1 Chronicles 11

Davidna Judah amadi Israel animakki ningthou oiba

 (2 Sam 5:1-10)

1 Israelgi mi pumnamak Hebronda tinnaduna Davidki maphamda laaklaga haayrammi, "Eikhoisi nahaakki eeni.

2 Mamaangeida Saulna ningthou oiduna pallingeida nahaakna eikhoybu pubirakkhibani. Israelgi marakta nahaakna eikhoybu tilhanbikhi. Napuroi Eeshorna taakpikhi: eigi mi oiriba Israel kouba jatsibu nahaakna ngakkadabani. Eigi mi oiriba Israelgi ningthoudusu nahaakna oigadoubani.

3 Asumna ningthou David unaba Israelgi luchingbashingna Hebronda laaklammi. Miyaamduga Davidka Eeshorgi mamaangda areppa waashak amaa tounakhi. Eeshorna Samuelda taakpikhiba matung ennaa miyaamna Davidpu thaao noibirammi.

4 David amadi Israelgi mishingna punshinduna Jerusalemda laandalammi. Matamduda Jerusalemsi Jebus kounarammi aduga Jebusishingna ngasi phaaoba maphamduda leiri.

5 Jebusishingna Davidta Jerusalemda changba ngamloi haayna shingnarammi adubu Davidna laan ngamduna makhoygi saahar Zion loushinkhi amasung saaharsibu Davidki saahar haayna thonkhi.

6 Davidna haayrammi " Jebusishingbu ehaan haanna haatpa ngamba nupaadu laanmishinggi luchingba oihan-gani. "Zeruiahna pokpaa Joab kouba nupaaduna chingduna laanjangkhi aduga mahaakna luchingba oikhi.

7 Davidna laanbanda changdun leikhi maramsina maphamdubu Davidki saahar haayna mingthonkhi.

8 Mahaakna saaharsibu amuk haanna shemgatkhi. Chinggi nongpok thangbada leibaak thongatkhiba mapham Adomdagi shaagatpa houkhi. Joabna lonnaba saaharshingdusu loushinkhi.

9 David nongma nongmagi mapaanggal kanba hen-gatlakkhi. Aduga paanggallaba Eeshorna mahaakka matam leibada loinabirammi.

Davidki aphaoba laanmishing

 (2 Sam 23:4-39)

10 Makhaada piriba mishingsi Davidki aphaoba laanmishingni. Israelgi leiriba mishingga loynanaa laanmishingsina Davidpu ningthou oinanaba hotnakhi aduga Eeshorna taakpikhiba matung ennaa makhoyna mahaakki leibaaktu pannanaba tengbangkhi.

11 Hachmogi machaanupa Jasobeamna phamnaaiba ahumgi makok oirammi. Mahaakna ta khakta paayduna mi 300 ga laanthengnakhi amasung laanphamduda haayriba mi 300-si mahaakna haatkhi.

12 Aho shaageigi dodogi machaanupa Eleazarna phamnaaiba ahumsigi manungda mathangda leirammi.

13 Pasdammimgi laanphamda Davidki maaykeida leptuna Philistishingga laan thengnakhi. Israelgi mishingna chenba hounaraklaba matamda phou houba loubuk amada mahaak leptuna leirammi.

14 Mahaakka loynariba mishingduga loubuk mayaaida leptuna Philistishingbu maayoknakhi. Eeshorna tengbangbiduna mahaakna laan-ngamkhi.

15 Adullamgi manaakta leiba shurungduda Davidna leiringeida kunthraagi makok oiriba nupaaduna Davidki manaakta chatlammi. Matamsida Philistishingna Rephaimda laanban shaaduna leirammi.

16 Matamsida David chekpan khagatlaba laanban amada leirammi aduga Philistishingna Bethlehemgida laanban shaaduna leirammi.

17 Davidna mayum ningshinglaakladuna haayrak-e, "Bethlehemgi thonggalda leiriba guhadudagi kanaagumba amaa chattuna eigidamak eeshing khajiktang purakpa ngamlabdi yaamna nungaaigani."

18 Aphaoba ahumduna Philistishinggi laanban phaaoduna chatkhraga guhadudagi eeshing khara Davidki manaakta purakkhi. Adubu mahaakna maasi thakkhide. Thakpagi mahutta Eeshorgi maphamda haayrammi, "masi eina thakpa chumde. Karigumba eina maasi thakpa thoklabadi Mapunsi katthokliba mishingsigi ee thakpaga pankhak oigani." asumna mahaakna eeshingdu thakkhide. Aphaoba thouna leiba ahumgi mathounadu asumna utkhi.

20 Joabki manaaonupa Abisaina aphaoba laanmi 30 na shaaba kaangluptugi makok oirammi. Mahaaksu tana mi 300 khak haatkhi, aduga aphaoba laanmi 30 sigi manungda amaa oiba ngamkhi

21 Aphaoba laanmi 30 dugi marakta mahaakna ehen henna phaaorammi. Adubu mathakta pankhriba ahumdugumna phaaobadi ngamlamde.

22 Kabzeelgi Jehoiadagi machaanupa Benaiah yaamna kanba nupaa amaa oirammi. Mahaak angakpa thabak kayaa touba ngamlammi. Mahaakna Moabki nongshagum kanba mini haayna khangnaraba anikhak haatkhi. Nongma un yaamna taaba numitta guha amadagi nongsha amasu mahaakna haatkhi.

23 Metre ani waangba Egyptki achouba ta paayba akanba amasu mahaakna haatkhi. Egyptki nupaaduna tadu phishaaten-gumna pairammi. Benaiahna chei machaa amaa pairaga mahaakki manaakta changlammi. Egyptki nupaadudagi mahaakna tadu munkhi. Taaduna thinduna nupaadubu haatkhi.

24 Haayriba thabakshingsi touduna Jehoiadagi machaanupa Benaiahna akanba kunthraadagi henna maming chatkhi. Ahumdudagi hennadi maming chatpa ngamkhide. Mahaakpu Davidna shagolnaba phamnaaiba amaa oinaa hapkhi.

 26-27 Makhaada piribashingsi lemhouriba aphaoba laanmishingni: Joabki manaao Asahei, Bethlehemdagi Dodogi machaanupa Elhanan, Harordagi Sammoth, Pelondagi Helez, Tekoadagi Ikkeski machaanupa era, Anathothtagi Abiezer, Husadagi Sibbecai, Ahohdagi Ilai, Netophadagi Baanahgi machaanupa Heled, Benjamingi lamda leiba Gibeahdagi Ribaigi machaanupa ethai, Pirathondagi Benaiah, Gaaski manaakta tampaakta leiba Hurai, Arbahdagi Abiel, Baharumdagi Azmaveth, Saalbondagi Eliahba, Gizondagi Hasem, Harardagi Sagegi machaanupa Jonathan, Harardagi Sacargi machaanupa Ahiam, Urgi machaanupa Eliphai, Mecherahdagi Hepher, Pelondagi Ahijah, Carmeldagi Hezro, Ezbaldagi Naarai, Nathanggi manaaonupa Joel, Haggerigi machaanupa Mibhar, Amondagi Zelek, Berothtagi Joabki khutlai paayba Naharai, ethridagi era amadi Gareb, Hittigi Uriah, Ahlaigi machaanupa Zabad Sizagi machaanupa anida (Reubengi shaageigi aphaoba nupaa amani) mahaak laanmi kunthraamanga loinaduna leirammi) Maachahgi machaanupa ahan Mithanggi Josaphat, Asterahdagi Uzzia, Aroerdagi Hothanggi machaanupa Sama amadi Jehiel, Tizidagi Simrigi machaanupa Jediael, amadi Joha, Mahavdagi Eliel, Elnaamgi machaanupa Jeribai amadi Josviah, Moabdagi ethmah, Mezobahdagi Eliel, Obed amadi Jaasiel.