2 Samuel 16

David amadi Ziba

16 Davidna chingdondagi khara hendorakpa matamda Mephibosethki manaai Zibana lolaa ani saban hapladuna tal 200, kismis chaarong 100, kalen thaada paanba uhei adugaa yu kharung amaa puduna laaklammi. 2 ningthou Davidna maangonda hanglammi. "Nahaakna pumnamaksi karigidamak puraklibano?"

         Zibana khumlammi, "lolasingsina eningthougi emunggi misingna tongnnabani, tal amadi uheisingsi ebungngo-ga loinabiriba misingsina chaananabani. Yusisu makhoyna thaaknaba pujarakpani. maasi makhoyna lamjaao lamhaangsida asum chatlakpada chokthaaraba matamda thakpa amadi chaaba yaai."

         3 ningthouna maangonda hanglammi, "nahaakki nabungo-ngogemasunupadudi kadaayda leiri?"

         Zibana haayrammi, "houjikmakti mahaak Jerusalemda leiri. Israelda leiriba misingna saulgi lam oirambasingdu mahaakki makhaada leinanaba thouraang touraba yaai haayna mahaakki thaajaba lei."

         4 Ninghouna Zibada haayrammi, "Mephibosethkini haayna leiriba pot khudingmak nahaakkini." Zibana haayrammi, "ebungngo-gi nanaaini. Matam leibada ebungngona nanaaibu penbiba oisanu."

David amadi Simei

         5 ningthou Davidna Bahurim youba matamda Geragi machaa-nupaa Saulga saagei thoknaba Simei kouba amaa thoraktuna ningthoubu saap tourammi. 6 Davidki misingna amadi thongakpasingduna ningthoubu ekoy koisillabasu mahaakna Davidta nung langsillammi. 7 Simeina saap touraduna haayrak-e, "chat-thokkhro, chat-thokkhro, mihatpa nasak yengningde." 8 Nahaakna saulgi leibaak munkhi amasung nahaakna leibaaktu munba matamda saulgi emunggi mi kayaamarum haatkhi. maramsina Eesor-na nahaakpu waarak cheirak piribani. he mihatpa, nahaak tumna maangledo adugaa Eesor-na nachaa-nupaa Absalomgi khutta leibaaktu pithokledo."

         9 mamaagi maming Zeruiah koubiduna pokpaa Abisaina ningthouda haayrammi. "Iningthou, huidagisu henna tollaba nupaa asina eningthoubu karigi cheigadouribano? nanaaibu yaathang pinabiyu. Mikup amagi manungda nanaai masaga mangakka khaaidokchage." 10 ningthouna maasi taabada haayrammi, "Zeruiahgi machaa-nupaa, nahaakki naphamda eina kari paaomensige? Eesor-na maangonda Davidpu saap tou haayna karigumba yaathang piramlabadi kanaana khngba ngamgani. adugaa adu oirabadi maangonda karigino hanglubada kari kannagani?" 11 Davidna Abisai amadi manaaisingda haayrammi, "yeng-u, eina pokpaa echaa  phaaobana eibu haatke haayna tannari adu oirabadi Benjamin saageigi nupaa asina kayaa henna touba yabage? mahaak eibu saap touba yaai maramdi mahaakna saap touribasi Eesor-na ensinbiba oiramgani. 12 Eina waaribasi Eesor-na khangbiduna saap touribasigi maheidu aphaba oirakpasu yaai." 13 asumna David amadi mahaakki misingna laambelgi nakanda chatlingeida Simeina chinggi nakanda chatlaga Davidpu saap touna touna nung thajillammi. adugaa uphulsu chaisinlammi. 14 Jordan youba matamda ningthou amadi mahaakka loynariba misingdu yaamna choktharammi maramsina makhoy maphamduda matam khara pottharammi.

         15 Matamsida Absalom amadi mahaakka loynariba misingna Jerusalemda thunglammi. Masida Israelda leiba misingsu yaokhi. Ahithophel mahaakka loynanaa laaklammi. 16 Davidki marup Arkiteki Husaayna Absalomgi manaakta changsillaaktuna haayrammi. "Iningthou punsi tolloiba oisanu. eningthou punsiba oisanu."

         17 Absalomna Husaida haayrammi, “nahaak yaamna lunaa toujaba nahaakki narup Davidki maphamda chatkadouba lamchattu asira? Nahaakki naruptuga chattriba karigino?"

         18 Husaayna Absalomda haayrammi, "natte, eningthou, nanaaidi Eesor, miyaamna amadi Israelgi misingna khandoklaba ningthoudugi manaai oinaa leijagani. maramsina nanaaidi ebungngo-gi seba toujage. 19 adugi mathakta eigi eningthou oiramba ebungngoduna pokpaa ebungngo nahaakki seba toudana kanaagi seba tourugadoubage? nanaai eina napaa ebungngo-gi seba toujakhiba adugumna ngasidi ebungngo-gi sebadu nanaaina toujagani."

         20 Masigi matungda Absalomna Ahithophelda onsinduna haayrammi, "maphamsi youraklabanina houjik eikhoy kari tousige haairo tasi."

         21 Ahithophelna haayrammi, "napaana konung sangnnaba thamlamba nupi atonbisingsiga phidinnou. maasi paangthoklaba matungda Israelda leiriba misingna mahaaksi mapaagi yeknabani haayna lougani. maasi tourabadi nahaakki tungillibasingnasu Mathawaaida akibaa leiraroi." 22 Matou asumna Absalomgidamak konunggi yumthaktuda sang amaa khallammi, miyaamgi mamaangda Absalomna mapaagi nupi atonbisinga phidinnakhi.

         23 Matamduda Ahithophelna piba paaoutaak pumbaa Eesor makna ngangthorakpa waaheigumna lounarammi. maasi David amadi Absalom animakna ellammi.