Philippians 2

Amata oinaba amasung nolluknaba taakpiba

1 Maram aduna Christadagi karigumba enshinbiba, nungshibagi karigumba themjinbiba, thawaaygi karigumba tinnaba, karigumba nungshiheiba amasung chanbiba leirabadi,

2 Nakhoyna chap mannaba nungshiba leiduna, pukning amata, thawaay amata oiduna, pukning mannaduna, eigi haraaoba mapung phaahanbiyu.

3 Marannai tanbagi mapaanna, nattraga napan toubagi mapaanna amata touganu, adubu pukning nemthana masha mashaadagi atei ateina henna phabani shingthaanasanu;

4 Nakhoy mi khudingna maagi maagi marannai yengdaduna, atei ateishinggidasu yengsanu.

Jesusgi nollukpa amasung masha kaithokchabagi paandam

5 Christa Jesusda leiba pukning asi, nakhoydasu leisanu;

6 Ebungngona Eeshorgi mawongda leirabasu, Eeshorga mannaba oiba adu chetna paigadaba oinaa shingthaanade; 

7 Adubu minaaigi mawong louduna, mioibaga mannaba oiraktuna, ebungngo masha mathantabu sangdokchaare; 

8 Aduga ebungngobu sajatta mioibagumna ure, amasung Ebungngona shiba phaaoba,hoi, Crossta shiba phaaoba haayba eellaaktuna, ebungngo masha mathanta nollukchaare. 

9 Maram adugi damak Eeshornasu ebungngobu waangna thaanggatpiduna, ming khudinggi mathak oiba ming adu ebungngoda pinabire; 

10 Haaybadi, swargada, prithibida, amasung prithibi makhaada leibashinggi khuk-u khudingna Jesusgi mingda nonjananabani, 

11 Amasung mapaa Eeshorgi matik mangaangi damak leiton khudingna, Jesus Christana Eeshorni haayna haaydoknanabani.

Lamchatna araan khubam matol loyba waa

12 Adunadi, eigi achaanbasa, nakhoyna matam leiba khibikta haayba enbagumna, eina leiba matamdata nattana hoijik eina leitbadasu amuk henna kina amasung tanik tanikna nakhoymakki araan khubam matol lomhallu;

13 Maramdi nakhoygi nungda ebungngo mahaakki apenbagidamak ningnanaba amasung thabak tounanaba, animak subiriba adu Eeshornani. 

14 Nakhoyna apeiba amasung seraannaba miron-gi marakta Eeshorgi amakpa leitba machaashing, ayol-araan leitba amasung pukchel tingba oiraknanaba,

15 Murum murum shonba amasung khanjanaba yaaodana thabak pumnamak toubiyu.

16 Miron asigi marakta hingbagi waa khut laanthoktuna, taaibang-paanda mangaangumna nakhoybu ui; asumna eina arembada chende nattraga arembada nomde haayba asi Christagi numit aduda eigi chaaothokchanaba maram oigani. 

17 Hoy, aduga nakhoygi thaajabagi bali amasung thougan mathakta eibu katthoklabadi, eina haraaowi, aduga nakhoy pumnamakka loinna haraaominnei;

18 Amasung matou aduga maannana nakhoysu haraaobiyu, aduga eigaa loynanaa haraaominnabiyu.

Timothy amasung epaphrodita

19 Touegumsung nakhoygi maram khanglabada, einasu haraao nungaaiba oinanaba, eina nakhoyda Timothybu thuna thaaraknaba ebungngo Jesusda tarang tarang khangna ningjei.

20 Maramdi nakhoygi maram chumna chekshinbigadaba, magumna manaana ningba eigi mi kanaa amata leite.

21 Maramdi makhoy pumnamakna makhoy makhoygi marannai adu thi, Jesus Christagi adudi thide.

22 Touegumsung makhoyna mahaakki aoiba adu khang-e, haaybadi, machana mapaabu thougan toubagumna, mahaakna eigaa loynanaa aphaba waapaao thoina shaandokpada thougan touminnare.

23 Maram aduna eingonda kari thoklAgabus eina hek khangjabada, mahaakpu eina thaaraknaba tarang tarang khangna ningi;

24 Adubu ei isasu thuna laakchagani haayba eina Eeshorda thaajei. 

25 Touegumsung eina eigi echin-enaao, thabak shuminnaba amasung laanmi oiminnaba, aduga nakhoygidi paaopuba amasung eigi kaannabada thougan toubida, epaphroditabu nakhoyda thaarakpa tangaaiphadabani haayna khalle;

26 Maramdi mahaakna nakhoy pumnamakpu unaba khouraangna pamjaduna, mathawaay yaamna waarammi, maramdi mahaak narammi haayba nakhoyna taare;

27 Maramdi aoibamk mahaak siningchit narammi adubu Eeshorna maabu chanbire; aduga mabuta nattana, eina awaabagi mathakta awaaba phangdananaba, eibusu chanbire. 

28 Maram aduna nakhoyna mahaakpu amuk ubada haraaonanaba, amasung eigi awaaba khara hanthaana-naba, eina mahaakpu henna pukning changna thaare.

29 Maram aduna mahaakpu tasheng tashengba haraaobaga loynanaa Eeshorda loushinbiyu; aduga asigumba mishingbu ekaai-khumnabiyu;

30 Maramdi eingonlomda nakhoyna thougan toubada awaatpa adu samjinnanaba Eeshorgi thabakkidamak mahaakna mathawaay pamudaduna, shiba taanna naksillammi.