Ezra 1

Cyrusna Jews-singbu mareibaakta hankhinaba yaathang piba

1 Persia-gi ningthou Cyrusna paanba ahaanba chahida Eesor-na Jeremiahda phongdokkhiba waadu chumna thoknabagidamak Persia-gi ningthou Cyru-ski mapukningda Eesor-makna ethin amaa pinabiduna leibaak sinbaa thungna paao amaa saandokkhi. paaodudi asini:

 2 "Persia-gi ningthouren Cyruski yaathangni maadudi koirou nongmadonda ngaanthoiriba mapu ebungngo Eesor-na maalemsida leiriba Jerusalemda ebungngo-gi damak ningna sang amaa sannaba eingonda yaathang pinabire. 3 ebungngo mahaakki mini haayna leiriba nakhoy mayaamda khanghanjaningliba waaphamdi asini: Eesor-na matam leibada nakhoyga loinabiba oisanu. nakhoyna Jerusalemda handuna Israelgi mapu ebungngo, Eesor-gi minglendugidamak ningna sang amaa saaba taay. 4 saaidaangduna leiriba kanaagumba misingna matenggi darkar leirabadi yumlonnaba oiribasingduna asumna tougani maadudi makhoyna sanaa, silver, sanganachingba pigadabani. Jerusalemda sagadouriba ningna sangsigidamak khudonpotsu makhoyna katkadabani."

 5 paaosi taabada Judah amadi Benjamin saageigi mising, purohit sing, amadi Eesor-gi thoujan phanglaba mi pumnamakna Jerusalemda Eesor-gi ningna sang sannaba thouraangkhi. 6 Makhoygi yumlonnabasingduna angamba potsing haaptuna makhoybu mateng pangkhi. makhoyna pangkhiba potsingdi: silver-na saaba patrasing, sanaa, cheng-chak, saa, manaa-masing amadi ningna sangda katnanaba thougi potsingni.

 7 Nebuchadnezzargi matamda Jerusalemdagi pukhiba patrasingdu Cyrusna hanbikhi. Patrasingdu makhoygi laaigi laisangda thamlammi. 8 Haayriba patrasingsi Judah-gi leengakpa Sesbazzargi makhutta leire haayba paao piba langei pannariba Mithredathda sinnakhi. 9 Potsingdugi masing: sanaagi khudeng 30, silver-gi khudeng 1,000 thang 29. 10 sanaana saba tengot 30, silver-na saaba achouba tenggot 410, adugaa atoppa paatra 1,000 oirammi. 11 sanaa amadi silver-na saaba paatra ngamnamakna 5,400 oirammi. Sesbazzarga loynanaa Babylondagi Jerusalemda laanphasingna hallakpa matamda patrasingsu purakkhi.