Galatians 5
5 Ningtamnabagidamak Christana eikhoibu iningtamhanbire; maram aduna chetna leppu, aduga minaigi popuda amuk yaminnajaganu.
Christaga wayel yathanggagi marakta ama khangadaba
2 Yengu, Paul eina nakhoida hairibani, haibadi, nakhoina un kakpa lourabadi, Christadi nakhoigi tongjaba karisu oiroi. 3 Hoi, un kakpa louba mi khudingda eina amuk sakhi piribani, haibadi, mahak aduna wayel yathang apumba tounaba laman tonbani. 4 Wayel yathanggi mapanna chumhanbinaba hotnariba nakhoidi Christadagi mari thadatnare; nakhoidi thoujandagi takhrabani. 5 Maramdi eikhoidi thawaigi mapanna thajabana dhramachenbagi tarang tarang khangna ningbagidamak nagaijari. 6 Maramdi Christa Jesusda unkakpanasu karisu kannade; adubu nungsibagi mapanna thabak touriba thajaba adunani.
7 Nakhoina ningthijana chellammi; achumba indananaba nakhoibu kanana khambage? 8 Athemba asi nakhoibu koubiba Ibungo mangondagi natte. 9 Hamei khajiktana matum apuinba kamkhathalli. 10 Nakhoigi pukning atoppa leiroi haina eina nakhoigi maramda prabhuda thajei; adubu nakhoibu otpa mahak adu, kana kanagumba oirasu, mahakki wayel phangjagani.
11 Touigumsung, ichin inaosa, eina houjik phaoba un kakpa sandoklabadi, kari maramna eibu houjik phaoba otneibiribano? Adunadi crossna khudi thihanba adu tokhalle. 12 Nakhoibu tapthahandriba makhoi adubu un kakpadagi hendokna masa adu phaoba kakthatlamlabadi, eina penjaramgadabani.
Nungsibagi mapanna ningtambabu khudum chanba
13 Maramdi, ichin inaosa, Nakhoibu naningtamnabagi damak koubire; asita nakhoigi naning tamba adu hakchangda khudongchanabagi damak sijinnaganu, adubu nungsibagi mapanna amaga amaga nai oinou. 14 Maramdi wayel yathang apumbabu wahei amana thunghanbani, madudi nangna nanggi keiroi leikaibu nasamakkumna nungsigadabani. 15 Adubu nakhoi amaga amaga chiknaduna chathoknarabadi, nakhoi amana amabu tumhandananaba cheksillu.
Thawai asengbana chingbiba
16 Touigumsung eina hairibani, thawaigi mapanna chatlu, aduga nakhoina hakchanggi apamba adu thunghalloi. 17 Maramdi hakchanggi apamba aduna thawaibu yeknei, aduga thawaigi apamba aduna hakchangbu yeknei; maramdi nakhoina pamba pamba adu toudananaba, ani asi amaga amaga yeknaduna, mai oknei. 18 Touigumsung nakhoibu thawaina chingbirabadi, nakhoi wayel yathanggi makha ponde.
19 Houjik hakchanggi thabak phongdokli, madudi asisingni: marumbi thamba, sengdaba, apaiba, 20 Lai murti latpa, hikap yaikappa, yeknaba, yeinasunaba, kalaknaba, meihouna saoba, marannai tanba, tokhai tokhainaba, michang naiba, 21 Khambanba, yu ngaoba, lamchat haptaba, aduga asigumba mannaba makhei; asigumba thabak mahousana touribasing aduna Ishorgi leibak phanglaroi haiba eina nakhoida hanna khanghankhibagumna, eina houjiksu nakhoida masigi maramda mangjounana khanghalli.
22 Touigumsung thawaigi maheidi: nungsiba, haraoba, ingthaba, kuina khangbiba, chanbiba, aphaba, thajaba, 23 Pukning tappa, masa khudum chanjaba; asigumbabu yeknaba wayel yathang kari amata leite. 24 Amasung Christa Jesusgi oibasingna hakchang adu magi apamba amasung apaiba aduga loinana crossta hatkhre. 25 Eikhoina thawaigi mapanna hinglabadi, thawaigi mapanna eikhoina chatsu chatsi. 26 Amana amabu langnaduna, amana amabu khambannaduna, eikhoina napan touba oiganusi.