1 Chronicles 4
Judahgi chaaron-shuronshing
1 Judahgi machaanupashing: Perez, Hez-ron, Karmi, Hur amadi Shobal.
2 Shobalgi machaanupashing: Reaiahna Jahath, Jahaathna Ahumai, amadi Lahad pokkhi. Makhoygi shaageisi Zorath haayna kourammi.
3-4 Calebna louba Ephratahna pokpashinggi manungda Hurna ehan hanbani. Mahaakki machaashingna Bethlehemgi saahar-si: houdokkhibani. Hurgi machaanupa ahum leirammi: Etam, Penuel amadi Ezer. Etamgi machaanupa ahum shurammi: Jezreel, Isma amadi Idbas oirammi. Hazzelelponi koubi machaanupi amasu leirammi. Penuel Gedor kouba saahardu houdokkhi. Aduga Ezerna Husah houdokkhi.
5 Tekoa saaharbu houdokkhiba Asurgi matu ani lollammi. Amagi mamingna Helah amadi atoppadugi mamingna Naarah kourammi.
6 Naarahna machaanupa mari pokkhi. Ahuzzam, Hepher, Temeni, amadi Haahastari
7 Asur amadi Helahna machaanupa ahum pokkhi: Zereth, Jezoar amadi Ethnan.
8 Kozna Anub pok-e. Aduga Zobebahsu mahaakki machaani. Harumgi machaanupa Aharhelgi dhaaraadu makhoysidagi houkhibani.
9 Jabez kouba shaageigi manungda yaamna ekaai-khumnaraba nupaa amaa leirammi. Mahaakki mamaana mahaakki maming Jabez thonkhi maramdi mahaak pokpaa matamda cheinakhon yaamna phaaokhi.
10 Jabezna Israelgi Eeshorda haayrammi, "he Eeshor, nanaaibu kubiyu aduga nanaaida matik chaana lam pinabiyu. Nanaaiga matam leibada loinabiduna phattabana nanaaibu laakshin-gadoubadudagi kanbiyu." Eeshorna mahaakna haayjaribadu thunghanbikhi.
Imung manug ateigi cheitharon pareng
11 Suahgi mayaamba Kelubna Mehir pok-e. Mehirna Eston pokkhi.
12 Estongi machaanupa ahum pokkhi: Beth-Raph, Paseah amadi Tehinnah. Tehinnahna Nahaski saahardu houdokkhi. Makhoygi dhaaraadu Rekahda leirammi.
13 Kenazgi machaanupadi Othniel amadi Seraiah oirammi. Othnielgi machaanupa anidi Hathath amadi Meonothai oirammi.
14 Meonothai Ophrahgi mapaani. Seraiahna Joab pok-e. Joabtagi khutsa heibashinggi tampaak kouba maphamduda leiribashingdu thokkhi. Maphamduda leiriba mishingdu khutsa heiba mishingni.
15 Jepunnehgi machaanupa Calebki machaanupa ahumni: Iru, Elah, amadi Naamni. Elah Kenazgi mapaani.
16 Jehaleleelgi machaanupa marini: Ziph, Ziphah, Tiria amadi Asarel.
17-18 Ezrahgi machaanupa marini:Jether, Mered, Epher amadi Jalon. Meredna Egyptki ningthougi machaanupi Bithiahga luhongkhi. Makhoy anina machaanupi Miriam amadi machaanupa Sammai amadi Isbah pokkhi. Isbahna Estemoagi saahardu houdokkhibani. Meredna Judahgi nupi amasu luhongduna lourammi. Makhoy anina machaanupa ahum amaaga pokkhi: Jered Gedor saaharbu houdokkhi, shoko saaharbu houdokkhiba Heber, amadi Zanoah saahar houdokkhiba Jekuthielna oirammi.
19 Nahamgi machannupidu Hodiahna luhongduna loukhi. Keilah kouba saaharduda leiriba Garmi kouba mishingdu makhoydagi houkhibani. Masidasu nattana Estemoa kouba saaharduda leiriba Maachath kouba mishingdusu makhoysidagi houkhibani.
20 Simon-gi machaanupa mari leirammi: Amon, Rinnah, Benhanan amadi Tilon. Isigi machaanupa ani leirammi: Zoheth amadi Benzoheth.
Selahgi chaaron-shuronshing
21 Judahna pokpaa machaanupashinggi manungda Shelah amani. Mahaakki chaarondi: Lekah saahar houdokkhiba Er Maresah kouba saaharbu houkokkhiba Laadah, aduga mahaakki machaashing Bathsebada leiba leemon shungbashingdu oirammi.
22 Mahaakki dhaaraasi Kozeba saaharda leiriba Jokim amadi mahaakka loynanaa leiriba mishing. Moab ningol luhongduna Bethlehemda khundaduna leikhiba Joas amadi Saraphnachingba oirammi. (Haayribasi matam yaamna kuiraba waani)
23 Ningthougi konungda haayribashingsina potchei pubagi thabak tourammi. Makhoyna leikhiba saahardi Netaim amadi Gederahni.
Simeongi chaaron-shuronshing
24 Simeongi machaanupa mangaa leirammi: Nemuel, Jamin, Jarib, Zerah amadi Saul.
25 Saulgi machaanupa sanlum oirammi. Sanlumna Misma pok-e.
26 Mismagi mathangda Hammuel, Zakkur, amadi Shimeinachingba laakkhi.
27 Shimei machaanupa taratarukka machaanupi tarukka pokkhi. Aduga mahaakki shaageida leiriba mishingna machaa manaao yaamna tadaba maramna Judahda yaamkhiba mishinggumna yaambadi ngamkhide.
28 Davidna ningthou oiba matamdu phaaobada Simeon tribeki mishingna makhaada piriba saaharshingsida leikhi: Beer-seba, Moladah, Hazarsual
29 Bilhah, Ezem, Tolad,
30 Bethuel, Hormah, Ziklag
31 Bethmarkaboth, Hazursusim, Bethbiri amadi Saaraim
32 Makhoyna makhaada eriba mapham mangasidasu leikhi: Etam, Ain, Rimmon, Token amadi Asan.
33 Khaa nongchupta shaandokkhiduna Baalath kouba saahardu yourammi. Makhoygi tribeshingdugi maramda eramba laairikki matung ennaa haayriba saaharshingsida leikhi.
34-38 Makhaada eriba mishingsi makhoygi tribeshinggi maruoiba mishingni: Mesobab, Jamlech, Amaziahna pokpaa Josah,
35 Joel, Jehu (Josibiahgi machaashing, Seraisgi machaashing, Asielgi machaashing)
36 Elioenai, Jaakobah, Jesohaiah, Asaiah, Adiel, Jesimiel, Benaiah,
37 Ziza, (Siphina pokpaa machaanupashing, Allonna pokpaa machaanupashing, Jedaiahgi chaaronshing, Simri amadi Shemaiah.) Makhoygi shaageidu asum chaaokhatlakpana
39 Nongchuplomda shaandokkhiduna Gedor toukhi. Maphamduda makhoyna Gedogi nongpokta leiba tampaaktuda yaaoshing shennakhi.
40 Makhoyna maphamsida yaamna chaaoraba lamjaao lamhaang shajik phaba mapham matik chaana phangduna engna tapna paankhi. Maphamsida haanna leiramba mishingdu Hamite haayna khangnabba jatni.
41 Judahgi ningthou Hezekiahna paanba matamda mathakta pankhriba mishingsina Gedor taanna chattuna maphamduda haanna leiramba mishingbu taanthoktuna yumkeinachingba yaamna manghankhi. Maphamduda leiramba mishingdu tantho-ktuna leitanna paankhi. Maramdi mapham sida makhoygi yaaonachingbagi shajik chapham yaamna leirammi.
42 Simeongi shaageigi emung 500 Edom taanna chatkhi. Haayriba kaanglupsi Isigi machaanupashingna chingkhi. Makhoygi mingdi: Pelatiah, Neariah, Rephaiah amadi Uzziahiel,
43 Maphamsida makhoyna Amalekshinggi lemhoubashingdu haatkhi. Maphamsida ngasi phaaoba makhoydu leiri.