1 Chronicles 17
Nathanna Davidta thaarakpa paao
(2 Sam 7:1-17)
17 Matam khara David konungda leirammi. Matamsida mahaakna maichou Nathan koubaduda mi thaaduna haayhallammi,
"Deodarna saaba konungda eihaak leire adubu Eesor-gi phambaaldudi khaangpok amada thamli."
2 Nathanna Davidta asumna paaoukhum-lakkhi, "nahaakki waakhanda masina chum-gani haaybadu khanduna tou maramdi Eesor-na nahaakka loinabiri."
3 adubu haayriba ahingsida Eesor-na Nathanda haayrammi, 4 " Eigi enaai Davidki maphamda chatlaga haiyu: Eesor-na asumna taakpiri: Eina leinanaba yum saganu 5 Eina Israelbu lamjingbirakpa numittudagi ngasi phaaobada ningna sang amagi manungda eihaak leiraktri. Nagasi phaaobada eina khaangpok amadagi atoppa khaangpok amada adugaa mapham amadagi atoppa mapham amada leiduna laaklibani. 6 Israelgi misingga Eina loinaduna laakpa numittudagi ngasi phaaobada Eina khandok-khraba luchingba-singnachingbada Deodarna saaba ningna sangda leige haayna eina keidoungeidasu haaykhidri."
7 "maramsina eigi enaai Davidta asumna haiyu: Nongthak nongkha anigi Mapu Oiriba Eesor eina asumna haairi: Loubukta san senduna leirambadagi nahaakpu puraktuna eigi misinggi mathakta ningthou oinanaba thouraangkhibani. 8 Nahaakna chatpa mapham khudingda eihaak chatkhi. Nahaakki mayokta leiba yeknaba-singdu eina loisinbikhi. Taaibang-paansida leiriba maming chatpa misinggi marakta nahaaksu amaa oihan-gani. 9 eigi mi oiriba Israelgidamak leipham leibaak amaa pigani haaykhi. Adugumba maphamduda makhoy masa masaagi mayum saaduna leigani. Kanaagumba Jaatsingna makhoybu otpi neibiba touroi. Mamaangda toukhibagumna makhoybu tamthiraba misingna neikhibadu neihalloi. 10 eigi mi Israelgi mathakta waayelnnaba haayduna waayelba-sing khankhiba numittudagi ngasi phaaobada makhoygi yeknaba-singdu namthabigani. Asigisu mathakta eina haaykhre: Eesor-na nahaakkidamak konung amaa saabigani taakpikhi. 11 taaibang chinjaak loiduna amaang yathong kumlaba matungda nahaakki chaaron-surondudagi ningthou oinanaba mi khandokkani. Nahaakna pokpaa nachaasinggi maraktagi amabu khandoktuna ningthou oihan-gani. 12 Adugumba nachaaduna eigi ningna sang amaa sagani adugaa mahaakki phambaaldusu chetna semgatkani. 13 eihaak adugumba nachadugi mapaa oinaa leigani adugaa mahaak eigi echaa oigani. mahaakki mamaangda pallamba ningthou-singda chetna channa nungsibadu pibikhide adubu mahaakki maphamdadi asigumna touraroi. 14 mahaak eigi ningna sangda amadi pigadouriba lamduda leitaana palhan-gani. mahaakki phambaalduna eina matik magun chaaohn-gani."
15 Eesor-na taakpikhiba matung ennaa nathanna Davidta waaphamsi amatta chitthaba leitaana tamkhi.
Davidna thaagat-charaduna haayjarakpa
(2 Sam 7:18-20)
16 Masigi matungda ningthou Davidna Eesor-na ngaanthoyduna leibiriba khaangpoktuda chatladuna pham-tharammi adugaa haayjarak-e, "he Eesor, nanaai amadi nanaaigi emungda leiriba misingsi ebungngo-gi mityengda matik chaaba amatta natte. adubu ebungngona mapaan naaidana thoujan utpire. 17 ebungngona hainingnagi leitaana nanaaibu thoujanbire maramdi tungda laakkadouba mironda kari oirakkani haaybadugi maramda ebungngona nanaaida utpire. nanaaibu ebungngona mithoi mihellaba amagumna channa toubiri. 18 nanaainahaaijaribasidagi kari henna phongdokchakhigani. ebungngona nanaaibu henna khangbiribani. nanaai oiriba eibu ebungngona thoujanbiri. 19 Tungda nanaaina oirakkadouba amadi houjikmak thoujan utpiriba pumnamaksi ebungngo-gi chanbibadugi mapaannani. 20 Eesor, ebungngo-ga mannaba kanaasu leite. nanaai eikhoyna ebungngotabu Eesor-duni haaybasi khang-jakhrabani. 21 maalemsida Israelbu ebungngona kanbikhibadugumna kanbikhiba jaat amaa leitrabani. ebungngo-gi mising oinanabagidamak kanbikhibani makhoybu. Makhoygi maramgidamak angakpa amadi achouba thabak kayaa toukhibaduna maalemsi sinbaa thungna ebungngo-gi minglendu saandokkhrabani. Egypttagi ebungngo-gi misingsibu kanbiduna makhoyna chatluba maphamsingda leiramba misingdu ebungngona taanthok-pikhi. 22 Matam leiba khibikki oinaa ebungngona Israelbu ebungngo-gi mi oinanaba sembikhrabani. adugaa ebungngosu makhoygi mapuroi oirabani.
23 "houjikti maramsina he Eesor, nanaaigi amadi nanaaigi emungda oirakkadoubadu taakpikhiba matung ennaa thok-hanbiyu. 24 ebungngo-gi minglendu loiba naaidana lengdana leigani adugaa misingna minglendubu sonnagani. makhoyna haaygani: Nongthak nongkha anigi Mapu Oiriba ebungngodu Israelgi mapuroini. ebungngona nanaaigi chaaron-surondu matam leibada ngaksenbigani. 25 he epuroi, nanaaina waaphamsi palladuna ebungngo-gi khuyaakhaada khurumjari maramdi nanaaigi chaaron-surondu ningthou oinaa sembigani haaybasi ephong phongna ebungngona taakpikhi. 26 he Eesor, ebungngodi epuroiduni. ebungngona asigumba mapaan naaidraba waasaksi ngasi pinabire. 27 nanaaigi chaaron-suronduda ebungngona bor pinabiyu maramdi bor pibirabadata makhoyna ebungngo-gi thoujandu phanggani. he Eesor, ebungngona makhoybu kubirabadi matam leibada makhoy ebungngo-gi thoujandu phangba ngamgani."