Mark 11
Jesusna Jerusalemda lolaa tongduna laakpa amasung Ningnashang shengdokpa
( Matthew 21.1-11; Luke 19.28-40; John 12.12-19 )
1 Amasung makhoyna Jerusalem naksillakpa matamda, haaybadi, Mount of Olives chingda taaba Bethphage amasung Bethanyda, Ebungngona sebok anida asi haayduna thaay,
2 Nakhoygi namamgda leiriba khul aduda chatlu, amasung nakhoyna maduda hek changbada, kanaa amatana tongdriba lolaa machaa amaa punduna leiramba phanglugani; madu thoktuna purak-u.
3 Aduga nakhoyna lolaa asi karigidamak puthokke touribano haayduna nakhoyda kanaagumbana hanglabadi, Eeshorgidamak aduna maasibu kaannaba lei, amasung Ebungngona amuk asida madu hek thillakkani haayna nakhoyna haayyu.
4 Maduda makhoyna chatkhiduna, thonggan manaak lambida punduna leiramba lolaa machaa amaa phangle; amasung makhoyna madu thokle.
5 Aduga maduda leplam-liba kharana makhoyda haayrak-e, nakhoyna lolaa machaa adu kari tounaba thoklibano?
6 Maduda Jesusna haaykhiba gumna makhoyda haayrabada, makhoyna makhoybu thaadokpire. 7 Aduga makhoyna lolaa machaa adu Jesusgi maphamda puraktuna, mathakta makhoygi phi thaare haayraga; Ebungngona mathakta tongle.
8 Amasung ayaambana makhoygi phi aduga ateishingna loubuktagi usa-waasa yaanduna lambida thaare.
9 Amasung ebungngogi mang thabashingga tung enbashinggana laaona haayrak-e, Hosanna! Eeshorgi mingda lengbirakliba ebungngo adu yaaiphabani!
10 Eikhoygi epa David ningthougi laakliba leibaak adu yaaiphabani! Hosanna Khwaaidagi henna waangbada!
11 Amasung Ebungngona Jerusalemda Ningnashang manungda lengshinduna, pumnamak ekoy koyna yengle haayraga, houjik matam thenglabada taraanithoiga loynanaa Bethanyda chatkhre.
12 Amasung mathanggi numitta makhoyna Bethanydagi chatthokpada, ebungngo chaak laamlammi.
13 Aduga mana yaaoba heiyit paambi amaa athaappadagi uduna, Ebungngona maduda karigumba mahei phangba yaai haayduna laakle. Amasung Ebungngona madu taanna laaklabada, manaa nattana karisu phangde; maramdi heiyit paanba matam oiramde.
14 Maduda Ebungngona heiyit paambi aduda haaykhi, kanaanasu nangondagi matam asidagi houna matam pumnamakta mahei chadasanu. Amasung ebungngogi sebokshingna madu taare.
15 Amasung makhoyna Jerusalemda laaklaga, Ebungngona Ningnashangda lengshinduna shang manung aduda leiriyolliba makhoybu taanthokpa houre, amasung shel kaaybashinggi, tablesu, khunu yonbashinggi phamphamsu mathak makha onthokle;
16 Aduga Ningnashang manungdagi kanaagumbana pot puba Ebungngona yabide.
17 Amasung Ebungngona tambiduna haaykhi, eigi sangbu jaat pumnamakkidamak haayjanaba shang kougani; haayduna maasi ekhiba nattra? Touiumbasung nakhoyna madu daakushinggi makon oihalli.
18 Madu athoiba purohit shingga shaastragi ojaashinggana taare, amasung makhoyna ebungngobu karamna maanghansige haayna thirammi; maramdi makhoyna ebungngobu kirammi, maramdi miyaam pumnamakna ebungngogi tambibada ngaklammi.
19 Amasung numidaang khudingda Ebungngona saahardagi chatthoklammi.
Thaajabagi paanggal
20 Amasung makhoyna ayukta asum laakpada, heiyit paambi adu mara phaaoba kangsinkhiba ure.
21 Aduga Peterna ningshinglaaktuna ebungngoda haay, Rabbi, yengbiyu, Ebungngona siraap toukhiba heiyit paambi adu kangsinkhre.
22 Maduda Jesusna makhoyda khumlak-e, Eeshorda thaajou.
23 Eina nakhoyda thaanggei shengna haayribani, kanaagumbana chingjaao asida, nang phuktuna samudrada thadajou, haayragadi, amasung mahaakki pukningda chingnaba leitragadi, touegumsung mahaakna haayba adu thok-e haayba thajaragadi, madu maangonda oirakkani.
24 Maram asina eina nakhoyda haayribani, nakhoyna haayjaduna nijaba pot pumnamak adu nakhoyna phangle haayna thaajou, amasung nakhoyda madu oirakkani.
25 Aduga nakhoyna haayjanaba lepkhatpa matamda, nakhoygi swargada leiba napaanasu nakhoygi ayol-araan kokpinanaba, kanaagumbagi mathakta nakhoygi karigumba nungaaitaba leirabadi, nakhoyna kokpiyyu.
26 Touegumsung nakhoyna kokpidrabadi, nakhoygi swargada leiba napaanasu nakhoygi ayol-araan kokpiroi.
Jesusgi matikki maramda waahang
( Matthew 21.23-27; Luke 20.1-8 )
27 Amasung makhoyna Jerusalemda amuk laak-e; aduga Ebungngona Ningnashang manungda koychat chatlingeida athoiba purohit shing, shaastragi ojaashing amasung ahallaman-shingna ebungngogi maphamda laaktuna,
28 Ebungngoda haayrei, nangna natik kari leiduna hiram shing asi touribano? Amasung kanaana natik asi nangonda pibibage?
29 Maduda Jesusna makhoyda haay, eina nakhoyda waahang amaa hangge; madu eingonda khumbiyu, aduga eina hiram shing asi kari etik leiduna toubage haayba adu eina nakhoyda taakke.
30 Johnna buptized touramba adu swargadagira, nattraga mishingdagira? Eingonda khumbiyu.
31 Amasung makhoy masen khannarammi, eikhoyna swargadagini haayragadi, manaa haaygani, adu oirabadi nakhoyna maabu karigi thaajadabage?
32 Adubu eikhoyna mishingdagini haaysira? makhoyna mishingbu kirammi, maramdi pumnamakna Johnbu aoibamk Eeshorgi waa taakthokpa amani haayna yaanarammi. Amasung makhoyna Jesusda khumlak-e, eikhoy khangde.
33 Maduda Jesusna makhoyda haay, kari etik leiduna eina hiram shing asi toubage haayba adu einasu nakhoyda haayroi.