Psalm 71
Ahan oiraba nupa amana haijaba
71 He Ishor, nanaina Ibungogi naphamda thupchanaba changjarakli, keidoungeidasu nanaibu maithiba pibiganu.
2 Ibungodi achumbadu oiba maramna nanaibu tengbangbiyu aduga ngakpiyu, nanaina haijaba tabiyu aduga kanbiyu.
3 Oibiyu Ibungona lengdaba thupchapham, aduga oibiyu nanaibu kanbinaba lanbandu. Ibungodi nanaigi changjaphamni aduga ngakpiriba Mapuduni.
4 He ipuroi, phattabasinggi khuttagi nanaibu kanbiyu,
ngakpiyu nanaibu phattaba amadi tamthiba mishinggi makhuttagi.
5 He Ishor, Ibungoda nanaigi wakhal pumnamak leijari,
nanaina angang oiringeidagi Ibungoda thajaduna lakcharibani.
6 Ipunsi chuppa Ibungoda thajaduna lakcharibani. Nanaina pokpa numittudagi houraduna ngasi phaoba kanbirakli.
Maramsina nanaina Ibungobu matam leibada thagatchagani.
7 Ibungona nanaibu ngakpiduna lakpa maramna nanaigi punsisi mi kayagi tamjaningngai oiduna laklibani.
8 Numit chuppa nanaina Ibungobu thagatchei amasung Ibungogi natik nagundu sonjei.
9 Nanaina ahan matam oiraklabasida thadokpiganu, lousing mangsillaklaba matamda nanaibu hundokpiganu.
10 Nanaigi yeknabasingdu nanaibu hatningi, makhoina eigi mayokta thourangi.
11 Makhoina hairi, "Mapu Ibungona mahakpu hundokpire,
mahakpu kanbinaba kanasu leitre.
12 He ipuroi, lamdam tamna leithokpiganu,
he ipuroi, nanaibu tengbangbinaba thuna lakpiro.
13 Eibu laksinnaba hotnaribasingdu, maithiba pibiyu aduga tumna manghanbiyu.
14 Eibu khudongthibada tanaba sillibasingdusu, ikaibana mamai phiruk khumba oihanbiyu.
15 Nanaina khangbada warabasu, Ibungogi aran khubham amadi matik mayaidu nungti numit khudinggi sonjaduna leijage.
16 Taibang malem anigi Mapu Ishor, nanaina Ibungogi panggalbu thaduna thagatchage, Ibungogi natik nayaiduta thagattuna matam lenjage.
17 Nanaina naha oiringeidagi Ibungona takpiduna takpiduna laklabani, maramsina nanaina houjiksu Ibungona toukhiba angakpasingdu phongdokli.
18 Houjikti nanai ahan matam oirakladuna ipok houre, he ipuroi, nanaibu hundokpiganu. Nanaina Ibungogi natik nayai thagatcharingeida Ibungona nanaiga loinabiyu. Masi lakkadouba miron khudingna khanbnnabani.
19 He Mapu Ibungo, Ibungogi nagundu nongmadon youbani, Ibungona mapan naidraba thabak kaya toubikhre. Ibungoga mannaba kanasu leite.
20 Ibungona nanaida awa-ana kaya tahalli, adubu Ibungona nanaigi panggal happigani, amasung nanaibu asithendagi chingkhatpigani.
21 Ibungona nanaibu hannagi phibham adugumna amuk nouhounana panggal happigani.
22 Penagi khonjelga loinana Ibungobu nanaina thagatchagani, he ipuroi, Ibungogi lengdaba gundubu thagatchagani. Israelgi amatta ngairaba asengba Mapu, pena khongduna Ibungogi khuyakhada ishei sakchagani.
23 Ibungona nanaibu ngakpiba maramna, penagi khonjelga loinana haraona ishei sakchage, nanaigi thawai hakchang animak yaona sakchage.
24 Eibu mangnanaba hotnaramba mishingdu Ibungona maithiba piduna ikai nanghanbikhiba maramna matam leibada Ibungogi natik nagun thaduna nanaina leijage.