2 Kings 16
Judahgi ningthou Ahaz
(2 Miron 28:1-27)
1 Remaliahgi machaanupa Pekahna paanba taretshuba chahida Jothamgi machaanupa Ahazna Judahgi ningthou oinaa paanba houkhi.
2 Ahazna Judahgi ningthou oinaa phambaal tongba maramda chahi kun shurammi. Mahaak Jerusalemda chahi tarataruk ningthou oinaa paankhi. Mahaaksu Eeshorgi mityengda aphaba thabak amatta touramde. Mahaakki mabudhou Davidki lamchat louramde.
3 Israelgi ningthoushingna toukhiba phattaba thabakshingdu amatta kaidana enkhi. Israelgi mishinggi mamaangda tukkachaba lamchat chatli haayduna taanthokpikhiba mishinggi matougumna mahaakna pokpaa machaa phaaoba thou toukhi.
4 Mahaakna laimang ningphamshingda thou tourammi. Haayriba matousi mahaakna manaa pungba upaan khudinggi makhaada paangthokkhi.
5 Matamsida Syriagi ningthou Rezin amadi Remaliahgi machaanupa Israelgi ningthou Pekahna Jerusalemda laandarammi. Makhoyna Jerusalembu laakshinkhirammi. Aduga Ahazbudi maaythiba piba ngamkhide.
6 (Matamsida Edomgi ningthouna Elath loushinduna Edomda tilhankhi. Elathta leiramba Judahgi mishingdu taanthokkhi. Edomshingna houjik phaaoba haayriba maphamsida leiri.)
7 Assyriagi ningthou Tiglath-Pilesergi maphamda Ahazna mi thaaduna paao asi thahankhi: "nanaidi ebungngogi nanaaini maramsina eigi ethakta laandarakliba Assyriagi amadi Israelgi ningthoushinggi makhuttagi nanaaibu kanbiyu."
8 Ahaz-na laisang amadi langeida leiriba sanaa amadi silvernachingba loina louthoktuna khudon oinaa Assyriagi ningthouda thaarammi.
9 Assyriagi ningthouna mahaakna haayjakhibadu tabikhi maramsina Assyriagi ningthouna Damas-cusgi mathakta laandarakkhi. Haayriba lamsi mahaakna loushin-khi. maasida leiramba mishingdu mahaakna bandi oinaa Kir phaaoba pukhi aduga Rezinbu haatkhi.
10 Ningthou Ahazna Damascusta Assyriagi ningthou Tiglath-Pileserga unaba chatpa matamda Damascusta phaankhong amaa thengnarammi. Ninghou Ahazna purohit Uriahda haayriba phaankhongsigi mawong matou maraak mayung loina amatta khetnadana yektuna thaakhi.
11 Purohit Uriahna ningthou Ahazna Damascustagi thaarakpa mawongdu yengduna phaankhong amaa shaakhi. Ningthou Ahazna Damascustagi thungladringeida haayriba phaankhongsi loikhi.
12 Damascustagi hallakpa matamda ningthouna phaankhongdu yengkhi. Ningthouna phan-khongdugi manaak nakna changshinduna phaankhongdugi mathakta kakhatkhi.
13 Mahaakna haayriba phaankhongsigi mathakta meidu thaaduna thou toukhi. Mahei marong amadi thaaknaba thounachingba paangthokkhi. Haayriba phaankhongsigi mathakta mahaakna lamdaai shumdaaigi ee taahankhi.
14 Pithraaina shaaba phaankhongdu mahaakna Eeshorgi maangdagi louthokkhi. Mahaakna shaaba phaankhongdu awaangthangba Eeshorgi phaankhongdugi maaykeida thamkhi.
15 Ningthou Ahazna purohit Uriahda yaathang amaa tourammi. Mahaakna haayrammi, "matik mayaai leiraba phaankhongsigi mathakta meida thaaduna tougadouba thou, ayuk amadi Numidaang-waairamda ningthouna katpham thokpa thou, makhoyna katchagadouba thou amadi mahei marong aduga thaaknaba thou amadi tahangadouba eenachingba tahangadabani. Thouda katpa shaagi eedu phaankhongduda tahangadabani. Adugu pithraaina shaaba phaankhongsidi Eeshorgi laaibao taaba matamda shijinnaba tongaanna thamgadabani.
16 Ningthou Ahazgi yaathang matung ennaa purohit Uriahna loina paangthokkhi.
17 Ningthou Ahazna thaaoumei makhonggi macheishingdu kakthatlammi. makhongshingdudagi mahaakna louthokkhi. Pukhridu mahaakna nungna shaaba makhongda lephankhi.
18 Potthaaba numitta phaaoduna chatnanaba haayduna shemkhiba konung manungda khajinduna thamliba, aduga maasida ningthouna mapaan thokpada shijinnaba thonggaldu mahaakna louthokkhi.
19 Ahaz nonggaraba matungda mapaa mapushinga loynanaa Davidki saaharduda phumbikhi. Mahaakki mahutta machaanupa Hezekiahna ningthou oiduna paankhi.