaano?

Eenaakkhunba shinggi chaaojaningbagi mathakta ngaangba

13 Ngasi nattraga hayeng eikhoyna saahar asida chatlaga, maduda chahi amaa lenduna lallollaga, sendong tan-gani haayba nakhoysa, houjik laak-u,

14 Hayeng kari oigani nakhoyna khangde. Nakhoygi punsi karino? maramdi nakhoygi matam khara phaaoba ubaa aduga matungda maangkhiba maninni.

15 Adugi mahutta, Eeshorna ningbirabadi eikhoyna hingduna maasi nattraga madu tougani haayduna nakhoyna haaygadabani.

16 Adubu houjikti nakhoyna nakhoygi napal toubana chaaothok-e. Asigumba chaaothokpa pumnamak phattabani.

17 Maram aduna aphaba touba khangba amasung madu toudaba mahaak aduda maasi paapni.