Exodus 20
Yathang tara piba
(Wayel 5:1-21)
20 Mapu Ibungona makhada iriba wasingsi makhoida phongdokkhi: 2 Keisumshang oina leiramba Egypttagi nakhoibu pubirakpa nakhoigi Mapu Ibungo Ishor-du Eini.
3 Eigi imangda nakhoina atoppa lai khurumba yade.
4 Nakhoina Leibakna nattraga yotna lai murti saduna ningloidoubani. Nattraga nongmadonda leiriba potsinggi maong manba semduna khurumba yade. Malemsida leiba nattraga laija ironnungda leiba pot nattraga jibasinggi maong manna saraba potsingdu
5 Khurumba nattraga ningba yade. Nakhoigi Mapu Ibungo oiriba Lainingthou Eisi yamna kallak chaoganba Mapuni. Eibu tukkachana touba mishingdugi Mapa handaktagi louraga macha masu miron ahum mari phaoba toukhiba thabaksing kaodaba maramna awaphamdu tahan-gani.
6 Eibu nungsina toujaba aduga Eigi yathang kaidana chatpa mishingdudi Eina Eigi chetna channa nungsibadu matam leibada utpigani.
7 Arembada nakhoigi Mapu Ibungo Ishor-gi minglendu palloidoubani. Maran leiba midu Ishor-gi minglen sonjadunasu maran leite haina louroi.
8 Potthaba numittu sengna ngakna ningsingu.
9 Numit tarukni nakhoina thabak nomgadabani. Nakhoina tougadouba thabaksingdu numit taruknisigi manungda touhougadabani.
10 Adubu taretni suba numitsi nakhoigi Mapu Ibungo Ishor-gi oina potthaba numitni. Hairiba numitsida nakhoi thabak amatta toupharoi. Numitsida nachanupa amadi nupi, minai nupa, sha-shal amadi nakhoigi nayumda Saidangduna leiriba mishingdu thabak nomhanba yade.
11 Numit tarukni chupna Ishor-na nongmadon amadi samudrada leiriba jiba pumnamaksibu sembikhi. Taretni suba numitta Ibungona pothabikhi. Maramsina Ishor-na taretni suba numitsi potthaba numit oihanbata nattana sengsu sengdokpirabani.
12 Nakhoigi Mapu Ibungo Ishor-na nakhoigidamak Taibangsida pinabiba Lamduda punsi nungsangna leinanaba napa amadi namabu ikai khumnou.
13 Nakhoina mi hatpharoi.
14 Nakhoina Mitu lanpharoi
15 Nakhoina huranpharoi.
16 Nakhoina yumlonnabasinggi mathakta nattaba sakhi piroidoubani.
17 Nakhoina yumlonnabasinggi mapot macheida mitareoidabani. Yumlonnabagi nupida mihouroidoubani. Yumlonnabagi minai nattraga minai nupi nattraga shal nattraga lola nattragasu mahakki areiba pot khudingda pukning thingjinlloidoubani.
Israelgi mishingna kiba pokpa
(Wayel 5:22-34)
18 Mishingna khak laoba amadi nongthang kuppadu ubada pere khongbagi makhon aduga chingda karakliba meikhunachingbasingdu urabada yamna kirammi. Maramsina makhoi yamna thapna leplammi. 19 Mishingduna Mosesda hairammi, "nahakna eikhoida haibigadouba wasingdu takpiyu Mapu Ibungona eikhoida maipunanna wa haihanbiganu. Karigumba apannana nganglabadi eikhoi siba yai." 20 Mosesna mishingda hairammi, "nakhoi kiba touganu. Mapu Ibungona nakhoibu chang yengba lenglaklibani. Ibungo mahakpu kina touduna amadi ningjaduna nakhoi pap toudanaba lenglaklibani."
21 Mosesna Mapu Ibungona nganthoibiriba leichin matumdugi manakta nakna changsinba matamda mishingna thapna leptuna leirammi.
Ishor-gi phankhong sabagi pathapa
22 Ishor-na Mosesda hairammi, "Eina nongmadondagi kumtharaktuna nakhoi nasada wa ngangbikhre haibasi nakhoina khangle. 23 Maramsina nakhoina Eigi imangda thamnabagidamak lai murti saroidoubani. Sanagi lai murtinachingbasu nakhoina sapharoi. 24 Leibakna phankhong amatangdi Eigidamak nakhoina saba yai. Masigi mathakta nakhoigi meida thaduna katkadaba thou amadi lamdai sumdaigi thounachingba katlu nakhoina katchagadaba yao nattraga sannachingbadu katpa matamda Eigi Imingsi ningsingnabagidamak semkhiba mapham khudingda Eihak Isamak laktuna nakhoina katcharibadu kubigani. 25 Karigumba nunggi phankhong ama sage ninglabadi khutlai thaba nungna thaba yade. Karigumbada nakhoina khutlai hek thabaga nungdu mangle haina lougadabani. 26 Eigi hankhongsi kaba matamda khudada kaba yaroi maramdi nakhoina masida kaba matamda aronba hakchang kayat iphong phongna uba yai.